منتديات بني بحير بلقرن - ياطير في خاطـرك شـي امتخَفّـي

منتديات بني بحير بلقرن (http://www.binybohair.com/vb/)

- - ياطير في خاطـرك شـي امتخَفّـي (http://www.binybohair.com/vb/binybohair13368/)

ياطير في خاطـرك شـي امتخَفّـي

ياطير في خاطـرك شـي امتخَفّـي
متغيرٍ طبعـك وضايـق ومحـزون
دايم علـى همـك جناحـك مظفّـي
كنك بظف احد الجناحيـن مطعـون
هذا وانا اللي فـي لزومـك موفّـي
شايلك وسط العين واغلى من النون
لافـرّع القنـاص طيـره ورفّــي
والكل في طيـره مولـع ومفتـون
أعد نقلـك هـو غرامـي وشفـي
وتزهاك في عيني تواصيف وعيون
ياما معـك عنيـت ساقـي وخفـي
مااسمع من العذال مهمـا يقولـون
واشغلت فكري معك لين إستخفـي
وادخلت في بالي هواجيس وظنـون
اقبلت لـك لكـن اشوفـك مقفـي
في كل يوم الحال من دون في دون
واخـاف لااحصلـك يـوم متوفـي
ويروح معك السر ياطيـر مدفـون
عقـب المعـزه مايجـوز التجفّـي
ولاني بمستانس معك وانت مغبون
اللي حصل من طول صبرك يكفـي
والحر يرجع حر ماهوب مسجـون
انا نويـت اطلـق سبوقـك بكفـي
واعتقك يا طيري مثل طير بن عون