وشلون حآل آلمملكه ..؟! دآم آلخيآنه من [ملك] ..!! لا صار قلبي لك وطن .. أبسألك وين الولاء ..؟ وشلون حال المملكه ؟ - دام الخيانه من (مــلــك) قبل أبتدي عندي طلب ركِّز طلب ماهو "رجاء"! ما أبي تجاوبني .. ولا تستغرب إني أسألك لا تنصدم من عزلتي حالي مثل : كل الولأ عندي سبب : ما تستحق إنِّي أجيك و أوصلك؟ لا تعتبر جمر الحكي من شاعرك يعني "هجاء" لو كنت بهجي حضرتك ما خفت منِّك .. قلت لك .. ! هذي القصيده مصنِّفه في دفتري قصة "رثاء" حبٍ يموت وتنولد .. وحبٍ يعيش ويقتلك.. ! ناديت لك ياما .. ولا لبِّيت لي , وضاع النداء ..! مبحوح صوتي والصدى من كثر ما ناديت لك ..! أقرب من ثيابي علي وأبعد من نجوم السماء ورغم إبتعادك والتعب ..أرسم طموح وأمهلك .. ما كنت لي الداء وأنا ما كنت لـ جروحك " دواء" .. ما عشت في دنياي لي !!عايش ولكن عشت " لك" .. ! علمتك القلب الوفي .., ما يخذلك فيه "إنتماء" ! وعلمتني كيف العشم في من تحبه .. يخذلك !! علمتك إن أصل الهوى يرجع لـ كلمة " إحتواء " ! وعلمتني إن الهوى , ما عاش يوم بـ داخلك ..! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! ما تستحي ,, ودامك كذا ؟ - إفعل حبيبي ما تشاء ! توِّي عرفت إنِّي كثر ما أعْرِفِك .. كنت أجهلك! ما كان قلبي بس لك وقلبك لعب دور الدهاء ! وما كنت لك أقرب من أنفاسك وأقرب من هلك ؟! ما عاد تفرق غيبتك أو رجعتك .. عندي سواء ! كنت إهتمامي ورغبتي .., والحين دوري أهملك ! لا صار قلبي لك وطن .. أبسألك وين الولاء ..؟ وشلون حال المملكه؟ - دام الخيانه من ( ملك ) ! إن كنت جاهل ..! "لعبتك قلبي " وما فيها ذكاء حتى الطفل إن جبت له [لعبه].. - ولاءه صار لك ! قبل أنتهي عندي أمر ما هو طلب وإلا رجاء .. لا يشغلك ماضي إنتهى .. ركِّز علـى " مستقبلك" |
رد: وشلون حآل آلمملكه ..؟! دآم آلخيآنه من [ملك] ..!! أبيات غاية في الروعة Posted via Mobile Device |
رد: وشلون حآل آلمملكه ..؟! دآم آلخيآنه من [ملك] ..!! علمتك إنِّي لك بحر [ مدَّه وجزره ] لك وفاء ! وعلمتني كيف أنصدم وأغرق أنا في ..ساحلك ! الله يعطيك العافيه تقبلي مروري اخوك فتى قنونــــا |
رد: وشلون حآل آلمملكه ..؟! دآم آلخيآنه من [ملك] ..!! كم تمنيت أن لا تنتهي تلك الأبيات المُحزنة والقاسية في نفس الوقت كبــ السعودية ــرياء قلم رائع جداً جداً جداً إلى الامام |
رد: وشلون حآل آلمملكه ..؟! دآم آلخيآنه من [ملك] ..!! وجــــــــــــودكم بصفحتي الضااااااااف لها رونق خاااص شاااااااكره تووووووواصلكم |
رد: وشلون حآل آلمملكه ..؟! دآم آلخيآنه من [ملك] ..!! علمتك القلب الوفي .., ما يخذلك فيه "إنتماء" وعلمتني كيف العشم في من تحبه .. يخذلك !! لا صار قلبي لك وطن .. أبسألك وين الولاء ..؟ وشلون حال المملكه؟ - دام الخيانه من ( ملك ) ! بصراحة رائعة فريدة من اجمل ما قرأت والذي نفسي بيدة ان القلب ليحزن وانها لتذيب القلوب القاسية الله واكبر ما اروع هذة الاحاسيس وما اجمل هذ الذوق الذي اتحفنا بهذة الدرر مع انه ربما ذرفت عيون بصراحة اول مرة اسمعها ! مشاركة في غاية الروعة |
رد: وشلون حآل آلمملكه ..؟! دآم آلخيآنه من [ملك] ..!! مشكووره اختي كبرياء السعوديه على هذه السطور الغير عن كل السطور فلا تحرمينا من جديدك تقبلي مروري |
رد: وشلون حآل آلمملكه ..؟! دآم آلخيآنه من [ملك] ..!! ابيات رووووعه في الجمال والابداع قلمك مميز وفي شغف لجديدك بارك الله فيك |
الساعة الآن 02:34 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن