منتديات بني بحير بلقرن - أتصال عم عبدالرحمن (الجزء الخامس من أستوقفني )

منتديات بني بحير بلقرن (http://www.binybohair.com/vb/)

- منتدى القلم الخاص (http://www.binybohair.com/vb/f74/)

أتصال عم عبدالرحمن (الجزء الخامس من أستوقفني )

عم عبدالرحمن والخصام (من أستوقفتني الجزء 5)

الجزء الخامس :

عم عبدالرحمن : هلا مرحبا ..
قلت : هلا والله كيف الحال يا خوي
قال : بخير والله
قلت : عساك طيب
قال : الحمد لله بخير ..لكن من معي..؟
قلت : أنا أحد أساتذة عبدالرحمن ولد زوجتك..!
قال : مرحبا من تكون إي أستاذ أنت ..؟
قلت : هلا والله أستاذ ظاهر أن حمد السنيد مطبق في مدرسة ولدكم عبدالرحمن ودرست عبدالرحمن وماشاء الله عليه شاطر..
قال : صدقني ما مر علي هالأسم وخبري مدرسة عبدالرحمن مدرسة خاصة ما يطبق فيها مدرسين خريجي الكليات والجامعات لكن تفضل يا خوي وش عندك ..؟
طبعا" أنا ضاعت علومي وأندوشت وحاولت أرقع لكن تلعثمت (عبدالرحمن يكذب علي مايقول ينتظر الباص ذاك اليوم وله أصدقاء بس بعدين بعدين)..
قال : ألووو ألووو وينك يا أستاذ حمد..
قلت : أحم أحم معك بس وش أخبار عبدالرحمن ..
قال : طيب بس وش سالفتك أنت يا أخي أذا داق تزعجنا مو فاضين أزعاجات..
قلت : لا لا أنا آسف بس بقولك الصدق أحسن ..
قال : تفضل وش عندك ..
قلت : أنا تعرفت على عبدالرحمن وأنشديت له وعرفت بعدين أنه مريض وأنا أبي أساعده..
قال : ومن قال لك أنه مريض ..؟
قلت : ولد أخوي يدرسه معه وقالي ..!
قال : طيب وكيف بتساعده ..؟
قلت : عادي عندي طريقه بساعده فيها .
قال : طيب ممكن أعرف كيف ..؟
قلت : يا أستاذي الفاضل أنا بكتب قصته وبأعطيها مدير الشركه اللي أنا شغال فيها وماراح يقصر معه أبد وأن شاء الله يسفره على حسابه لأمريكيا أو مستشفيات متقدمه ويعالجونه..
قال : يا أخي في أحد طلب منك هالشي ..؟
قلت : لا والله بس من باب المساعده له ..! (بدأت تقفل معي من رده)
قال : عبدالرحمن تعال ..(أنتظر ياااا أستاذ حمد) تعال عبدالرحمن تعال .. تعرف أحد في بقيق يعرفك أكبر منك..
قال عبدالرحمن : مين ما أعرف أحد ياعم..
قال : واحد يقول توه متعرف عليك وولد أخوه يدرس معك..
قال : إيه واحد أسمه علي ..؟ قال : طيب أنت قلت له شي عنك وعن حالتك..؟
قال عبدالرحمن : لا والله ياعم بس أمي عطتني ورقه وأعطيتها إياه (قالها خائف) ..
قلت أنا : أسمعني طال عمرك ..! يا أستاذ ظاهر يا أســ..

طيط طيط طيط

سكر في وجهي الخط ..!

عرقت ..أنتظرت.. وسأل نفسي أنا وش سويت .. وشكلي خربت بيوت الناس .. ووش راح يصير مع عبدالرحمن ..
وأنا أفكر وخايف ع عبدالرحمن إلآ والجوال يدق ..

مين

رقم ظاهر عم عبدالرحمن (الله يخارجنا)..

تردد أرد ولا ما أرد..؟
ووش أقول له وكيف أفهمه الموضوع..؟
قعد أفكر حتى أنقطع الأتصال ..!
ما أمداني أرجع أفكر في هالموقف إلآ دق من جديد ..
قلت في نفسي رد وش يعني بيسوي هالظاهر أخذت جوال ولد عمي وبدأت التسجيل ..
رديت
أنفض قلبي عندما سمعت بكاء عبدالرحمن وإيضا" صوت أمه وهي تقول حسبي الله ونعم الوكيل عليك يا ظاهر ..
ما أمداني أنطق كلمة واحده إلآ

قال : أنت ياكلب من تكون أنا أوريك ياحيوان (قال كلمة حيواااان بصوت مرتفع ..وقفلت معي)
قلت : أستهدي الله يا أخــ (وقاطعني )
قال : والله أنك كلب ياااحيوان أنا أوريك ..!
قلت : ماحيوان إلآ أنت ..
قال : ولك وجه تقولها ياكلب ..
قلت : والله ما كلب إلآ شاربك يا....(كلمة قويه)
قال : أنا أوريك أنا أوريك خلني أجي بقيق وتشوف يا نذل ..
قلت : تخسى وتعقب وتراك طولتها وأحترم نفسك وخلينا نتفاهم بالتي هي أحسن ..
قال : أنا أتفاهم مع واحد زباله زيك..
قلت : يا أخي أحترم نفسك أنت تغلط وأنت أستاذ ومربي أجيال وشوف ترى هالمكالمة مسجله وراح تندم (ماذبحني غير صوت عبدالرحمن وهو يبكي ضيع علومي ) ..
قال : أنت تهددني يا كلب .
قلت : والله ما كلب إلآ شاربك يا حمار شكلك راضع الكلابه ومتعود عليها..
قال : طيب طيب أنا أوريك وأربيك بس خلني أجي بقيق..
قلت : متربي من قبل معرف وجهك والظاهر أنك أنت اللي يبيلك تربية من جديد يا ظاهر ..

طيط طيط طيط
( عاد أنا ديني ودين واحد يسكر في وجهي الأتصال )
كنت واقف وتذكرت قول الرسول صلى الله عليه وسلم (عن الغضب) وجلس .. وهدأت شوي وقلت أللحين با يضرب عبدالرحمن وأمه .. قلت لازم أتصل حتى لو أخرب عليه ماعاد يضرب الولد.. دقيت أعطاني مشغول قلت بس طايح ضرب في هالولد وأمه مساكين..
قلت مافي حل إلآ أني أرسل له رساله وأبين فيها موقفي وموقف زوجته وأرسل له مرة واحده رسالة زوجته عشان أقول له أنها ما أخطأت في حق زوجها وخانته معي وهذي هيه رسالتها .. عاد كتبت هالرساله : (( أخي الأستاذ ظاهر أستهدي بالله وأتق الله في هالولد اليتيم وأمه ..وزوجتك والله ما أخطأت بس حبت أنها تبين لي وش عند عبدالرحمن عشان لا تطور علاقتي معه وإذا سمح الله ومات أندم وأتحسر عليه أنا ..! وهذي رسالة زوجتك وأنت أنسان مؤمن وأستاذ في المقام الأول وسرك في بير وسر زوجتك وعبدالحمن في بير وما راح أحد يدري (ما دري أني مذهت بوه في المنتديات) والناس لناس وأنا أخوك والكل بالله وهذي رسالة زوجتك وأتمنى تستهدي الله وتنعل أبليس..
أخي الكريم :
بعد التحية
أنا أم عبدالرحمن وولدي عبدالرحمن حكالي عنك وعن طيبتك ونصائح والله يكثر من امثالك يا أخوي ..انا ما ادري وش اقول بس ما ابيك تتعلق في عبدالرحمن وتعلقه فيك لانه مريض وايامه حسب كلام المستشفى قليله ومكن يموت .........إلخ (الرسالة كاملة فالجزء الرابع)

وأرسلتها وسائط وأنتظرت وتم التسليم لظاهر ..وأرتحت وجلست لين العصر ما في فائده بعدها جاني رسالة من رقم غريب مكتوب فيها ( خربت بيتي وبيت زوجي بمعرفتك بعبد الرحمن أرجوك أنسى عبد الرحمن وأبعد عنا خلاص إللي جانى كفايه من وراك يكفي اللي جاء عبدالرحمن اليوم بسببك ويكفي اللي جاني من وراك والله حرام حرام عليك إللي قاعد تسويه فكرتك رجل راح تحفظ عبدالرحمن وتحفظ رسالتي وسري مو تسوي معي كذا وتفضحني عند زوجي وتخرب بيتي بسببك حسبي الله عليك حسبي الله عليك )

أنصدمت هذا كلام أم عبدالرحمن وأنا وش ذنبي والله أبي لهم الخير بس كلهم مافهموني ..

