|
ياليل / اخرى لقلوبكم بسم الله الرحمن الرحيم السلام عليكم ورحمة الله تعالى وبركاته اطرحه بينكم متواضعتي واتمنى ان يرتقي الى ذائقتكم العذبه مدخلـــ دفتري حقل وتجارب صفحته الأولى غلاف وبعدها صفحة خلاف من قريتك قمت ادون فيها رأيي حتى صار الإختلاف وبعد هالصفحة رسومي شاملة يقظة حلومي من شخابيط الأماني فيها رسمة قلب حاني وفيها سهم اخترق قلبي وطار وفيها شفة ولعت قلبي بنار وفيها جملة قالها استاذ القواعد (يا ولد خليك قاعد والا قوم على الجدار) خوّف عيون الصغار ليتني اعود طالب بس يوم ونصف ليلة وصاحت انفاسي وقالت ما معك اية وسيلة غير تسهر كل ليلة غير تسهر كل ليلة *** زمان كنت اسمع سالفة عندك قرين يسكنك في كل حين وحين تحتاجه يجيلك يلهمك بعضك بليلك ثم تهدأ فيك روحك ليتها تبرأ جروحك حتى تشعر بالأمان وما معك اية وسيلة غير تسهر كل ليلة غير تسهر كل ليلة *** ليلة.!! لا لا كل ليلة احتسي كأس السهر وادمنه حد الثماله والقهر كل القهر لا سكن همك بداله صار لك مثل النديم والخناجر والجحيم حين يطعنها وليفك وما معك اية وسيلة غير تسهر كل ليلة غير تسهر كل ليلة *** (( يالـيــل )) ياليل./لا تحسب اني اسهرك فرحه او تحسب ان الوله اختار منزوله ولا تظن ابحياتي ./زايد الفسحه شفها حياتي كماهي العام مشغوله اضحك لثغر الثريا واطرح السمّحه حتى يجيني القمر ويطيح من طوله يعنى معاك السهر قد صابني رمحه ما غير ادندن مع حرفي بتفعوله كذا تعودت مجلاسي./الى صبحه اشخبط ابدفتري من عرضه لـ طوله اروح لأبعد خيالٍ واصل ن جرحه واشوف ذكرى بأقصى القلب مقتوله فيها حزن ما قوى قلبي على طرحه وفيها فرح /كل من حوله يغنوا له وفيها بقايا غرام ن/قام من ضرحه وفيها سوالف/خذت قلبي لمجموله تجمعت كلها../حزني مع مرحه فرصه./وكلن يغنى لي على موله الليلة كالبارحه وبكره ترى شرحه عزاه ياقلب ن اصحابه تعدووا له صارت حياتي كما طير بلا جنحه اسير ليله ومن حوله تواصوا له فالقلب ماعاد به ملي بلا رمحه يعني تعود على طعنات من حوله.!! من كثرهمه خلط نقصه مع ربحه عجز يبين من اللي صدق يصفوا له لين اصبح الهمّ ./مقباله وفي نزحه تثور فيني شظايا./غير مجهوله يغيب فكري ويفرك كفي السبحه بين الحنايا/ انين ن زاد مفعوله حتى لفا صوت خفف قوة الذبحه وحاول يعيد طرفي قبل ياجوا له وقال يابوحي الغافي كفى سرحه خل السوالف./مع ليلك ومسئوله يا بوح رح نام يالله /عدها مزحه وشوف لا مات قلبك كيف يرثوله وقمت ودعت ليل ن طايل صبحه غمضت عيني تعب قدام ماتوله وقلت ياليل/خذها بآخر الصفحه ان نمت /والا سهرتك كلها جولة مخرجـ يقلون باب يجيب الريح لا تتركه.... .......قفله وارتاح وانسى كل شرهاته خلك على مبدأك وعالم الفبركه..... .........لابد من يوم يتعرى بشطحاته شعر احمد المنتشري بوح القصيد |
رد: ياليل / اخرى لقلوبكم الله .... الله ..... الله يا احمد المنتشري ابداع ...........تميز كل المعاني وكل الكلمات وانا نقف لك احتراما وتقديرا بوح القصيد وبو ح المشاعر مع احساس مرهف وخيال واسع وتأمل للماضي والحاضر مع جرح الزمان والمكان هنا نجد نزف الحروف والعبارات تنزاحم من ايادي وثغر شاعرنا احمد المنتشري لتقف هذه القصيده شاهده على ابداعك ياأستاذ. وتقبل مروري |
رد: ياليل / اخرى لقلوبكم ننتظر جديدك بشغف |
رد: ياليل / اخرى لقلوبكم اقتباس:
الجميل بحضوره دائما الأستاذ القدير / علي بن قحمان القرني اقف احتراما لهكذا عروج بين خمائل اسطري واتمنى اقدم دائما ما يرتقي الى ذائقة مميزة كـــ أنت شكرا لك هذا الكرم في الحضور وطيب السطور ارق التحايا لك |
رد: ياليل / اخرى لقلوبكم اقتباس:
الجمال والروعة بطلتك العطرة شكرا لك مرورك العذب ارق التحايا لك |
رد: ياليل / اخرى لقلوبكم لا استطيع الا قول : ( فعلا انها من الروائع ) سلمت وسلمت يمينك وننتظر القادم |
رد: ياليل / اخرى لقلوبكم رووووووووووووووووعه بارك الله فيك بانتظار الجديد |
رد: ياليل / اخرى لقلوبكم [tabletext="width:70%;background-color:black;border:1px double orange;"] | [/tabletext]أحمد المنتشري هنيئاً لنا بهذه الشاعرية الفذة كلمات ليست كالكلمات كلمات تجعلني اقف مشدوهاً أمام هذه القريحة التي تجود لنا بين الفينة و الأخرى رائعة من روائع الأدب لله درك ولا فض فوك لا تحرمنا من هذه الاشراقات |
| الساعة الآن 08:57 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن