|
تكفــــــــــــــون ابغى رايكم بصراحة حبايبي الكرام السلام عليكم ورحمة الله وبركاته واسعدالله اوقاتكم بالخير والعافية وادام عليكم الأفراح والأوناس أحبتي تكفون استبيحكم عذرا في ان اخذ رأيكم في موضوع خاص شويي بس انه يهم الجميـــــــــــــــــــــــــع تقريبا......... الموضوع باختصار هو موضوع اختيار شريك/ة الحياة يا شباب تصدقون بالله لي سنتين كاملتين في الأختيارفقط ولسا بعد ما اخترت.... امر محبط بشكل غير ما تتصورونه طبعا يمكن تسألون وش مواصفات البنت اللي ما لقيتها طوال سنتين... طبعا بيئتنا ولله الحمد تضمن لنا النسب الطيب والأصل العريق والأخلاق الفاضلة ... يعني هذي ماهي مشكلة تلقاها في اي بيت بس المشكلة مواصفات ثانية يعني انا مثلا ابغى وحدة جميلة مرررة عشان تملى عيني واضمن اني ما اتعداها وانظر لغيرها.. وابيها رومانسية وشاعرة لأني شاعر او على الأقل تحب الخواطر والرومانسيات... وابيها جامعية ضروري جدا جدا جدا ... مو شرط موظفة , الوظيفة حق خاص لها بس اهم شي تكون جامعية وابيها نفس تخصصي عشان نسير متفاهمين اكثر ولنا نفس الإهتمامات.... وبرضه احتمال اسافر امريكا لو كتب الله توفيق اواصل دراستي وابيها تشاركني الرحلة بشغف وتسير زميلتي بالدراسة هناك وصديقتي موبس زوجه تجاملني وتروح معي........ اخوياي دايم يقولون لي والله ما راح تلقى كل هذي المواصفات مجتمعه مع بعض...... وبعضهم يتطنزون علي ويقولون تكفى يا توم كروز قاعد تفصل في البنات وانت ناسي عمرك تمساح قاعد... ابي رايكم بصراحة هل انا بالغت في مواصفاتي اللي ابيها في شريكة حياتي وهل هي السبب في تاخري في الاختيار لمدة سنتين اكرر انا اسف الموضوع خاص شوي بس يمكن يخلينا نناقش مشكلة الأختيار عموما في مجتمعنا........ وشكرا لكم |
رد: تكفــــــــــــــون ابغى رايكم بصراحة أضفر بذات الدين تربت يداك الجمال جمال الخلق واتق الله في السر والعلن أغضض بصرك وادع الله ان يغنيك بحلاله عن حرامه . اتمنى لك التوفيق |
رد: تكفــــــــــــــون ابغى رايكم بصراحة حياك الله اخوي و الله انا اشوف ان سنتين كثيرة يعني انت ممكن تتنازل عن بعض المواصفات مثلاً التخصص.. أما كونها رومانسية فصدقني انت اللي يحدد هـ الشي لو صرت انت رومانسي معاها راح تلاقيها اكثر منك رومانسية اما بخصوص سفرك لأمريكا فأعتقد ان هذه النقطة مهمة يعني انت اذا مصر انك تاخذها معاك لازم تكون في الصورة من بدري ما تخليها تتفاجأ بطلبك هذا بعد الزواج..و ترى اخواتنا و بناتنا في مجتمعنا ما يحبون السفر عندهم رهاب من هذه النقطة, و لهم العذر في ذلك و لكن ماذا لو وجدت هذه الفتاه و بنفس المواصفات اللي انت طالبها بس كان عندها هي ايضاً مواصفات في فارس احلامها لا تتوفر عندك الا ترى انه من الظلم ان لا تكون من نصيبك..اذاً لماذا نبالغ في طلباتنا في الأخير اتمنى ان تقدم بعض التنازلات و صدقني راح تلاقي و اتفق مع اخوي دريم فيما ذهب له من تحديد معايير الزوجة أخذاً بقول المصطفى عليه الصلاة و السلام أتمنى لك حياة زوجية سعيدة و لا تنس تعزمنا على زواجك ربي يحفظك |
رد: تكفــــــــــــــون ابغى رايكم بصراحة اخوي دريم واخوي ابوعماد اشكر لكم مروركم العطر وتفاعلكم العذب مع ما طرحته والحقيقة كنت اتمنى تفاعل اكثر لأننا نعاني في منطقتنا كثيرا في قضية الأختيار عموما اتمنى التوفيق للعموم وشكرا لكم |
أخي الغالي عند علي عالي مرحبا مرحبا باللي حضر يازين الزوااااج زينااااااه والله وناسه البحث أسألني مجرب أحسن شيء البحث ولكن نصيحه كمل دراستك ولا ترتبط دحييييين ... أولاً أنت رايح أمريكا لازم تخربها هههههههه ..وأنت قلتها بعضمة لسانك يوم كنا نتحدث عند البقاله عن متعب أخوي كيف يمسك نفسه عن بنات أمريكيا وأجابته بأنك مابتقدر تمسك نفسك.. شوف أخوي صحيح الدين مهم قبل كل شيء بس لكن برضو ماراح تأخذ وحده ذات دين وجمالها مايناسب طموحاتك ياتوم كروز..وليه تمثل بتوم كروز والله أنا وأنت اجمل منه أهم شيء أننا أصحاب دين ومسلمين هااااااااااااااااااااه (( هنا مربط الفرس )) هل رأيت أخي لماذا نحرم المرأة من حقها في أختيار شريك حياتها فهي من حقها أن تراه جميلا .. ولو سألت عن جمالك لقالوا لها الجمال جمال الروح .. أبحث أخي وتيقن بأن الله سيجعلها أجمل نساء الأرض في عينك ولكن أعقد النية وتوكل على الله .. وإيضاً لا يجوز أخي محمد أن تشبه نفسك بالتمساح فالله صورك وأحسن صورتك ولا أعتراض على خلقه وأنت جميل وحاولت أنا أكثر من مرة أشبكك زمان .. فغيرك نسأل الله السلامه مشوه ورضي بذلك فأرض بما كتب الله لك .. ولعلي أتطرق لقصة في هذا المجال أقصد الجمال ..يُقال أن هناك أعرابي من اليمن خرج يبحث عن زوجه ذااااااااااات جمااااال وبحث وبحث ولم يجد ذاك الجمال الصارخ الذي يهز فرائسه الفحوليه..فجلس تحت شجرة وإذا برجل وزوجته قادمان إليه على جمل فرأى جمال لا يوصف في زوجة هذا الرجل والرجل دميم الخلقه وقبيح الوجه وقصير القامه ولو رأيته لتفلت في وجهه ياتوم كروز وأنا أتفل معك,, فسأل مستغرباً كيف رضيتي يا أخت العرب بهذا الرجل القبيح وزوجها يسمع.. فضحك زوجها بعد أن سمع سؤاله وقال (( لعلها فعلت فعلاً قبيحاً أغضب الله فجازاها بي)) ((ولعلني فعلت فعل أسر الله فجازاني بها )) فتذكر ذلك الرجل أن الأخلاص مع الله ييسر الأمور .. فأخلص أخي توم كروز وأبشر بما في نفسك وأسأل مجرررررررررررررررب .. آآآآسف على الإطالة .. عندي قص ثانية بس خلاااااص طووولتها |
[OVERLINE] [overline] اخي الكريم غصن التوت يعطييييك الف عافية على تفاعلك وخفة ظلك وجمال روحك وحديثك بس معليش وانا اخوك احس انك فاهم غلط هل يوجد شخص اخر باسم محمد غيري في المنتدى؟ انا لا ادري واظن ان ادارة المنتدى تمنع ازدواجية الأسماء..... انا محمد من الرياض اقصد ساكن بالرياض منذ اكثر من احدعشرعاما ولكني بحيري الأصل والمنشأ والطبيعه والسليقة والخامة واستكر الوكاله لا يزال موجودا.........ولم يسبق لي ان تشرفت بمعرفتك ومعرفة اخيك متعب........ عموما حديثك جميل جدا وانا حين اشبه نفسي تارة بتوم كروز واخرى بالتمساح فهي من باب الدعابة اولا ثم بصراحة هذه اراء الزملاء....... واحد يجي يرفع فييييييييييييك ويحسسك انك ملك جمال والبنات طايحات عندك وما تدري وش قصده هو صادق والا محاولة تشبيك على قولك..... وصنف اخر من الزملاء يحطون نفسيتك بالتراب ويقولون لك تراك تمساح وشين واحمدالله اذا لقيت وحده تضفك ولا عاد درينا حنا حلوين والا تماسيح....... اللي متاكد منه اني ابي وحده حلووووووووووووووووووووه بقوه تملى العين عشان نخلص لها وما ندور غيرها...... ثانيا انا ما ابي اروح امريكا لحالي عشان ما اخربها على قولك... ودي اخلص للبنت الي بتكون من نصيبي حتى قبل ما اعرف من تكون....... يمكن تقول فلسفة زايده بس عاد انا مخلوق كذا........ عموما ستجد ايميلى بنهاية الرسالة واتمنى اضافتي لديك عشان نسولف وااااااااااااجد عن هذا الأمر طبعا اذا كان ذلك يسعدك اشكر لك مرورك العطر وتقبل تحياتي ayyam422@windowslive.com [/overline] [/OVERLINE] |
أضفر بذات الدين تربت يداك الجمال جمال الخلق واتق الله في السر والعلن أغضض بصرك وادع الله ان يغنيك بحلاله عن حرامه . اتمنى لك التوفيق |
| الساعة الآن 02:30 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن