|
رساله على الجوال http://www.factway.net/vb/uploaded/1020_01200083975.gif بسم الله الرحمن الرحيم السلام عليكم ورحمة الله وبركاته في يوم من الأيام أتتني على الجوال رساله موضوع الرساله ( كيفك حياتي والله ياني عليك ولهانه) حينها ماكنت عاقل كنت مراهق وفكري متخاوي مع شيطانه ...واستلمت الرساله وبعدها بدا الوسواس يشتغل بذيك الجمله ويعزف لي ألحانه ..من تكون المرسله وليه أرسلت ... معقوله تكون عشقانه ..طيب هل هي حلوه والا الجمال يشكي لها احزانه ...هل هي قصيره والا ماخذه من الطول بانه...وتهت بالفكر في الوصف أشكاله وألوانه توقفت عن التفكير وأخذت القرار طنش ياولد ...وارفع من قدرك وشانه ..خلك ثقيل وان كان هي تقصدك بتكرر المشهد وبترسلك الثانيه ... وقتها تونس ياولد والحق الكذبه بكذبه حتى تمتلك قلب انسانه وبعد فتره ماهي بالطويله تولع لمبة الجوال ويرتسم ذاك المستطيل ومكتوب بداخله ( رساله جديده) فتحتها واللهفه تسبق أصبعي والفكر متعلق بشيطانه . موضوع الرساله (الله يستر عليك ويسامح اللي نساك فلانه) الآن ماعاد للثقل مجال ...بندق ونشوف من هي فلانه؟ دقيت وقلت لها ألو سلامي وردت هلا والصوت أكبر من اللي جاء على خاطري وشيطانه. الصوت حنانه ولهفته يحكي حال حرمانه قلت عفوا" جتني رساله وما ادري لو انك غلطانه قالت والله ياولدي حنا عجايز ومانعرف المرسل والمرسل اليه بس خلني اسأل فلانه ...يابنيتي هذا واحد يقول انا ارسلنا رساله الى عنوانه وردت البنت على أمها خليني اشوف واتأكد يايمه...ايوه صادق هذا اخر رقمه صفر واخوي عبدالرحمن اخر رقمه ثمانيه ..بس جوالك يايمه قديم وفات آوانه وانا لخبطت بين الصفر والثمانيه ردت علي أمها اي والله ياولدي اعذرني انا اكنت بارسل لولدي اللي من يوم تزوج صار يالله يتذكرنا.. وارسلت لك ولا تشره على هذا الزمان وشيبانه قفلت الجهاز بحسره وتعوذ الفكر من شيطانه وقلت استغفر الله استغفر الله استغفر الله طلعت المسكينه غلطانه. ذاكررر |
رد: رساله على الجوال يا سلاااااااام عليك شوووف مثل هذي الرسائل فيه ناس يدورها دوره حتى لو عجوز وغلطانه مثل ما ذكرت بيحفظ الرقم عنده وبجي في باله انها البنت ارسلت له بس ودها امها تروح ويبدأ في رسائل الغرام والخراااابيط وفي الأخير يقتنع انها بالغلط بس الشيطان بيوسوس له الين العجوز وبنتها يغيرون الرقم شكراً لك على روعة قلمك تحيتي |
رد: رساله على الجوال إن مايدعو البعض لمثل تلك الممارسات هو ضعف الوازع الديني ولو يتذكر ذلك الانسان الاخره وعذاب القبر والحساب لما أصر على فعلته مع العلم أنه ( كما تدين تدان) |
رد: رساله على الجوال استاذ ذاااااااااكر مبدع كما عهدناك : موضوعك يحتمل نقطتين ... ازعاج الاخرين والتعامل مع التقنية بعقلية مراهق .. وتحتمل ايضا الخطأ الغير مقصود من البعض وفي الحالتين يجب ان تكون الحكمة سيدة الموقف والبعد الاخر قطااااااااعة الرحم اعاذنا الله واياكم منها .. وهذا الموضوع يقتضي صفحااات لمناقشتة .. الف شكر استاذنا الكريم |
رد: رساله على الجوال اقتباس:
وهذا ماأردت ايصاله من خلال هذا الطرح ألف شكر دكتوره أميره دائما" تواجدك ينور صفحات المواضيع والمنتدى |
رد: رساله على الجوال تصرف جميل....صفه جميلة ما في داعي تقول السالفه على المنتدى اتقاء شبهت الرياء والسمعة |
رد: رساله على الجوال [quote=زيدان;82234] تصرف جميل....صفه جميلة ما في داعي تقول السالفه على المنتدى اتقاء شبهت الرياء والسمعة [quote=زيدان;82234]السالفه ماحصلت معي ولكن حينما أكتب أتقمص الشخصيات شكرا" زيدان على المرور |
رد: رساله على الجوال جميل يا ذاكررر ماخطه قلمك انت تنظم كلماتك كعقد الولو وتجعلها في قالب قصصي سلس جميل بالنسبة للموضوع فأنه حب الاستطلاع والفضول والانسان بطبعه ضعيف وربما للوازع الديني دور بصراحة الكثير ممن سيتصل او يرسل لهذا الرقم ولكن ربما ليس من اول وهله الا من يحفظه الله بحفظه ويربط على قلبه . نسأل الله ان يحفظنا ويعصمنا من الشيطان وتوهيمه. تحياتي |
| الساعة الآن 10:27 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن