|
رساله تناقلتهازوجات سعوديات رسالة تناقلتها زوجات سعوديات أزعجتني لقد اثار إهتمامي رسالة تتناقلتها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الي أزعجتني. وحبيت أقول لهم العاقل يفهم من غمزه والجاهل يفهم من رفسة معلومة أفتتح فيها رسالتي: أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب. إلى كل إمرأه سعودية تعتقد أنها مأجورة لأنها مآخذه زوج سعودي..... إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومانسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي..... إلى كل إمرأه سعودية تعتقد أنها مظلومة عاطفيا لأنها مع زوج سعودي..... إلى كل امرأة سعودية تبحث عن زوج حق دلع ولا كلام حلو..... أختي الفاضلة: أجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التالية: صباح الأمس الباكر؛ من أيقظ زوجك للعمل؟ أنت أم الساعة المنبهة؟ إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟ لما خرج والأمل يحذوه في وجبة إفطار؛ هل كنتي جهزتي له إفطاره؟ (ولا كوب قهوة وكيك على المكتب) قبل أن يخرج للعمل؛ من أين أخذ ملابسه؟ (من بين يديك ولا من الدولاب) هل ساعدتيه في لبسه؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي: 1- خرج وأنا نايمه. 2- صحيت من حركته في البيت، فتحت وحده من عيوني وقلت: وين رايح، العمل؟ بالسلامة. 3- كنت جالسه بالصالة، وهو خارج قلت له لا تنسى الأغراض اللي وصيتك عليها. 4- رافقته للباب، وكان وداع حار. ( تبين مساعدة، نحذف إجابتين؟ بس المشكلة مانقدر نحذف إلا إجابة وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تطمئنين عليه إنه وصل بالسلامة؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام ويأخذ دش؛ (كرري السؤال حق دش الصباح). بعد الدش يبي استرخاء، رجليه تألمه من الوقفة طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوة قبل ألغدا، هل ساعدتي على توفير الجو الهادئ؟ لما صحي؛ هل وجد ألغدا جاهز ولا هو اللي جابه معه من المطعم؟ بعد ألغدا أكيد يبي شاي، هل قدمتي له الشاي، وجلستي معه سوالف عن كل شيء، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء استأجروا غرفه بفندق وما لقولهم إلا غرفه بسرير واحد (كنج بد) وكل واحد نايم بجهه) باختصار لكل الأسئلة السابقة: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئلة المطلوبة من زوجه أنثى، لكن المهم منها والمطلوب حتماًَ وحق الزوج فيها. إلى كل امرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهمية، ثم أجيبي الإجابة الصحيحة، ومن ثم اجمعي الدرجات التي حصلتي عليها. كم مجوع الدرجات أللتي حصلتي عليها؟ 0% ولا 10% ولا 50% ؟ طبقي النتيجة على المعلومة الزراعية التي أعطيتها أول الرسالة عن الأرض. إعتبري النتيجة هي نسبة اهتمامك بالأرض. والأرض زوجك كيف بتكون الثمرة اللي تحصدينها؟ (الثمرة أكيد الدلع والكلام الحلو و... و....) اسألي مزارع إذا احتجتي مساعدة. في النهاية: أتمني من المرأة السعودية اللي تبي الدلع ما تأخذ لبناني، واللي تبي الكلام الحلو ما تأخذ سوري واللي تبي...واللي تبي....واللي تبي.... كفاية يكون في العالم العربي كله بس السعوديين محرومين من الأنثى. ملاحظة هامة / الموضوع طرح بهذا الأسلوب كتذكير للمتزوجين و المتزوجات و المقصرين والمقصرات فقط . مما راق لي دمتم بوافر الودّ والمحبة |
رد: رساله تناقلتهازوجات سعوديات لالا انا معااارضـــــهــ الرجال كامــــلين مــكملين ملآآآك ربيhttp://fantasyflash.ru/anime/sweet/image/sw103.gif يع ـــــطيك الـــــف ع ـــــافيـــــهhttp://fantasyflash.ru/anime/sweet/image/sw103.gif ولك كـــــل الشكـــــر وهـــــذـآ http://fantasyflash.ru/anime/sweet/image/sw103.gif ليـــــس غ ـــــريـــــب عليـــــكـ مبـــــدع http://fantasyflash.ru/anime/sweet/image/sw103.gif بمع ـــــنى الكـــــلمــــه ماننـــــحرم منـــ جديــــــــدكـhttp://fantasyflash.ru/anime/sweet/image/sw103.gif لـــؤلــؤة الـــبحــر |
رد: رساله تناقلتهازوجات سعوديات لا فظ فوك وسلمت يداك على النقل الرائع والله ان المراءة السعودية متوهمه بهذا اللبناني او السوري وصدقني انه لا يفكر فيها ويفتخر ببنت بلده ويجب ايضا على السعودي ان يفتخر ببنت بلده ايضا ولكن اوافقه ان اعجب بغير السعودية فاقلها هو رجل والقوامة بيدة والعصمة بيده وان قوبل بأنوثة سيقابلها بالحب والعطا وان قوبل بغير ذلك ولم ينجح الزواج لن يخسر شي بعكس المرأة.. اما السعوديات فعليهن ان يصلحن انفسهن اولا وسيضعها السعودي على راسه اما اللبناني والسوري فهي مجرد احلام واوهام والمشكلة ما فكر فيها ولا يدري هل هي بأرض ام بسماء وجهة نظر ارجو تقبلها بروح رياضية ملاحظة / انظرو للسعودي كيف مبدع في كلام الحب والغزل والرومنسية في الغزل وما قبل الزواج ولكن بعد الزواج يصدم بواقع مرير كما ذكر اخوي (العنا وانا) في مقاله.. وهذا الكلام لا يعمم ابدا تحياتي |
رد: رساله تناقلتهازوجات سعوديات كتبت رد طويل بس بعدين مسحته احتراما لمشاعر بعض الرجال السعوديين ولاني مو حابه اغلط على احد واصلو يا السعوديين كيل الشتائم للسعوديات فأنت امه ضحكت من جهلها الامم ! وانا اشهد والله !!!!!!!!!!!!!!!!!!!!!!!!!!!! ولكن لا تستغربو هذا الخبر اقتباس:
|
رد: رساله تناقلتهازوجات سعوديات نسيت اشكر اخوي العنا على هذا الموضوع واتمنى له دوام التوفيق واتمنى يتقبل ردي برحابة صدر فأنا اعلم انه ناقل للموضوع انما انا ردي هذا موجه للكاتب الاصلي للموضوع |
رد: رساله تناقلتهازوجات سعوديات اقتباس:
&&&&&&&& اقتباس:
!!!!!!!!!!!!!!!!!!!!!!!!!!!! |
رد: رساله تناقلتهازوجات سعوديات هههههههههههههههههههههههههههههههههه من وجهة نظري ليس الكل كذلك بل البعض والتقصير من وارد من الطرفين شكرا" العنا وانا على الطرح الجميل |
رد: رساله تناقلتهازوجات سعوديات يا الربع الموضوع ليس بهذه الطريقة شر البلية ما يضحك اللي كتب الموضوع يمكن صار له موقف خلاه يكتبه بهذه الصورة واللي كتب في العربية اكيد يرد على هذا وامثاله انما العاقل يوزن الامور ولا يتسرع والله ضحكتوني الله يوفقكم |
| الساعة الآن 03:15 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن