منتديات بني بحير بلقرن - رسالة عن طريق الخطأ (تموت من الضحك)

رسالة عن طريق الخطأ ..... تموت من الضحك ..

اتنين متجوزين من عشرين سنة ..
قرروا يروحوا يصيفوا ع البحر بنفس الفندق اللي قضوا فيه شهر العسل زمان
لكن الزوجة كانت مشغولة .. فاتفقت مع زوجها على إنه يسافر لوحده
و هى ح تلحقه بعد يومين .............!!!!!
وصل الزوج ع الفندق و دخل الغرفة
فوجد كمبيوتر بالغرفة و متوصل بكابل الانترنت فقال: يبعت ايميل لزوجته يطمنها فيه على أحواله ..

بعد ما كتب الرسالة .. وهو بيكتب عنوان البريد الالكتروني لزوجته أخطأ فى كتابة حرف فى العنوان

و بالطبع راح الايميل لشخص تاني تصادف إنه كان لأرملة لسيدة راجعة من مراسم دفن زوجها اللي توفاه الله بنفس اليوم .. !!!!!!!!

الست الأرملة فتحت الكمبيوتر بتاعها لتقرأ ايميلات التعازي ...

فوقعت ع الأرض مغمى عليها .. دخل ابنها وحاول يسعفها بكل الطرق بس معرفش يفوقها ..

نظر الابن إلى كمبيوتر امه و قرأ الرسالة التالية :

زوجتي العزيزة .. وصلت بخير .. و يمكن تتفاجئي لأنك ح تعرفي أخبارى عن طريق الانترنت
لأنه دلوقتي بقى فيه كمبيوتر عندهم و يقدر الواحد يبعت أخباره لأهله و أحبابه يوم بيوم ...

أنا وصلت من حوالي ساعة
و تأكدت إنهم جهزوا المكان و كل شىء

و مش باقي غير وصولك لهنا بعد يومين .. إشتقت لك كتير و مشتاق أشوفك و باتمنى تكون رحلة سريعة زى رحلتي ...

ملاحظة : مش ضروري تجيبي ملابس كتيرة معاكى لأن هنا الحر شديد قوي قوي .. يعني جهنم !!!!!!

هههههههههههههههههههههه