العم ميمون يموووون ..! بقلمي ..! راح زيد من الناس يفتح محل..!وده يترزق الله مثل خلق الله ويصير مكروش, وصاحب بنـز وبورش, ويجمع في هالقروش..راح وأخذ له نصيحة من العم ميمون..! ومن باب اللقافه وكلمة أمون.. طبطب على كتف العم ميمون, وقال : بفتح بجنب دكانك بقاله, ضحك ميمون وقال ياهي حاله طاري هالبقالة. البقايل ماصار يمشي سوقها كل الجماعة فاتحين عند فلان بالحساب, وأخر الشهر مناعله وقوة سباب، قال زيد : طيب وش رايك أفتح مطعم عشان تزيد ظاهرة الكروش وأسوي جلسات بالحوش وكلها تيس مسلوخ ويتجمعوا علينا هالدلوخ ، قال ميمون ياكثر أزباين في صفحات الدفتر الداااين..! قفلت مع زيد وقال : أف ياعم ميمون ليه تبي تحطمني من صغر سني، طيب بتاااجر بالمخدرات ، ميمون : أسكت أسكت كل الجماعه فالمخابرات والله يبلغوا فيك مثل الله في رضاك ، زيد : طيب خلاص بشتري سيارة وبشتغل تكسي للحارة،، ضحك ميمون وقال فخري والبكستاني أخذوا زمانك وزماني، لأنهم أأمن الناس على أعراض الناس، طيب وش رايك ياعم ميمون أفتح محل كوفيرة حولك ، قال العم ميمون يااااا فرولك، طيب ياعم ميمووووووووون ..! وش رايك تبيعني دكانك وجلس على هالكرسي مكانك، قال ميمون : ** لا لا خلاص أفتح بقاله أصلا" نبي نتخلص من هالعماله..! ** ولا أقول أفتح مطعم ياولد العم وبلا دكاكين ولاهم..! ** وأذا ودك تتاجر بالمخدرات وآنا بوك, محد درآ عنك ولاراح يجيبوك..! ** ولا زي ماقلت خذلك سيارة وانيت, ووصل مشاوير والخساره بس بنزين وزيت..! ** أووووه نسيت ديرتنا مابها كوفيرة, والله فكرة خطيرة سوي ياولدي كوفيرة وجزم أمرك وبلاش حيرة أمكن فالأمر خيرة،، قال زيد : خالص ما أبي أفتح مشروع والفلوس اللي عندي بشتري فيها سيارة وبقضي عمري فرفره وتفحيط والله بحالي محيط قال العم ميمون: صح صح وش تبغى بالتجارة وحسد هالناس بين الجار وجاره ترى والله مو شطارة هالتجارة ..! قال زيد : صدقت ياعم ميمون كلامك اللحين من جد موزوووون وليس بنافع ضم الأيادي*********** *********إذا لم تتحد معها القلوب من على غصن التوت ..! |
رد: العم ميمون يموووون ..! ههههههه قصه حلوه بس التحطييم عقده |
رد: العم ميمون يموووون ..! اقتباس:
أشكر لك مرورك والقصة مضحكه كسيناريو ولكنها تحمل بين طياتها آهات كثيرة أسعدني مرورك الغالي |
رد: العم ميمون يموووون ..! حطمه وعقده في الاخير قاله روووووح خلاص سوي اللي تبي .. هههههههههه يا حبني لقلمك يا شيخ ,, يعطيك العافيه يا غاااالي والله يعوضك خير في صاحبناا هههههههه |
رد: العم ميمون يموووون ..! قلم مميز واصل ابداعك |
رد: العم ميمون يموووون ..! مبدع دائماً يا غصن التوت واصل ابداعك |
رد: العم ميمون يموووون ..! اسعدك الله ياغالي مميز دائماً |
رد: العم ميمون يموووون ..! اقتباس:
أسعدني مرورك وتجاوزك الخاطأ من اليمين .. خخخخخخخخخخ الله يعوضني خييييييييييييير أشكر لك مرورك |
الساعة الآن 09:32 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن