|
نصيحه لزوجات ههههههه نصييييحه اذا زعلتي من زوجك لاتطلعين الا اذا عندك بقره .!!!!!! هاذي قصه اعجبتني وحبيت انقلها لكم اتمنى تعجبكم كان في احدى قرى نجد وتحديدا في احد قرى حائل زوجان في بداية حياتهما الزوجيه ورغم ان الزوجه تحب زوجها الا انها كانت صغيره ومغروره بعض الشيء وفي ذلك المساء وحين عاد الزوج من المزرعه متعبا مجهدا اثارت امامه زوبعه بدون سبب وحين لم تجد منها التجاوب المأمول صرخت في وجهه : باروح لبيت اهلي !! فاخذ يهدئها ويطيب خاطرها ولكن ذلك لم يزدها الا صراخا واصرار على الذهاب الى بيت اهلها فقال لها الرجل المجهد : اذا كنت ِ مصره .. الباب يفوت جمل واخذتها العزه بالاثم فهرولت الى بيت اهلها القريب وتركت بابه مفتوحا من شدة الغضب ثم انها تعتقد وتنتظر انه سوف يلحقها قبل ان تصل الى بيت اهلها لانها تمشي على قدميها .. ولم يحرك الرجل ساكنا وظل كأن الأمر لا يعنيه من قريب او من بعيد.. ومضى يوم ويومان واسبوع واسبوعان وهي في بيت اهلها تنتظر ان يصالحها وتعتقد كلما قُرِع الباب انه قد هرع اليها بالهدايا المرضيه .. ولكن دون جدوى وحين فرغ صبرها أو كاد وهزها الشوق الى بيت الزوجيه، واكلتها عيون الزائرات، قالت لابيها : _ انت ما تشوف محمد .. ما يتكلم معك ؟! _ اشوفه يصلي معنا في المسجد.. يسلم عليّ واسلم عليه ..! _ بس ؟؟ ما قال لك ليش ما ترجع ساره ؟ _ لا .. ما فتح لي هالموضوع نهائيا ! وظلت المرأه تتململ على نار وتسأل أباها كل مساء ذلك السؤال وهو يجيبها بنفس الجواب حتى فرغ صبره فقال لها : _ الرجال لا سال .. ولا له داعي تكررين السؤال كل يوم ! انتي طلعتي من بيته بدون سبب اذا كنتي تبين ترجعين له ( وهذا هو الظاهر) ارجعي له مثل ما طلعتي والا ترى بيتي ماهو ضايق فيك وظلت المراه اسبوعا اخر كانها على جمر تتمنى اشاره من زوجها او ايماءه لكي تعود وفي وجهها بعض الكرامه .. ولكن شيئا من ذلك لم يحدث هنا فرغ صبرها واخذت تفكر في أي حيله تعيدها اليه بشكل فيه ذره من منطق او سبب فلم يتوصل تفكيرها الا للبقره ! فقد كان لديهما، هي و زوجها، بقره تخرج كل صباح مع ابقار القريه للرعي وتعود الابقار في المساء فيتوجهن عادة الى منحاة فيها ماء فيردن ثم تنطلق كل بقره الى بيت صاحبها بدون دليل .. وكانت تراقب الابقار من شقوق الباب، باب اهلها، وتحسد بقرتها حين تراها تنطلق من المنحاة الى البيت فتدف الباب براسها وتدخل دون أي حساسيه ..! وتمنت ان تفعل مثلها .. هنا قفز الى ذهنها فكرة نفذتها فورا، وهي تنظر الى البقر يشربن من المنحاة القريبة ،،،،،،، لبست عباءتها وانطلقت اليهن، وحين ارتوت بقرتها وتجهت صوب البيت امسكت بذنبها ! ويقال ان البقرة اذا امسك احد بذنبها تتضاعف سرعتها عشرات المرات وتصلح لسباق الخيل ! المهم ان البقرة انطلقت بسرعه عظيمه والمراه وراءها ممسكه بذنبها <<< تخيلوا شكلها ودفت البقرة الباب براسها ودخلت والمراه وراءها فاذا بها امام زوجها وجها لوجه فصرخت فيه : _ انا والله ما جيت .. بس البقره هي اللي جرتني !!!!! 