منتديات بني بحير بلقرن - قصة مولووووووووووود

السلام عليكم ورحمة الله وبركاته
هذه قصة حقيقية حكاها لي صاحبها بنفسه فقمت بنضمها شعراً ونقلتها لكم للفائدة وقد ندم صاحبها بعد ذلك وتاب مما بدر منه ( اسأل الله أن يغفر له )

( قصة مولود )

أنا بحكي لكم قصة صديقي وافهموا المقصود
حكاها لي من الواقع وهو نفسه مجرّبها

يقلّي رحت للمشفى على شان اعرف المحصود
وقالوا لي (ولد) واصبحت لليّامه أحسبها

وحانت لحظة الضيف الجديد وقرّب المولود
وصرت اختار مابين الأسامي وانتقي اطيبها

وقلت اسمه (محمّد) والمره قالت نسمّي اسعود
تبي تسميه مسكينه بواحد من قرايبها

دخلنا قسم في المشفى مخصص للنسا محدود
فلا تدخله غير الي مكملة(ن) نصايبها

شوي وجت لنا دكتورة(ن) سمرا من اصل هنود
وقالت عندها حالة ولاده عجّل وجبها

وفعلاً جبتها وابعدت مثل المبتلا المطرود
ابي انظر لها والباب يمنعني ويحجبها

بعد ساعه سمعت الطفل يصرخ والبكا في زود
فرحت وقلت ياربي عسى ماهو بمتعبها

وجت دكتورتي تبغا البشاره ودّها بنقود
وقالت جتك بنّوته إذا ودّك تلاعبها

تردد صوتها في اذني تقول انه دوي ارعود
وجاني ضيق في صدري ونفسي الحزن صايبها

وصرت اقول في نفسي تبدد حلمي الموعود
الا ياليتها ماتت قبل تبدي ذوايبها

رأيت البنت والزوجه وهم فوق السرير ارقود
وغرفتهم كرهت اني مع احزاني اعتّبها

خرجت ورحت للموتر وانا اشكي حضي المقرود
واقل هذا من الزوجه وكله من سبايبها

وقلت أنته تكلم جدْ ولاّ مزحك المعهود
تراك احرقته اعصابي لهيب النار شب بها

وقال اشهد بأنه جدْ والموقف عليه اشهود
جلست اسبوع والزوجه من احزاني مغاضبها

وقلت انته مريض النفس ناقص عقل او مفقود
وش الي دخّل الزوجه بلا ذنب(ن) تعذبها

وهذي حالة الي ما حمد ربه على الموجود
ولا فكر بغيره دون ذريه يصاحبها

وانا احمد ربي الواحد عظيم الفضل راع الجود
رزقنا بالذراري والنعم سبحان واهبها

وصلى الله على محمد كريم النفس مثل الطود
أمرنا نتّبع سنته والبدعه نحاربها

قصيدة أخوكم /

ســـــــــــــــــــالم الحـــــــــــــــــــارثي