منتديات بني بحير بلقرن - السياحه في بيتنا

حدثني أحد أصدقائي قائلاً :
هاقد بدأت الاجازه الفعليه لنا كمدرسين ...والان أنا شبه متفرغ ..قولي وين تبينا نروح بس .
المغرب والا تركيا والا مصر والا عدن ...امرني بس
قلت له : بابن الحلال هذي السالفه قلت لك قفَل عليها من زمان ..ياخوي حنا يادوب نعتصم بالسعوديه هنا ..كيف لو طلعنا برا ؟؟
قال لي : ياخوي حنا بنروح نتمشى للسياحه فقط
قلت له : انقزها ودوّر لغيرها ..الشيطان حريص ..واذا تبي تطلع للسياحه برا تزوج واطلع انت وعيالك.

قال : طيب وش رايك نروح العروس (جدّه) والله يقولوا التسوق غير وفعاليات الصيف هناك غير
قلت له : يارجّال ماعندهم الا الكورنيش واذا تبي تجلس فيه يبي لك عامل نظافه عشان الزبايل أو الاسواق بس ماتنفع زحمه وقرف
وانت تعرف هالايام زواجات والبنت كل حفله بفستان هذا من غير قلّة الحياء اللي فيها

قال لي طيب : يقولوا أبها أمطار وأجواء خياليه ومنتزهات بالكوم
قلت له : انا ساكن فيها وأعرفها أصلاً اذا انت عزابي ماعندك الا الحبله وعاد من زين التخييم هناك ..قوة ازعاج
في الليل ماتقدر تنام كأنك جالس وسط استريو تسجيل..وهذا غير اللي يطمر عليك بالخيمه ويبي له إعادة توجيه للخيمه حقته ....
وباقي المنتزهات للعوائل...واذا بتتمشى بالسياره يبي لك بدل القلب قلبين..

قال لي طيب : انت بوها وسمّها
قلت له : مافي أحد قالك : خليك بالبيت