0 0 ** ما يستفاد من القصه _ لا صار زوجك تعبان لا تقعدين تقرقين على راسه _ لاتزعلين وتروحين لاهلك من نفسك لا خليه هو اللي يوديك علشان يرجعك << مهمه هذي _ لاترجعين بنفسك جيبي لك بقرة وخليها ترجعك _ اول شي تشترينه لما تجين تجهزين لزواجك بقررره هههههههههههههه سنعة وعلميها بيتكم علشان ماتوديك بيت الجيران ههههههه منقوول لعيونكم الحلوه .. وتستفيدين من ذا القصه ان ماتطلعين من بيت زوجك الا اذا كنتي واعيه للي تسوينه ... ماتنتظرينه يجي لان الزوج تتوقعين منه اي شي ... الله يهديكم يااارب ـــــــــــــــــــــــــــــــــــــ |
رد: نصيحه لزوجات ههههههه ههههههه حلوة مرة يسلمووو برنسيسة وان شاء الله المدامات ياخذون بنصيحتك بس عاد مالو حق كان راضاها هي بس حبت تتدلع عليه عشان تعرف غلاتها عندو تحياتي برنسيسه |
رد: نصيحه لزوجات ههههههه اميرة القمر..... اسعدني مرورك شكراً لك... |
رد: نصيحه لزوجات ههههههه والله قصة حلوة .... وين النساء من قصة البقرة ... لك الشكر ... |
رد: نصيحه لزوجات ههههههه ههههههههههههه الله يسعدك ياشيخه والله يا لدلع انه ينتهي وتعرف عاد معد تتزيعل من ابكذاب بقول لك قصة وحده من جيرانا الله يهديها زوجها معيشها على كفوف الراحه كل ما تتمناه يعطيها يحبها لدرجة انها كل ما دقة في راسها راحت عند اهلها وما رجعت الا بذاك الرضاوه ذهب وكم الف ودايما وهيه تمشيه على كيفها ومره راحت بس كانت طلباتها هذي المره غير طلبت يكتب العماره ثلاثه ادوار باسمها ويسلمها صرافته حقة الراتب وكانت تحسب انه زي كل مره بيخضع لطلباتها بس قال لها هذي المره لا ورجع للمدينه الي هوه ساكن فيها وهيه تستناه يرجع لها بطلباتها بس كان رده هذي المره قوي راح خطب وملك في نفس الاسبوع وهيه بغت تتجنن قالت خلاص طلقها برجع قال مالك رجعه الا بعد ما اتزوج وانتي تسكنين في الملحق وشقتك بزبطها للعروسه وفعلا تزوج وطلع عفشها للملحق والعروسه صلح لها الشقه وأثثها من جديد ورجعت الاوله وهيه ما تبصر الطريق ههههههههههههههههههههههههههه واكيد انتي كمان تعرفين القصه بس قلتها للعبره يابنات انتبهو |
رد: نصيحه لزوجات ههههههه ههههههههههههههههههههههههههههههه ما بقي شي اقوله شكرا |
رد: نصيحه لزوجات ههههههه هههههههههههههههههههههههههه شكرا برنسيسة عاد الحريم المدلعات الله يعينهم يعملون جمعية حريم وكل شهر تشتري الوحدة بقرة عشان اذا زعلت وما رجعها زوجها ترجع مع البقرة . اما الحريم العاقلات ما يحتاجونها اصلا |
رد: نصيحه لزوجات ههههههه الله يعين كل وحده تتدلع وتروح بيت اهلها قبل ما تفكر في ذا الشيء تشتري لها بقره ترجعه ههههههه قصه مميزة أستمتعت بقرائتها الله يعطيك ٍ العافيه |
| الساعة الآن 11:19 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن