منتديات بني بحير بلقرن

( التــاجــر )

رجّال في متجره بيّاع شرّاي
يحسب مكاسب متجره والخساره

جالس ورا المكتب تحسّبه ببّاي
يبغا يعاين كم نتاج ادخاره

وفجأه أدخلت حرمه وهي قايله هاي
تبدل التسليم باقبح عباره

وصارت تكلم كنّها تعزف الناي
والجسم متثني وزاد انكساره

يوم شافها التاجر وهو ماسك الشاي
انكب نصف الكوب زاد انذعاره

ناظر لها والقلب كنّه على ياي
يهتز من زود الهوى والحراره

قال ارحبي وش حاجتك كانها هناي
قالت أبي خلخال وابغا سواره

قال الذهب دونك ومايثبت الراي
خذيه من دون اذن ولّا استشاره

وصارت تشيل من الذهب رايحه جاي
وتغازل التاجر وزاد انبهاره

وجت ودّها اتحاسب وفجأه تقول,ياي
دراهمي نسيتها في العماره

قال المغفل, كنّها وسط مخباي
أهم شي أتكررين الزياره

قالت خلاص أوعدك والمال وياي
وتبسمت في خبث بعد استداره

واقفت وصوت الكعب بيباي بيباي
وصكت عليها الجمس وسط الغماره

واقلع بها السواق كنّه علي كلاي
وثور على المتجر بقية غباره

ومر اول اسنينه وبالعين ماراي
زبونته والقلب يجرع مراره

ويقول ياهمّي وياكثر بلواي
وياويل من مثلي بلته الثواره

قصيدة أخوكم /

ســــــــــــــــالم الحـــــــارثي