منتديات بني بحير بلقرن - المعذره يا صاحبي ياللي علشانك حضرت

هذه قصيدة للشاعر رمضان المنتشري سمعتها وحبيت انقلها لكم اسمحولها بالمرور

المعذرة ياصاحبي ياللـي علشانـك حضـرت[/B]

ترى الوفاء بيني وبينك راس مالي وسعـدي

انا ليانـادا المنـادي لاقصـرت والاعتـذرت

اعصب شماغي عصبة الفريس واجيك اعدي

والليله اللي مـن بدايتهـا لتاليهـا سهـرت
ماشفت فيها الا نوايا الغـدر والحـظ الـردي

عايش على اعصابي وانا يالله تحملت وصبرت
شعرت بالغربه وكني فـي بلـد غيـر بلـدي

قمت اتسلى فالكروت اللي معي واسقطت كرت
لكرت من عيني سقط قدام يسقط مـن يـدي

انا اليامني صـدرت وطابـت النيـه صـدرت
ماعاد افكر بالضحيـه لـو اضحـي بولـدي

اشره علي اني تهجيـت الرسائـل وانتظـرت
والغبن من سد الضلوع العوج يندانـي نـدي

ادري لونـي ماتجـاوزت الصغايـر ماكبـرت
في عين من يحفر لساقي فالطريق الجرهـدي

والا انت ياللي طول عمرك ماهدمت ولاعمرت
بدري عليك ترد حجاج الشعيبـه مـن كـدي

ان كان نصرك قهر ضيفك والله انك مانتصرت
النصر لو تقدر تطول العرش ويطيح الجـدي

السالفـه ياطولهـا لكـن بالحيـل اختصـرت
ابيك يامسكين تعرف ويش ناوي فـي غـدي

ان جيت مجلس مايضعني فالصدارة لاحضرت
ياراعي الفنجال قهو النـاس قبلـي وبعـدي

Posted via Mobile Device

Posted via Mobile Device
Posted via Mobile Device

Posted via Mobile Device