منتديات بني بحير بلقرن - الكبتاجون ، تعريف الكبتاجون ، الادمان على الكبتاجون

الكبتاجون ، تعريف الكبتاجون ، الادمان على الكبتاجون

الادمان...وما ادراك ماالادمان....
ايه اليوم قررت اني اتكلم عنه... والسبب بسيط ... هو انه صاير منتشر بشكل فضيع جدا
خصوصا بين الشباب...وطبيعي جدا يكونوا هم اكثر ناس ينجرفوا معاه لانهم اكثر ناس فاضين
عادة ماوراهم لا عائلة ولا مسؤوليات... والفضاوة هذي مصيييييييييييييبة وغالبا هي اساس البلاء
اولا ابي اعرف لكم معنى الادمان عشان نفرق بينه وبين التعود....وتتلخص في ثلاث نقاط:
1الادمان يكون على مادة معينه بشرط تكون ادمانيه...
2يشترط ان تسبب للمدمن درجة معينه من الشعور بالرضا او الانتشاء عندما يتعاطاها
ومع الوقت تزيد الكمية... يعني مثلا اذا اليوم المدمن يكفيه كمية صغيرة عشان يوصل لمستوى مرضي من الانتشاء.لازم بكرة يزيدها شوي عشان يوصل لنفس المستوى
يعني لازم الكمية تكون متزايدة بشكل تدريجي وبطيء
3عندما يتركها او حتى يؤخر الجرعه تظهر لديه اعراض انسحابية لا تطاق تجبره على الرجوع للتعاطي
وهذا سبب الانحطاط الي يوصلون له المدمنين لانه مستعد يبيع اهله عشان جرعه...
....
لذلك الادمان يشمل : الهروين . الكوكايين. المورفين الطبي..بعض ادوية الامراض النفسية...وغيرها
...
اتوقع جدا انه واظح ان الدخان مثلا مو ادمان ولكنه تعود....لان كمية الدخان ثابته وما يحتاج المدخن ان يزيدها تدريجيا
وكذلك الحشيش والكحول (العرق) والكبتاجون..
وهذي هي الاشياء الي منتشرة في مجتمعنا... وتكون مع بعض... يعني الي يحشش تلاقيه يشرب...
والي ياخذ كبتاجون تلاقيه اكيد ما عنده مانع يحشش....
اليوم بركز على الحبوب المنشطة.. الكبتاجون.. ابو قوسين.. الابيض..دفيه...وغيرها من الاسماء الي تعني نفس الشي
....

...
اشلون اعرف المدمن....؟
انا ادري ان قفط المدمن شوي صعب... لكن بقلكم على شوية علامات وشوية حركات مفروض اذا شفتها على اخوك او اختك انك تشك
وتحقق اكثر.... وجايز اذا كشفته بدري انه تنقذ حياته وتسوي له خدمة العمر....
اهم واوظح شي هو التغيرات المفاجئة في حياة الشخص....
يعني مثلا كان مرتاح ماديا وصار مطفر اربعه وعشرين ساعه....او صارت البنت تطلب فلوس بزيادة...
وكل يوم طالعه بحاجة جديدة لازم تشتريها...
صار يسهر كثير وينام ساعات اقل بكثير... واذا نام يصير نومه مرة ثقيل وما يصحى لو يموت ديك جنبه

كلامه يصير شوي ملخبط وتركيزه اقل...وصار انطوائي اكثر ويحب العزلة...
ما يجلس في محل واحد كثير لانه تحت تاثير حبوب منشطة فما تستغرب اذا مسكت معاه غلط فجاة يكنس البيت كله
....
هذا بالنسبة لبداية الادمان على الكبتاجون... اما الشاب الي خلاص ادمن على الحبوب المنشطة.. الكبتاجون فهذي هي مواصفاته
يصير السفر بالنسبة له شي عادي وسهل... يعني عادي عنده لو سافر من جده للشرقية ورجع في نفس اليوم..
يعني هذولا الي يسافرون بر ويرجعون في نفس اليوم حطوا عليهم علامة استفهام كبيرة
اذا وصلوا للمدينه الي مسافرين لها تلاقيه ما ينام مع انه مواصل.. الا لما يشرب لبن..
تلاقيهم ما يحبون يشربون الشاهي بالنعناع .. لان النعناع ينقص من مفعول الحبة المنشطة
اذا نظرت في عيونهم تلاقيها مبحلقة ومشحطه كانه شايف عفريت...
وزنهم قليل...يعني تلاقيه نحيف ورشيق جدا...لذلك كان رجوع الوزن من علامات الشفاء
....
مع الادمان المزمن للكبتاجون ومرور سنوات والمدمن محد انتبه له او محد حاول ينصحه تبدا تطلع اعراض جديدة:
الوسوسة...يصير يحس الناس كلهم ضده وكلهم يراقبونه...يشك حتى في اهله
جنون العظمه ... هلوسة وتخيلات... عصبية زايدة...
اعراض فصام شخصية... يعني يسمع اصوات في مخه ويشوف اشياء محد يشوفها غيره ويكون مقتنع ميه بالمية انها صحيحه
.....
اخواني اعضاء وعضوات منتدى بني بحير...انا ما اتكلمت عن هالحبوب الا لانها باب لاشياء اخطر وخطوة في طريق سيء
اذا شفتوا احد فجاة بدت تظهر عليه تغيرات نفسية واجتماعيه سيئة
ابحثوا عن الاسباب... وخلوا التفسيرات الشعبيه على جنب... يعني لا تقولوا سحر ...عين.. حسد الا بعد التاكد من خلوه من الادمان بشكل قاطع....يعني مو تلاقي في جيبه حبة صغيرة مرسوم عليها قوسين وتطنشها وتقول لي ياحرام اكيد صابته عين
.... انتبهوا لانفسكم وللي يعزون عليكم....
... الاختبارات فترة وتعدي... نبي نطلع منها كلنا واحنا رافعين راسنا....
شدوا حيلكم ولا تكبرون الموضوع اكبر من حجمه...ترى درجة درجتين ما تفرق...
ورزقك بيجيك لعندك حتى لو حاول كل اهل الارض انهم يوقفونه عنك...
...
اخوكم .. الشبـــــــــح الراقي