قمت أتصلت على هالرقم عرفت أنها أم عبدالرحمن أعطتني مشغول قلت برسلها رساله بس أخاف زوجها يدري ونرجع في مشكلة جديدة من جديد ولكن قلت لازم أني أفهمها الأمر وعزمت أني أرسلها رسالة .. عاد أرسلت لها رساله وقلت فيها ( أختي الفاضلة أم عبدالرحمن والله حرام عليك أنا أبي أساعد عبد الرحمن مو أني أضره وأنتي تدري قد إيش تعلقنا ببعض أنا وهو وبعدين هو أخطأ وقال لعمه أنه ودالي رساله منك وعمه زعل ومن حقه لأنك عاره وخاف أن في الرساله شي شين يا أختي وأنا كنت أحاول أقله أني بقدر أسفر عبدالرحمن لإي بلد يتعالج فيها على حساب صاحب الشركة إللي أشتغل فيها أنا لأنه رجل خير ويحب الخير وقلت في نفسي أني مالي إلآ أستأذن عمه قبل ما أكلم مدير الشركه بس عمه سبني وما سمعني للأخر ..ووالله أنا أبغى الخير لعبد الرحمن ولكن في هالزمن باغي الخير يفهم باغي شر .. أختي لاتتحسبي علي والله قصدي خير أهم شي طمنيني على عبدا لرحمن ووش سوى فيه هالعم ) وأرسلتها ..
جلس أنتظر حتى (تم التسليم) تسعه أجزاء والله خسروني ..
أنتظرت لثلث ساعة ..! رحت صليت العصر وخليت جوالي فالبيت وجلست أفكر وش هالمصيبه ..! بكره بيجي ظاهر هذا وممكن يوصلها حتى لشرطه ولا الإمارة وتضيع دراستي والوظيفه والزواج اللي شاغل بالي وبدأ الشيطان يدخلبي في مداخل عشان أضيع صلاتي وأنا وراه مدرعم بس ودي أرجع وأحصل في جوالي رساله (كل هذا مو خوف بس شطارة شيطان عشان يأثر على صلاتي ) .. تسلم الإمام من الصلاة (ما أدري) أنا تسلمت قبله ولا هو قبلي ..!! أهم شي خرجت مهرولا" من المسجد ومن رأني بيقول (معي خلافن) وصلت البيت وقفني جارنا اللي تحت وكان هندي قال : صديق في موية تنزل من حمامك على بيتي وأنا في كلام هذا نفر صاحب بيت وهو كلام أنا كلام أنته ..
قلت : طيب طيب أنا في روح فوق واجد بطن تعبان مغص مغص بعدين أنا يجي كلام سوا سوا أنته أنته أنتظار خمسه دقيه وأرجعلك..
( بين وبين نفسي كنك راح تطول هنا)
طلعت مهرولا" من فوق الدرج
دخلت وفتحت جوالي حصلت البطارية طافية ..
قلت في نفسي مو فاضي لك اللحين .. رحت دورت لشاحن ماحصلته ..!
دخلت غرفة النوم صحيت علي ولد خالتي سألته عن الشاحن .. قال ما أدري عنه ,, ممكن أمس أنك جمعته مع الملابس اللي خرجتها من المجلس .. قمت أقلب في الملابس وأبحث عن الشاحن وفعلاً حصلته بينها بالخطأ الظاهر علي شافني وأنا أجمع الملابس ..

حطيته فالشاحن وشغلته حصلت 6 مكالمات ورسالتين
6 مكالمات من ظاهر الله يعين علاهو ..!
الله يزيلوه ورسالتين خدمة "موجود" من ظاهر
قلت وقعن صداقن ..
جاء رساله فتحتها بسرعة قلت بس هذي الظاهر من عند أم عبدالرحمن فتحتها كانت برضو "موجود" من ظاهر نعلت هالخدمة وساعتها ..شوي ودق الجوال إلآ رقم ظاهر ومسميه في جوالي (الجار العزيز) أمحق من جار والله..
مارديت ..! عشان ما أبي أتخاصم أنا وهو من جديد .. أنتظرت أقلب في جوالي فجأة جائتني رسالة .. على طول فتحتها حصلتها من أم عبدالرحمن : (أسمع أخي أنا أخذت رقمك من جوال ظاهر وهو في الحمام وأنا مصدقه إللي تقوله بس عبدالرحمن حالته ماتسر عدو ولا صديق وظاهر زوجي كسره حسبي الله عليه ..وأنا أشوف أنك ترد عليه بدل ما يرجع يضرب عبدالرحمن ويحط حرته فيه ..)

أغلقت الرسالة ودقيت على ظاهر ..
رد على أتصالي بسرعة حتى ماسمعت صوت جرس الأنتظار ..!

قلت : السلام عليكم ..
قال : أخلص وش عندك فهمني وش هالسالفة ..
قلت : السالفه (تيك تيك تيك تيك للنهاية ) طبعاً ما كان يتكلم وأنا كل مرة أشوف لعداد الجوال قلت أمكن قفل في وجهي ..
قال : طيب ممكن سؤال ..؟
قلت : تفضل ..!
قال : وش هدفك من علاجه ..؟
قلت : أنت تسألني هالسؤال المفروض تفرح عشانه ..!
قال : عندك إجابة لسؤالي .. (صرخ في وجهي)
قلت : أنا أبي أجر هالولد ووالله حرام ماتسعون في علاجه والله مايستاهل يتيم ووحيد أمه وما عاد تقدر تجيب غيره ..
قال : حتى أسرار عائلتي صارت عندك وعرفتها..
قلت : ياأبن الحلال والله سرك في بير وماراح يدري عنه أحد ليوم الدين ..(أستغفر الله كذبه بيضاء)
قال : طيب أنا اللحين مو فاهم الموضوع بتفاهم معك إذا وصلت لبقيق وأبي أقابلك ضروري ..
قلت : طيب وأستهدي الله ورح رض الولد أللي ضربته من دون وجه حق ..
قال : طيب طيب يالله مع السلامه ..
قلت : مع السلامـــ (إلآ وقفل في وجهي ..سمعني صوت القطار أكثر من مرة في هالجزء )

آآآآآه أخيراً أرتحت وفتكيت من هالخصام .. وريحت عبدالرحمن من ضرب هالعم الحقير ..رحت شغلت التلفزيون وسويت شاهي ورجعت إلآ في رسالة .. فتحتها كانت من رقم أم عبدالرحمن ( أنتبه يا علي زوجي يبي يسحبك في الكلام وتراه ما صدق كل اللي قلته بس يبيك تطمّن له حتى يجي بقيق هذا اللي فهمته من كلامه وتراه ناوي على شر وأنتبه لروحك منه ياخوي والله يكفيك شره )

قلت في نفسي ياخسارة فرحتي والشاهي ..

نلتقي في الجزء السادس ..

وش حصل بعد العودة لبقيق ..!
لماذا جائت الشرطة عند بيتنا ..!
وش قال لي عبدالرحمن بعد عودته من الرياض..!
تقابلنا أنا وعم عبدالرحمن ..!
خليل صديق عبدالرحمن سرق البقالة ..!
تصادمي مع أبو نورة بسبب كيس ..!
الهندي لازال يهدد يقول بيتصل براعي البيت أغرقناه لما نتسبح ..!!

من على غصن التوووووت ..!

لنفرض جدلاً ان القصه حقيقيه في جزءها الثاني :
انت متسرع ، تجاوزت الحدود المسموحه لك ، اخطأت على عبدالرحمن وامه وزوجها ، تتخذ قراراتك بمفردك وهذا شيء خاطئ انت سيئ في اتخاذ القرار .
نصيحه لا تتخذ قراراتك بمفردك ـ حلوه المغامره بس مو في كل وقت ـ واقسم لك اني ضحكت اليوم من قلبي على كلمه انت قلتها في القصه .
اتمنى لك التوفيق . اخوك ومحبك دريم .

