منتديات بني بحير بلقرن - غصن التوت يحلم شوي 3 ..!

هذه الموضوع تكمله لسلسلة "خلوني أحلم شوي "" 3 "" .. للعضو المتميز عــــ القناص ـــزوز والتي بدأها هوه ..وكان الجزء الثاني لأخي أهلاوي مووت .. وطلب مني أن أكمل الجزء الثالث.. وهو عبارة عن حلم يحلم به إي عضو ولكن في قالب قصصي جميل فكاهي رائع بروعة منتدانا ..

حلم غصن التوت ..!

قصة

كنا مسافرين في الخط أنا وخويي.. وفجأة أستوقفنا حادث مروري شنيع لسيارة فاخرة بنز 2011 دخلت وجهيتها تحت تريلة وأحترقت الوجهيه والركاب يصارخون يبون يخرجون والأبواب مع الحادث ملزقه وماتفك .. قلت لخويي وقف وقف كأني أعرف واحد من الركاب .. والله أنه الوليد بن طلال .. شوف شوف يبغى مساعدة خلني أروح أساعدة والله فرصة نكد خير من وراه ..وقفنا السيارة ونزلت أركض بتجاه الحادث سلامات سلامات .. إلآ والوليد بن طلال "مرموعن" مايدري وش اللي حوله بس يحرك يدينه ويستنجد ساعدوني .. قلت أبشر وأنا أبو عالي أنا فداك طال عمرك "بيني وبين نفسي فديت برج المملكة وشركاتك القابضة" أبشر طال عمرك كم عندي انا الوليد بن طلال .. قال : خويي يارجال أنت مجنون السيارة مولعه نااار.. قلت أنا : وأنا مشتاق أساعد واحد من الحكومة كلنا فدى ولاة الأمر .. أهم شيء وأقوم آخذ منشفه وأغرقها بموية وأحطها على يديني .. وأحاول أفكر الباب والنار مولعه بقوووة ..والوليد يقول : تكفى ياولد عالي.. وأنا مجتهد أبي أساعده وقول طيب كم تدفع ..؟ وهو يقووول : أنا كلي فداك بس خرجني من هالحادث ..! قلت : أنا ما أبي كلك فداني أنا أبيك "هبشة من هبشاتك المحترمات" قال الوليد : طيب أبشر بس خرجني والله لأعطيك "مغزلن" مهو بس هبشة .. وأنا فرحان وفي نفس الوقت أشد بقووووة وأسحب الباب وأفكه .. وأقول أخرج أخرج طال عمرك .. وخرج الوليد .. والسواق يقول وأن تكفون ساعدوني .. قلت : لاردك الله من وين أجي لك وأنت النار قربت منك ولكن أهو يومك لاتستأخرون ساعةً ولا تستقدمون.. الله يعفى عنك .. وشلت الوليد بن طلال على كتفي لأنه غشي ما أدري من الفرحة ولا من الدخان حق الحريقة .. أهم شيء وجلسته في سيارة خويي وأخذت موية وأغسل وجهه وأتلطمه وأتلطه عشان يصحى .. قم طال عمرك قم مذابك..! خويي يقول : أهو كنو لقيهن ..! وأنا أقول : لا عسى خير حرام عليك أن شاء الله يقوم بالسلامه الوليد الوليد قم الله يخليك والله واحشني زمانك لاتموووت فديتك أنا ..شوي ولا تنفجر سيارة الوليد اللي تحت التريلة بوووووووووووووم ..! وتتصاعد الأدخنه ويقوووم الوليد مخروعن من قوووة الإنفجار ويقول : مذا تاع مذا تاع عسى ماشر .. قلت أنا : لا لا حمدالله على السلامة حديد في حديد طال عمرك وأما السواق أهو مات الله يعفى عنهو أبضعيف ..يعني لقيهن لقيهن طال عمرك .. قال الوليد : أنت مين ..؟ قلت أللي ضحى بنفسه عشانك وأنقذتك من هذا الحادث طال عمرك شوف شوف يديني تحرقت عشان أساعدك والله بغيت أحشر عشانك الله يحفظك ويخليك ..! قال الوليد : أنته أسمك إيش .. قلت أنا : علي القرني.. قال الوليد : والله والنعم وين دفتر الشيكات ..قلت أنا : لا لا طال عمرك ترى حنا خدمناك لله في الله مانبغى شيء الله يستر عليك ..! قال الوليد : هيا أقعد زيد يوم ودي أهب لك هبشه ماتبغى .. قلت أنا : كنك من جدك لا لا هذا دفتر الشيكات موجود في الكوت حقك وتبي قلم موجود في الدرج أنت آمر بس طال عمرك كم عندنا الوليد ..بس خلنا نوديك المستشفى كان تحس بشيء ولا شيء .. قال الوليد : لا لا لاتخاف سليم ماعندي الشيييين ..! بس كم تبغى أنت لك من المليون إلى مليار ..! قلت أنا : عادي والله مايخدم بخيل ومدام انك قلت مليار خلاص أعطني مليار ..رغم أنها مهي في تعبي وحروق يدي لكن أنت كريم وأنا أستهبل .. كتب الوليد أسمي في الشيك وقال : هيا هك هبت لك تسع مئة مليون وتسع مئة وخمسون ألف .. وخويك 50 ألف ..قلت أنا : لا لا طال عمرك والله هوه ماساعدك أنا بس ذا فعل ..! قال الوليد : قل والله .. قلت أنا : يمين الله أني صادقن ..! تشبحلوه إيديهو ماتحرقن زيي ..! قال الوليد : والله كنك صادقن هيا بكتب المليار كله بأسمك وأنت عاد هبلوه اللي تبغى ..قلت أنا : أبشر (وبيني وبين خاطري أهو كنو بيتلهوآآآآ وأنا ماهبت لوه قرش ..) فجأة جت الأسعاف ومروحية من الدفاع المدني وشالوا الوليد بن طلال وودعني بيده وقال : مع السلامه ياأبو عالي بيض الله وجهك على المساعدة ..قلت أنا : إلآ بيض الله وجهك أنت ماقصرت نغنغتنا بهالمليار ليتك زدها شويه لكن في الحادث الجاي أن شاء الله ماتقصر وأنت كريم ..

