ميدان افكاري ومسرح خيالي = مسرى قصيدي منتهى كل الأحلام
نوره سطع فوق الجبال العوالي = نوَر ظلام الكون بمداد الأقلام
تكتب على صفحته مجد ومعالي = تقرا على وجهه تواصيف مقدام
دونه حروفي تنتثر من مجالي = دانت عشانه كل صيحات الإلهام
اقراه في عيني شموخ الجبالي = القاه في صدري تواقيع واعلام
بنى بقلبي منزلن حيل عالي = بناه بأنفاسي على مر الأعوام
نلقى على شاطيه صحب وغوالي = نهزم بوسطه كل شاني ولوام
يبقى سندنا في ظلام الليالي = يسبق بنا كل القبايل والأقوام
بحر الوفا بحر الشعر والمقالي = بدرن سطع واخفى خرافات واوهام
حوله رجالن ماتعرف التعالي = حمته من سود النوايا والاقزام
يضربهم في الصبر اروع مثالي = يفخر بهم شعري على مر الأيام
رسمت فيهم لوحتي وارتجالي = رفعت فيهم هامتي يوم الإقدام

ماشاء الله تبارك الله
صح لسانك يالحبيب
قصيده جزله ويستاهلون أعضاء المنتدى
يعطيك العافيه
ننتظر جديدك
يثبت

بارك الله فيك قصيدة رائعة من شخص رائع ومنتديات بني بحير تستاهل