يوووووووووه الله يخارجنا والله قلبي قاعد ينبض كل ما اقراء حرف ... انشاء الله خير الجزاء السادس ...
زيد امبنقالي فاضي يعلمك ان المويه باتصب .. الله يصبها في قلب وجهوه ...
الله يعينك حبي البي ..

اني في حراء الجزاء السادس بفارغ الصبر ..

بس انا ما اعجبني الا يوم صك ابسماعه في وجهك لقيت غشك .. هههههههه
الله يسعدك يا شيخ ..

هلا بأخي الغالي : دريم ..
مالي أراك أللبستني كل هذه الأخطاء لو كنت مكاني لختصرت الموضوع وبتعده عن عبدالرحمن ليس لشيء ولكن لمعرفتي بك لا تحب المغامرات وأنا بالعادة تستهويني المغامرة ولو في عالم الجن والظاهر أنك لم تسمع بمغامرتي مع الجن ..وأنا معك بأني متسرع جداً ولكن تسرعي من خوفي على عبدالرحمن ولو تدري وش صار فالجزء السادس بتنسدح ضحك ..وبعدين كيف ماتبغاني أتخذ قراراتي بمفردي وأنا الوحيد الذي دعتني أم عبدالرحمن لحل مشكلته أو بالأحرى حاولت أن تبين لي ذلك من باب الأستعطاف المغلف بالمفهومية..قراراتي وليدة الصدفه واللحظة ولو كان هناك متسعاً من الوقت لستطعت أن أتخذ قرارات صائبه ولكن أنت رأيت كيف تسرع الاستاذ ظاهر في مخاطبتي بعد علمه من عبدالرحمن بأنه أوصل لي رسالة من أمه ولم يعطني الفرصة لكي أبرر موقفي وبدأ في رمي الكلمات علي بمنجنيق لسانه وأنا أرد حتى أني أستحقرت نفسي بعد الأتصال لتفاهة القول الذي قلته في الأتصال فمن الصعب أن أجادل أحمق ولا يعلم الناس إينا هو الأحمق وظاهر كان أحمقا.. الضحك الله سنك على الضحك وجعلها دوم يا أبو حسن لكن يقول المثل الديراوي (أمقعي يعرف يصارع) ومعناه أنك تستطيع أن تحل الأمور وأنت بعيد عن ساحة المعركة ولكن لو كنت فيها لكانت حلولك وليدة اللحظه .. ياحبني لك ولجحادك ما بتقرى وتسكت زي النااااس... هههههههههههههه (امزح) كلنا أذن صاغية..

أسعدني مرورك الكريم خيو ,,

يوووووووووه الله يخارجنا والله قلبي قاعد ينبض كل ما اقراء حرف ... انشاء الله خير الجزاء السادس ...

زيد امبنقالي فاضي يعلمك ان المويه باتصب .. الله يصبها في قلب وجهوه ...
الله يعينك حبي البي ..
اني في حراء الجزاء السادس بفارغ الصبر ..

http://www.binybohair.com/vb/qurnis/...t-bot-left.gif http://www.binybohair.com/vb/qurnis/...-bot-right.gif

والله الجزء الثاني أخي أهلاوي علوم علوم منثرة خلها على ربك.. الهندي جار عزيز بس عاد ظروف تسرب حوض الماء أغرقه ..وأنا ديني ودين واحد يسكر أبسماعه في وجهي ههههههه وش أسوي أخي أهلاوي كل شيء لأجل عبدالرحمن يهووووون عندي ..روحي فداااه .
أشكر مرورك الكريم والله يعين وأنا أخوك ,,

الله المستعان حسبي الله عليه من عم ليه يضربه مايكفي انه يتيم ومريض الله لايسامحه وعسى ايده بالجبس يااااارب

(ما دري أني مذهت بوه في المنتديات):p
خليل العلة بيرجع;)
وكيس ابونورة:dunno:
الله يعينك متأثر بما تعانيه:tears:

