منتديات بني بحير بلقرن - أحلامي الطفــولية

اقتباس:

المشاركة الأصلية كتبت بواسطة دايم الشوق (المشاركة 87729)

آه كـم ونـةٍ بالصـدر مخفيّـه

في حنايا مـن الأحـزان مليانـه

عقب كانت حديث قلوب سرّيـه

ولعت جوف صدرٍ ثـار بركانـه

يوم عديـت بالأقـدام عصريـه

فوق رجمٍ لـه الأقـدام طربانـه

رحت اغني واجاوب كل قمريـه

وفز قلبي كمـا طيـرٍ بجنحانـه

وهل دمعي كما همّـال وسميـه

لين راحت ثيابـي منـه غرقانـه

يوم لديت فـي الـدار الخلاويـه

وشفت منزالنـا فيهـا ومرحانـه

عشت لحظه مع احلامي الطفوليه

يوم كانت غصون العمـر ريانـه

شفت نفسي بذيك الديـره الحيـه

طفل غرقان في لعبه مع اخوانـه

نصنع من الخيال جمـال وهميـه

مثل زمل البدو لاشدت اضعانـه

ثم نشعب جمال الوهـم طرقيـه

يوم تقفـي نغنـي ليـل يادانـه

كن ابويـه يحقـق بالنظـر فيّـه

يوم اغني وانا اغني على شانـه

كني احس صوته مـن حواليّـه

واذكره واتذكّر ضحكـة اسنانـه

يوم يقبـل مـن ديـارٍ نحاويـه

رغم كل الشقا مايبـدي احزانـه

ثم يرمي بروحـه داخـل الفيّـه

وقبل يرتاح يزهم كـل واولادها

في عيونـه لنـا نظـرات حنيّـه

تروي كبودنـا لوكـان عطشانـه

ذكريـاتٍ تكـاد تلامـس يديـه

بعد مالامسـت قلبـي ووجدانـه

فرحةٍ عشتها لحظـات وشويـه

زهرة العمر واللحظات عجلانـه

كن ذاك الزمـان أحـلام ليليّـه

مابقا مـن كتابـه غيـر عنوانـه

فرقتنا ضروف الوقـت جبريـه

مات من مات واللي حي في شانه

فات عصر الصبا باحلام ورديـه

والطموحات والآمـال عجزانـه

مثـل منزالنـا وبيـوت مبنـيـه

مابقا مـن بناهـا غيـر سيسانـه

مما أعجبنـــي.. شعر عبدالله الطلحي
دايـــــــم الشوووووووووووق