منتديات بني بحير بلقرن

بسم الله الرحمن الرحيم

السلام عليكم ورحمة الله وبركاته

يقول المثل : من طول الغيبات جاب الغنايم

واليوم جبت لكم قصيدة ( ألــفــيــة ) تحاكي في مطلعها جـيـلـنـا الـحـاضر الـمـنـخـرط في عـالـم الـحـب الوهمي
وهنا أقول ــ وهمي ــ لأنهم بعيدون كـل البعد عن الحب الحقيقي الذي يتمثل في حب الله عز وجل ونبيه المصطفى صلى الله عليه وسلم , وتعبر عن تحول شخص من العالم المجهول إلى الواقع الذي لا مفر منه , وتحمل لكم بعض
النصائح والحكم والأمثال .. لا أطيل عليكم أحبتي وأترككم مع القصيدة .

ألــــفــــيــــة

الـ( أ )
أبـكـتـــب مـن ضـمـيـري قــصـيــده
يا جعــلـهـــا بين الـقـصــايــد فـريـده
تنفع مدونهـا وتـــرفــــع رصــيــــده
بقـولهـا ما دمت للـشـعـــر قــبــطـان
والـ ( ب )
بـكــت عيـنـي عــلــى فــقـــد خــلــي
مـن يــوم شفـتـه صـــد عـنـي مـولـي
وأنـا دمـوعـي فـــوق خـــدي تـهـلـي
والقـلـب مـن فـرقـــاه تكـويه نـيــران
والـ ( ت )
تـعـبـت مــن إنـتـظـاري وأنـا أرجـيـه
ومــل الصبـر مني وأنـا فـي حـراويـه
وش لـون أعيش العمـر دونه وأقضيه
معقول أعيش العـمـر من دون خـلان
والـ ( ث )
ثــمـــر دنـيـاي فــي نـصـــرة الـديــن
ما عــاد أهـوجـس ويـن خلي وأنا وين
صـارت حياتي دون شــرح وعـنـاوين
مـتـمـسـك بدين طـغـى فــوق الأديــان
والـ ( ج )
جـــــارك أمــــنـــــه قـــــبـــــل دارك
خــذهــا نصيـحـه قـبـل تـاخـذ قـرارك
وإن كــان ودك تـسـتـمـر فـي مـسـارك
مالي عـلـى مثلك مـن الخـلـق سـلـطـان
والـ ( ح )
حــــذاري هـــرجــة الـقـيـــل والـقــال
وإن ضاق فيـك الوقـت وتغـيـر الـحـال
أصبـر على هـمـك وحـزنـك ولـو طـال
يـمـكـن تـضـيـق أيــام وتـسـرك أزمـان
والـ ( خ )
خـذ الـدنــيــا عـــلـى كـيــف مــا جـات
لا تـلـتـفـت للي مـضـى مـنــك وفـــات
لـكـن تــذكــر حــزة الـمـوت حسـرات
سـبـحـانـك الـلـهـم عــفـــوك يـا رحمن
والـ ( د )
دامـــك بـالــعــــقـــيـــــده تـمــســكــت
ولـسـنـة مـحــمـــد درســت وتـعـلـمــت
وأديـت فـرضــك في حياتـك على الوقت
مـن يـعـمــل بـإحـسـان يـجـزى بإحسـان
والـ ( ذ )
ذكِّــــر مـــن تــشــــوفـــه مــقــصـــــر
آمــره بـالـمـعـــروف ولـفـعــلـه أنـكــر
قـــل لــه نـصـيـحـه قـبـل يـنـدم ويخسر
دام الـنـصــيــحــه مـا تـــقــدر بالأثـمـان
والـ ( ر )
رجـــيـــتــك يـا مــجـــيــب الــدعــاوي
تـهـدي وتـصـلـح كــل فــاســد وغـاوي
وتــدفــع عـن أمـتـنـا جـمـيــع الـبـلاوي
وتـعـيـذنـا مـن كــيــد سـاحـــر وشيطان
والـ ( ز )
زود الــعــلــم لـلـعـــــقــــل تـــنــويـــر
لـولاه مـا تــمـــت أمـورك عـلـى خـيــر
دامـك حـمـلـت الـمـسـك لاتـنـفـخ الكـيـر
الـفـرق شــاســع بـيـن عـنـبــر ودخـــان
والـ ( س )
سـتــــر الـعــيـــب خــصــلـه حـمـيــده
وإن مــا ســتـرت الـعـيـب وش تسـتفيده
الـعــذر مــا يـنـفـعــك مـهـمـا تـعـيــــده
كـــم واحـدٍ مـبـغـوض مـن زلــة لـسـان
والـ ( ش )
شـــفــنــا فــي زمـــــان الــعــجـــايــب
نــاسٍ مـشـيـعـه لـلـفـتـن والـمــصــايـب