يعني كل مالها الأمور تتعقد زياااده ...بس تبغى الصراحه انك غلطان لما تكلمت عليه يعني طبيعي الرجل بيدق ثاير وهذا من حقه موفاهم السالفه من اولها
انته لوكنت اخذت الامور بسلاسه ولاالتفته لكلامه.. ويوم تلفظ عليك كان اقلها قفلت الخط انا أدري انه هذا ماهو حل وبياخذ الشيطان مجراه وبيفهم السالفه على كيفه وبيصدق وبيحسب انك تتهرب منه ..لكن اقلها ارحم من انك ترد عليه وتسب الا زدته الطين بله ..وعسى الله يعوض الام وولدها خـــــــــــــــير
والعم ابصلااااح غلطاااااان وبقوه حرام عليه يضرب يتميم ماعنده الا عمه يحميه بعد الله وش ذنبه عشان يضربه ..في بعض الناس ماتخاف ربي.. حسبي الله ونعم الوكيل.. وننتظر ماتبقى..

حسبي الله ونعم الوكيل في عمه هذا
والله أن عبدالرحمن وأمه يعورون القلب

الله يعينك يا أخوي على اللي بيجيك
بس أن شاء الله لك الأجر

بإنتظار
الجزء القادم بفارغ الصبر

قد نرى نحن ( القراء) تصرفات لك في غير محلها لأننا خارج مكان الحدث

ولم نتعرض لما تعرضت له أنت وهناك مواقف تجبر الشخص أن تكون تصرفاته وليدة اللحظه مثلما حدث معك

كنت أتمنى أن لا يُضرب عبدالرحمن أو أمه بسببك

لكن يبدو أن الأستاذ ظاهر لا يُعالج الأمور إلا بالضرب

حينما كتبت لك أم عبدالرحمن الرساله كان خطأ فادح لأن هذا الأمر يزعج زوجها

لكن قدر الله وما شآء فعل ,,, أعجبتني حينما كنت شخص صارم بالرد على الأستاذ ظاهر

فالرجل مهما كان لا يسمح لأي شخص أن يُهينه ,,, في بداية القصه كنت أتابع ماذا سيحصل للطفل عبدالرحمن

الآن يبدو أني شلت همك وهم عبدالرحمن ( أمزح ) تقبل مروري أخي الفاضل .

منذ الجزء الاول وانا متابعة بصمت ولكن اجد نفسي ممتنه لك على ما قدمته لهذا الطفل البرئ واتمنى ان يجزيك الله خير الجزاء اخوي غصن التوت ومتابعين معاك اجزاءك القادمة

هل تعلم يا علي إنني والله ما كنت ادخل المنتدى بالشغف والقدر الذي ادخله بعد قصصك وإبداعاتك،،، والله جعلتنا نتحرى لما هو قادم، عموماً، اسأل الله لك التوفيق واصل ونحن خلفك ودع كل إنسان يعبّر عن رأيه في طريقة اتخاذك لمواقفك، فلكل إنسان قراءة جميلة، والأجمل أصلاً أن يعرف الكاتب هذه القراءات حتى يتجنبها ويتلاعب بها في قادم الأيام.

ملاحظة: أرسلت لك ايميل على دوجين.

تحياتي

هلا و الله
غصن التوت
متااااااااابعين
بشغف
فانت تمتلك موهبه القص و السرد
باسلوب ماتع
انت (حكاواتي المنتدى)
واااااااااصل حبيب قلبي
الخط لك وحدك

نعود للقصة
لن اقول لو فعلت كذا او لماذا فعلت كذا
تأكد ان كل ما قمت به هو الصحيح
لأن المواقف لا تنتظر التفكير
فقط تصرف على سجيتك و لا تندم على قرار اتخذته
لأنه لو عاد مائة مرة لأتخذت نفس القرار
قصة حزينة و كان الله في عون عبدالرحمن و امه
و الشيخ ظاهر شكله مو ناوي يجيبها ع بر
اذا تبغى فزعه ابشر بي
و انتبه لظاهر لا (يدك علاك)
و الله ليتني قريب منك و نتنافع بوه
هههههههههه
ربي يسعدك و يسدد خطاك
ما زلنا بالانتظار يا ديك الجن

أختي بنت الجنوب : أشكر مرورك وأنتظارك ..
وش نسوي الله يعين والله يسمع منك دعائك آآآمين آآآمين

هلا نووواف : يمرجبا مليون أخي وأشكر لك مرورك ..خليل العلة رااااجع بس سرق ..وأبو نوره وأكياسه مشاكل .. وش نسوي بالغالي لازم نصبر وأنا أخوك

