منتديات بني بحير بلقرن - يمه الغربة وفرقاك ملتمة .. دمعة العين هذه مالها داعي ..

شاعر الاندلس (ناصر القحطاني) - يمه الغربة بصوت فهد مطر

http://www.youtube.com/watch?v=RrChI...layer_embedded

يمه الغربة وفرقاك ملتمه

دمعة العين هذي مالها داعي

يابعد راسي انتي ليه مهتمه

الوجع لي سواة الناي للراعي

آخر أخباري الذمه هي الذمه

والوصايا هذيك تقدي شراعي

مابه الا السواد يحاود اليمه

ولا به الا البياض اللي ورا أضلاعي

وأشعل ما يفارق ليل حضن امه

وأخضر كل صبح من أول أتباعي

يتعب البرق ما أتعب النظر يمه

وانشديهن بعد ما قلت أطماعي

أنجبن لي عروسة حلم أضمه

أو بعد توها تشرب عطش قاعي

واذكري كيف كان العود ابو عمه

ايتعلى صهيله وأرخي أسماعي

امنياتي بدرب ودي أتمه

آخره صعب وأصعب منه مرجاعي

يوم كلن فزع له خاله وعمه

يكفي اني وردت العد بذراعي

أرفع الراس بين الروس ما همه

وأتباهى وأنا الغرقان بأوجاعي

يمه الحر طبعه يعشق القمة

وأنتي اللي فطمتيني على أطباعي

الهواء دام راسي حي ويشمه

والله اني لاسوق هناك ذعذاعي

غربة تلوي ذراع أشجع الخمه

لا تخافينها لو تقلب أوضاعي

يمكن تبعثر الرجال وتلمه

بس بدري عليها تلوي ذراعي

للإستماع والحفظ
هنا