أخذت الشيك وطاير من الفرحة وأروح البنك وأودعه في حسابي (صرت مليونير ياجماعة الخير) أهم شيء وأعطي خويي خمسة آلآف ريال .. والله خسارة فيهو بس عاد واجب علينا وصدقة صدقة على نية التوفيق..

رحت أشتريت لي سيارة آخر مديل من أبطوووووووآآآآآل تاك اللي لها أبواب كثير كأنها غرفه من داخل وأستاجر سواق وأروح أشتري بشت وأفصل ثوب في ساعة وأللبس وأروح نادي الأتحاد .. ويفتحون لي الباب ويامرحبا طال عمرك يامرحبا على بالهم أني أمير .. وسألني الحارس أنت مين لأن مافي أحد يدخل حتى يقووول من هو ..! قلت أنا : يالبى قلب الإتحاد أنا علي القرني عضو شرف جديد جيت أدعم النادي وأأخذ العضوية الشرفية الماسية .. وأروح أقابل بن علوان رئيس نادي الأتحاد الحالي .. وسلم الله وكيف الحال عساكم بخير أهم شيء يابن علوان ترااااك خربت سمعة النادي .. يا أخي فشلتنا الله يفشلك في سنونك هذي ياسنجووووب والله كأنك سنجاب ماشي اللفين .. حتى في الأعلام فاغرن .. ظل أبصم أبصم مهي ذامعك .. وأذا مو قد الرئاسة أنا مستعد لها .. قال أبن علوان هيا خذها لابارك الله فيك وفي الأتحاد .. وعلى طول سووا جمعية عمومية وأختاروني رئيس وعلى طول سافرت أللمانيا وتعاقد مع "ريبيري لاعب فرنسا" ورحت تشلسي وتعاقد مع "دروجبا الأفواري بذاك الطريقة" وأروح برشلونه وأتعاقد معا " إينستا الأسباني " وكلفوني كلهم 80 مليون يورو .. بس فدى للأتحاد .. وأروح مانشستر وتعاقد مع الكوري "بارك سونج " كلاعب آسيوي .. وأرجع للسعودية وتعاقد مع أسامه هوساوي من الهلال وبراهيم غالب وعبدالله القرني من النصر وأحمد عطيف ووليد عبدالله وعبدالله شهيل من الشباب ويحيي الشهري من الأتفاق والجيزاوي من الأهلي والأسمري وياسر الشهراني من القادسية وكلفتني كل الصفقات هذي برضو 50 مليون يورو .. أهم شيء وأرجع الديرة وأعلن حفل الزواج وأتزوج وأروح أشتري قصر في جدة في الشمال بالتأكيد (لأني كل مارحت جده مامعي إلآ غليل..! الله يزيل غليل) اهم شيء ومقابلات تلفزيونية وبرامج ولقاءات والجمهور يردد هذا ابو حرب لاجاء.. وخروا عنها لا تجونه .. وأبن علوان شغلته سكرتي في النادي ..وأروح الجمعيات الخيرية وأهب لها كل جمعية من 100 ألف وكفالة أيتام ..

وفجأة

وفجأة

وفجأة

أنقلبت من على السرير وطحت على الأرض وقمت أتحكك في رأسي وأقول بن علوان سكرتي ..

من على غصن التوت ..!

الجزء الرابع عندك ياشزوووون "أبو شزن"