مـجـنـونـهمـ قــد قــــال مــانــي بـتـايـب
وعـاقـلـهـم مـفـرق جـمــاعــات وأخـوان
والـ ( ص )
صــدق إن قــالــوا الـــنـــاس أجــنــــاس
هــذا ذهــب صـافـي وذا مـعــدن ألـمـاس
واللي جـنـاه كـلـيـب مـن غــدر جـســاس
الـزيـر أخــذ ثـــاره وجــســاس مـنـهـان
والـ ( ض )
ضــعـــف الــديـــن أكــبـــر مـصـيـبـه
يـامـضـيـع إيـمـانـك حـيـاتــك عـصـيبه
أتـبـع كــتــــاب الله وســنــــــة حـبـيـبـه
الـنـقـص في الـرجـال من نـقـص الإيمان
والـ ( ط )
طــلــبــتـــك يــا عــظــيــم الــجـــلالـي
تـجـعـل طـريــق الخـيـر دايـــم قـبــالـي
وتـغــفـــر لــي الــــزلات أول وتــالــي
وتـعـيـن مـن يـقــضـي لـيـالـيه سـهـران
والـ ( ظ )
ظــلـــم الـــنـــاس ذنــــب وخــطـــيـــه
يـاويـل مــن يـظــلــم نــفـــوس بــريــه
مـن يـوم يـتـبـرى الـخـوي مـن خــويـه
الـعــمــر دَيــنٍ لـــه بـعـــد وقــت ديَّـان
والـ ( ع )
عـامــل راعـــي الـطـيـب بـالـطـيــب
وأحـذر مـن الشـمـات راعِ الأكـاذيــب
ذا مـخـطـي بـرايـه وذا رايـه مصـيب
خل بـحـيـاتـك مـبـدأ الـصـدق عـنـوان
والـ ( غ )
غــشــيــم الـلـي يــحـــاول عـــدانـــا
مـادام نــصــر الــديــن هــو مبتغـانـا
دون الـشـهـاده مـا بـتـقـصـر خـطـانـا
غـلـطـان ياللي تـدور الـشـر غـلـطـان
والـ ( ف )
فــقــدنــا فــي زمــنـــنــا الأمـــانـــه
يـاكـم سـمـعـنـا بالـغـــدر والـخـيـانـه
كـلـن على كـيـفـه يـروض حـصـانـه
لـكـن وش الـحـيـلـه في إنسـان خـوَّان
والـ ( ق )
قـــالــوا من حـكـى لـك حـكـى فـيــك
وقالوا الغني من يدفع الـكـاش والشيك
هـذا هـو الـواقـع ومـن دون تـشـكـيـك
عـشـنـا وشـفـنـا فـيــه أشـكـال وألـوان
والـ ( ك )
كــدحـــك فـي حــيـــاتــــك تـلاقــيــه
عــنـــد الـذي كـل الـمـخـالـيـق ترجيه
هـذا كــتــابــــك يـا ابـن آدم بـمـا فـيـه
هـذي الـحـصـيـلـه دون ظــلـمٍ وبهتان
والـ ( ل )
لــوم الــنـــفــــس مـــا عـــــاد يـنـفـع
فـي يـــوم لاصـاحـب ولاخـل يـشـفـع
ولرحمـة المعـبــود نـرجـي ونـطـمـع
كـلـن يـوفـى مـا عـمـل دون نقـصـان
والـ ( م )
مــن يــبــغــى يـعــيــش بـســعــــاده
يـبـقـى عـلى إيـمـانــه قـــوي الإراده
وش هــي حـيـاة مـكـبـريـن الـوسـاده
ضيم وشقا وغموض وهموم وأحزان
والـ ( ن )
نــســلــي مــن رجـــالٍ مــطـــالـيــق
خـذهـم عـلـى يمناك في ساعـة الضيق
الـعـلـم جــاك وخــذ مـع الـعـلـم توثيق
أنـــا ولـــد عـــواض والـجـد لــبــدان
والـ ( هـ )
هــويــت الـشـعــر مـن صـغــر سني
هـذا قـصـيـدي مـا أختلف فـيـه ظـنـي
يـبـقـى لـكـم تـذكـار حـتـى لــو إنــي
فـارقــت دنـيـاكـم مـع بيض الأكـفـان
والـ ( و )
وصــاتـــي يــاهـــلـــي سـامـحــوني
وأدعــوا لـي الـرحـمـه إذا كـفـنـوني
ولـلـقــبــر شـالـوا جثتي وأنـزلـوني
يالله يـالـمـعـبـود لطــفـــك يـا مـنــان
والـ ( ي )
يــا الــلـي تــســمـعــون لـكـــلامــي
صـلـوا على المختار مسك الختـامـي
وثـنـوا عـلـيـهــا مـع كثير السـلامـي
شـفـيـعـنـا فـي يـوم تـفـريـق الأوزان

وسلامتكم

كلمات الشاعر : حمود بن عواض البحيري

//

حدي نظر