منتديات بني بحير بلقرن - فيض ًٍمن غٍيض َو ياقلبي برد أعصابكٍَ.......!!

الله حيهم...:shiny:

.
.
.

الله يسلمكم فيه ناس ماتحس داخل عروقهم دم لا مكعبات ثلج برود لدرجة الوفاه والله يرحم الي يكون مماشيهم أو يكونون أخوانه أو خدامتهم !!
من كنت صغيرة وأنا أسمع جدتي تقول [ الحي يحييك والميت يزيدك غبن ] وأتفكر مع نفسسي ليش يزيدك غبن كيفه ميت لين ماقدر الله علي وكبرت وفهمتها
لكن مثل مايقولون مافي تعليم ببلاش ..

البرود بالمختصر المفيد \\ ..
حالة لامبالاة أو تفهيه دائمة كل الأمور عندهم سواسية
وسيعين صدر ولايهمهم شيء .. وعشان يجيب له غرض من دولابه
وهو فوق سريرة محتاج نص ساعه لساعه الا ربع

.
.
صفات أصحاب الدم البارد \\ :confused:..
دايم مبتسم وتحسه حالم وطاير بعالم ثاني ولاحظ ترى ممكن يكون
صايرله مصايب ومتشربكه أمورة لكن أبد ياجبل مايهزك ريح
مملين - يميلون للروتين - مايبتكرون ويبدعون - يسمعون أكثر من مايتكلمون
تحسه أحيان متنح ويمكن مايكون متنح بس شكله كذا - قلبه طيب - مايعاني من مرض السكر وارتفاع ضغط الدم ولا القلب
وبشكل عام الامراض النفسيه قليلة فيه < مريح عمره وشاري راسه

طريقة التعامل مع أصحاب الدم البارد (نصائح من واقع تجارب) :shiny:.
- إحذر ثم إحذر ثم إحذر تجيه وتناقشة بموضوع معصبك ولا منرفزك
لأنك ساعتها بتزيد نارك حطب ومابيكون إلا الهواء الا يزيد شعللة نارك ومابتلقى منه
أي فايد سوى موجه من البرود...

- حاول قد ماتقدر تكون معه باااارد على نفس مودة عطاك كلمة عطه بعد دقيقة كلمة
إنتظر دقيقة أو دقيقتين بيرد عليك بكلمة أبرد وهكذا خصوصاً إن كان أخوك الكبير أو أختك
إنت أعتبره جهاد وحاول تضبط أعصابك لأنها لو تلفت وانترفزت بتلاقية يناظرك بطريقة اندهاش
يعني ليش معصب !!
- لاتعتمد عليه في أمور مصيرية لأنك ممكن تموت ويصير الي يصير وهو بعده ماقام مثلا أحد
وهو ياكل جته شرقة لا تستسعفه < مدري كيف جات المهم لا تنتظره ينقذة لأنه ممكن يموت وهو مابعد قام ,
مثال آخر طفل بيطيح بتجيه هنا حالة صدمة مؤقته وبتطول ليييين تتلقفون الطفل
يالله يفوق ..
- إذا كنت طفشان متضايق مهموم أي شيء حاول تتجنبه لأنه مابيقدر يطلعك من جوك الي انت فيه وممكن يزودك ..
- إحذر تتفرج معاه موفي أو تطلع معاه أو تعزمة وقتها بيطلع لك مليون حجة وعذر لأنه مافيه يطلع
ومافيه يتفرج ويمكن يقفل جواله عشان يتهرب من العذر ..

مصطلحات شائعه لأصحاب الدم البارد \\ ..
بشويش .. لاتصارخ .. على مهلك .. وش معجلك
هاه < ياكثر مايردودنها .. مافيني .. أمر الله من سعه
يتثاوب بكثرة .. إييه .. عادي .. طيب .. بطلت اطلع
.. متعيجز\ة .. أحس بخمول .. بنام .. طفشان\ة

يابرود في هالأوادم ..
كنت مرة فالجامعه محتاجة تصوير لآخر يوم ومافي مجال الا اني اصور هاليوم بعدها اختبارات وبتكون حوسة وضغط علي :( طلعت لمكتبة الجامعه وطلبت منها تصورلي الملزمة مستحييييييييلة
ترفع نفسها من فوق الكرسي ببطء ينطق الصخر وجات لين عندي على اقل من مهلها اخذت الورق
وقعدت شوي تسحب برجولها لين ماوصلت وفتحت الغطا حق الة التصوير اذا قلت ربع ساعه عشان
تجهز تصور مو قليله كنت كاتمة نفسي وعاضة على اسناني < حالة :shiny:عشان لا اتهور
واتنرفز في النهاية الامور مردودة شين علي يمكن يكون هذا الموقف فيه استهتار وتعامل شين لكنه
برود برضه...<<

عندكم حل للتعامل مع هالشخصية :( ؟ نسخنها شوي :( ؟
واعطوني من مواقفكم الجميلة
بس تبون الجد مايعيش في هالزمن الا الي قلبة بارد لكن عاد مو ميت

.
.
.
موددتي..~