أختي برنسيسة الوادي : صدقيني أختي كل الأمور تعقدت زيااااادة وصدقيني ماكان ودي أرد عليه بس وش أسوي ما تحملت كلامه لي وبعدين هو أستاذ وبهذه الطريقة أجل وش بقى لأولاد الشوارع حاولت أخذ الأمور بسلاسه ولكن لم نتفق في الحل ..وكان ودي أقفل في وجهه بس المشكلة بيظن أني خفت منه وتهربت وهذا مو حل ..والعلم بيجي في الجزء السادس خليها على ربك ..

http://www.binybohair.com/vb/qurnis/...t-top-left.gifاقتباس:http://www.binybohair.com/vb/qurnis/...-top-right.gif http://www.binybohair.com/vb/qurnis/...ot-by-left.gifالمشاركة الأصلية كتبت بواسطة همــس الغــلا http://www.binybohair.com/vb/qurnis/...s/viewpost.gif http://www.binybohair.com/vb/qurnis/...t-by-right.gif http://www.binybohair.com/vb/qurnis/...p-right-10.gif
حسبي الله ونعم الوكيل في عمه هذا

والله أن عبدالرحمن وأمه يعورون القلب

الله يعينك يا أخوي على اللي بيجيك
بس أن شاء الله لك الأجر

بإنتظار الجزء القادم بفارغ الصبر
http://www.binybohair.com/vb/qurnis/...t-bot-left.gif http://www.binybohair.com/vb/qurnis/...-bot-right.gif

همس الغلا : مرحبا والله أشكر مرورك ..والله يجيب اللي فيه الخير يا أخوي والله يكتب الأجر للجميع .. ومارح يطول أنتظااااركم أن شاء الله خير

هلا بأخي خيال شاعر : والله مو تصرفاتي وأخلاقي كذا ..! بس مو بيدي وزي ماقلت التصرفات وليدة اللحظه ولو كنت مكاني ما كان سويت إلآ سواياي لأن الأمر جداً كان متوتر وكويس وصلت مواصيل أختصر ما ذكرتها ..والله ما كان ودي يضرب الولد بسبي بس وش أسوي ..كما قلت الرسالة خطأ فادح بس صااارت وبس .. الله يعين ناخوووك

هلا بأختي اميرة القمر : والله يشرفني متابعتك بصمت أو جهر والشرف لمشاركتي هذا المرور ..وأسأل الله أن يجعلنا من من يحتسبون الأجر في العمل من الله ..وأنتظرونا في الأجزاء القادمه ..
تحياتي أختي وشرفنا مرورك ..

أخوووووي متعب ياروحي في قلب روووحك يشرفني دخوووووولك والله يشرفني وأنا خوك لا يدفعني للمتابعة إلآ عبدالرحمن ودعواتكم ووقفاتكم معي ..نصائحك حلقة فودني خيو ولا يهمك أخوك ذيب يمخاوي الذيابه..سأفتح الإيميل وبرد عليك ..

هلا أبو عماد : حلوووووووه (ابو عادل الحكواتي )
ههههههههههههههه
ذكرتني بقهوة أبو حاااتم يعني المنتدى هو قهوة ابو حااااتم هههههههه
كل ماذكرته عين العقل ولو عدنا مئة ألف مرة والله ماتكون إلآ كذا ..والله لو أنك قريبن كان صد لك صقعه زي ما صد أنا يوم الجمعه بس خل الأحداث ليوم الجمعة و (الجزء السادس) ..
( ديك الجن ) لقب ساااابق أتشرف به دوماً ..

الله المستعان والله تعقدت الأمور لكن الله يعينك
وإن شاء الله إن اللي بدر من الأخ ظاهر هو بس ردت فعل للي سمعه لكن بعد مايهدأ حيتفهم الموضوع
وإقتراحي عليك لا تلاقيه وحدك وسجل كل كلمه يقولها ... والله يكفيك شره وحاول ماتتسرع أو تتهور سواءً بالفعل أو القول

أما المسكين عبد الرحمن فالله ينصره من فوق ... ويشفيه شفاء عاجل والله أنه حزني لأن ماله ذنب في السالفه كلها

أما بالنسبه لأختنا أم عبد الرحمن فهي غلطانه بنسبه 50% من بدايه حكاية الرساله إلين الجوال
لأن تصرفها من البدايه غير حكيم بنظري
****************
ونحن بإنتظار الأحداث المقبله
وما سوف تكشف لنا من أمور

(( اســــــــــــــــــفهـ ع التاخيـــــــــــــر ))

http://fantasyflash.ru/anime/sweet/image/sw103.gif

لا والله ياعم بس أمي عطتني ورقه وأعطيتها إياه (قالها خائف) ..
حرام والله .. مسكين ياعبودي

سمعت بكاء عبدالرحمن وإيضا" صوت أمه وهي تقول حسبي الله ونعم الوكيل عليك يا ظاهر ..
(ماذبحني غير صوت عبدالرحمن وهو يبكي ضيع علومي ) ..
الله يورينا عجايبهـ في هالضالم .. ياعمري ياعبودي انت وامك

(ما دري أني مذهت بوه في المنتديات)
ههههههه الله يسعدك والله انك ضحكتنا واحنا عايشين جوكم الدمعهـ بتنزل خلااص واشوف كلامك الي يضحك واضحك الله يسعدك

من المسجد ومن رأني بيقول (معي خلافن)
ههههههه الله يبعد الشر .. يارب

( بين وبين نفسي كنك راح تطول هنا)
هههههههههههه .. الله يوسع صدرك مثل ماوسعت صدورنا .. قول للهندي فاضين لك احنا طير بس ههههههههه

قلت وقعن صداقن ..
نعلت هالخدمة وساعتها ..شوي ودق الجوال إلآ رقم ظاهر ومسميه في جوالي (الجار العزيز) أمحق من جار والله..
هههههههه .. لاتعليق
http://fantasyflash.ru/anime/sweet/image/sw103.gif
والله مادري وش اقول .. اهم شي نفــــــــــسك ..دام عمهـ موجود ..شكل الوضع بيتعقد اكـــــــثر .. وشرهـ بيزيد .. والله لو رجال ماحط حرتهـ فهالمسكين مو كافـــــــيهـ انهـ مريض
طيب مو معقولهـ ماعندها اهل او اخوان .. كان يساعدونها .. انشاءالله ربي واقف معاها .. بس ماشاء الله سايرتهـ والله لو انا كان عرفت طريق بيتنا وخفت الله يوقف معهم .. وانت سويت الي عليك والباقي عالله .. والي يقول انك المفروض مارديت عليه .. انا اعارضهم .. اهم شي انك بردت قلوبنا فيهـ .. وربي اني انقهرت عالام المسكينهـ والطفل .. احسن يستاهل اكثر من كذا .. واخيراً قول للهندي يعشق الراحـــــــــهـ .. هههههه بس والله انهـ ضحكني شكل ربي مرسلهـ يلطف الجو الله يساعدهم .. ولو انا مكانك خلاص سويت الي علي والباقي ع الله .. الله يساعدهم يارب

يعني لــــــــــــازم اجـــــــــــزاء ؟؟؟
http://fantasyflash.ru/anime/sweet/image/sw103.gif

اختي بنت النور : أشكر مرورك والأمور جداً تعقدت أختاه ..واللي بدر من الأخ ظاهر مو ردة فعل وخلاص لأن الحداث تطورت بعد عودتهم من الرياض وصار فيها بلاوي ..تسرعنا بالفعل والقول ووصار أشكاليات كثيرة ..أم عبدالرحمن غلطانه بس العاطفة جرفتها كثير واللي صار البارح مصيبة أسأل الله السلامه بس ..
أشكرك أختي بنت النور ..

هلا بأختي : لؤلؤة البحر .. وش خليتي فصفصتي أم القصة ماشاء الله عليك ..متأخرة بس وصلتي بالعادة أول من يرد أنتي هههههه ..كان فعلاً مرور الهندي في القصة أضاف لها جو والجو الحقيقي أضافه في الجزء السادس خربها أبو هنود .. صدقيني أختي ما أدري هل عنده أخوال بس بشوف وبسأل لأن حالياً ممنوع من مقابلته ..
أشكر مرورك المتأخر ولكن والله أضاف للقصة جو وروعة لك تسلمو