|
جولهـ حولـ لعالم حياكم الله أتمنى أن تستمتعون في جولتي ومع أطباق من كل دوله نبدأ الجوله على بركه الله هبوط الصين شن هنبنق تعني السلام عليكم الاطباق رزصيني سبرنق رول شوربه الذره دجاج صدور مقطع قطع صغيرة فلفل حلو ( اخضر -اصفر -احمر) مقطع بشكل طولي قرن فلفل حار اللي وده حبة بصلة مقطعة صلصة الصويا حلوة م ك زيت فلفل اسود - ملح - زنجبيل الطريقه نحمس البصل ثم نضيف قطع الدجاج على البصل ونحركها لين تستوي ثم نحط الفلفل الملون ونقلب ثم صلصه الصويا بعد كذا نكون مجهزين الرز سالقينه مستوي تقريبا الا شوي نحطه على الدجاج ونقلبه شوي ثم نغطيه خمس دقايق وصحتين وعافيه اقلاع إلى تايلند الاطباق ربيان سمك فليه مع الشعيريه الطريقه احمسي البصل ثم حطي عليه السمك والفلفل الملون والملح ثم صلصه سمك المحاروخليها 5 دقايق الشعيريه انقعيهابمويه حاره 3 الى 5 دقايق مع شوي ملح الربيان نفس السمك بس بدون الصلصه والفلفل بس حطي بهارات وصلصه طماط |
رد: جولهـ حولـ لعالم هبوط إلى الهند عالم التوابل الاطباق افخاذ الدجاج لذيذاتعب وانا اقول لذيذ دجاج تكا مسالا مقرمشاااات الطريقه جيبي افخاذ الدجاج وحطي عليها زبادي وبهارات الماسالا وخليها كم ساعه ثم حطي صلصه طماط شوي علشان تحمر في الفرن صح التكا مسالا على طول احمسي البصل والثوم والزنجبيل الرطب ثم الطماط ثم الدجاج ونفس البهارات مسالا حطيها وملح وخليها لين تستوي وحطي شوي مويه اخر شي حطي زبادي علبه وخليها 5 دقايق وطفي عليها البهارات الماسالامعطيه نكهه حلوه جربوها لاتفوتكم |
رد: جولهـ حولـ لعالم نكمل الجولــه هبــوط إلى فرنسـا الاصناف ستيك لحم شوربه بيضاء وخضارمسلوقه وحلى الهرم كريمه بالدجاج زي مانتم شايفين في الاخير نضيف كريمه خفق وملعقتين دقيق وخليها على النار خمس دقايق وقدميها ساااااخنه ستيك اللحم الافضل لحم شرايح مقطعه رهيفه اذا مو موجوده أي لحم بس يكون هبر بهريه بالملح والفلفل والكزبره وفلفل احمر ثم حطيه في المقلاةتحمر من الجهتين علشان لحمي عريض فدخلته الفرن يستوي اكثر بعدين حطي عليه صلصه الستيك تباع جاهز او تصلحينها اقلاااااع إلى ايطاليا الاطباق شوربه بيضاء أصابع Mozzarella .. فنجيرز **فوتشيني** شوربه بيضاء غطيتها ببف باستري ودخلتها الفرن تحمر من فوق وجبن شدر قطعتها شرايح والباقي في الصور المكرونه تسلق المكرونه في ماءوملح ثم نسويالحشوه بصل محموس ودجاج وفلفل بارد وبهارات وملح ثم نحط على النار شوي كريمه خفق وقشطه انا ماحطيتها وجبن سايل المقادير اللي تبين <<< بلشه في المقااادير لاني مااعترف فيها هع هع بعدين اخلطيها مع المكرونه بعد ماتشخلينها http://up.3ros.net/get-6-2010-2iijpr3z.gif اقلااااااع لدوله اخرى |
رد: جولهـ حولـ لعالم هبـــــوط إلى المكسيك خبز تااااكو صلحي الحشوه اللي تبينها وفيه خبز تاكو جاي بعلبه حاطين معها بهارات وصلصه بهاراتهم جربتها شينه وبقوه بعد طعم حللللللللبه الله يحلل مهران اللي يقولون ان فيها حلبه وهذي فطيره السينبون هديه مع التاكو اقلااااااع إلى السويد الاطباق سوفليه كرات اللحم الطريقه تبلي اللحم بالملح والبهارات والكزبره والفلفل والبصل والثوم ثم كوريها ودخليهاالفرن تستوي ثلث ساعه تقريبا او انك تشترين الكورللحم جاهزه من محل ايكيا مع صلصتها السوفليه هذا لذيذ مررررررررره وشويه عليه كلمه لذيذ الطريقه حطي نصف مقدار كيك بيتي كروكر طبعا كلش اقسميه الماء والزيت والبيض اذا صغار حطي 2 بعدين حطي شوي في العلبه ودخليها الفرن 10 دقااااايق لا تطولون مثل حالتي خليتها ربع وخربت شوي ثم اخلطي كريمه بيتي كروكر مع النوتيلا انا حطيت 3 نيوتيلا 2كريمه وحطي على كل علبه مقدار ملعقه او اكثر اللي تحبين ثم خليها 10 دقايق ثانيه وبعدين ذوقي الطعم الخراااافي هذي بطاطس على الطريقه السويديه قطعيها شرايح ثم حطي في كل شريحه شريحه جبن وذري عليها فلفل اسود وزعتر وسماق وخليها في الفرن 40 الى 45 دقيقه |
رد: جولهـ حولـ لعالم هبـــــــوط إلى تركيا الاصناف فتوش بطاطس بالفرن كارنييارك المقادير والطريقه بيذنجان شرايح مقلي لحم مفروم محموس وجاهز شرايح جبن تسبيكة صلصه طماط الطريقه اعتقد واضحه بالصوره وفي الاخير دخليها الفرن ربع ساعه ونقلع إلى مصــر ام الدنــيا الاطباق كشري ومصقعه الطريقه اقلي بطاطس وبيذنجان وخليها على جنب احمسي اللحم المفروم مع البصل والثوم والطماط ثم حطي بهاراتك (ملح بهارات فلفل كزبره ناشفه ) ثم حطي الكزبره والشبث وفي الخلاط تخلطين طماط مع حبه ماجي مع شوي زيت زيتون بعدين حطيها على اللحم وحطي معها صلصه طماط ثم طبقه بطاطس وبيذنجان وطبقه لحم مفروم ( انا مااحبها ماتكون ناشفه مره ولا متينه فمرهفه المصقعه كلا ورغبته ) في الفرن ثلث ساعه الكشري اطبخي العدس والمكرونه كلا على حده في ماء وملح وشوي زيت بس العدس نصف استوا ثم احمسي الشعيريه بعد ماتكسرينها وخليها على جنب ثم تكونين قد غسلتي الرز وخمرتيه تحمسين البصل في القدر ثم تحطين العدس والشعيريه والرز وتخلطينها مع بعض ثم مرق لحم او دجاج اوماجي بالنسبه لي حاطه مرق لحم جاهز وفيه الطعوم << اهم شي هههه علشان كذا ماحطيت بهارات عدله ( دارسين وورق غار) المهم انتي ورغبتك اذا الرز ابيض احمر بني غامق فاتح <<< مااحب الابيض احس اني مريضه بعدين اذا استوى خلطيها مع المكرونه وتكونين مجهزه صلصه الكشري والبصل المقلي والبليلا وبالعافيه |
رد: جولهـ حولـ لعالم يازين المضغوط بس.. موضوع روعة ولكن الله يكرم الفضل سلطة سمك حار ومدري إيه ابسوبه أبكالفه .. شـكــ وبارك الله فيك ـــرا لك ... لك مني أجمل تحية . |
رد: جولهـ حولـ لعالم نتابع الرحله هبوووووط إلى المغرب الاطباق طاجن خضار بالدجاج وشوربه الحريره المقادير دجاجه خضارمشكل بصل ثوم بهارات صلصه طماط ملح زيت يحمس البصل مع الثوم ثم حطي الخضار والبهارات والملح بعدين خذي الدجاجه وخفسيها وتبليها ((بالملح والبهارات والفلفل الاسود والكركم والكزبره والثوم )) بعدين حطيها في الطاجن معلومه ((الطاجن بتاعنا يقول راعي المحل انه مايحط على النار بس في الفرن والا الاصل انه على النار في البدايه ثم في الفرن بس االطاجن المغربي مدري وين يباع فيه ويقال انه غاااليشوي)) هذا ارخص ويفي بالغرض نرجع لطبقنا ثم في الفرن لمده ساعه بعدين حمريه شوي من فوق الحريره المغربيه لذيذه بصل ثوم طماط لحم ريع كاس عدس ابو جبه الاسود (( بني غامق )) حمص شوي بهارات مشكله (( ملح بهارات صلصه طماط زنجبيل كمون دارسين)) نص كاس كلا من بقدونس وكزبره مفرومه حبه وحده شعيريه حذفت الكرفس لان ريحته حلبه الطريقه يحمس البصل والثوم ثم حطي الطماط ثم اللحم والبهارات المشكله ... والعدس والحمص اذا ماكان مطبوخ اذامطبوخ في الاخير حطيه بعدين حطيها في الكاتم اسرع عشر الى ربع ساعه بعدين حطي عليها البقدونس والكزبره وحركيها ثم حطي 2 م دقيق ومويه وحركيه زين لا تطلع كتل ثم على الشوربه وحطي الحمص والشعيريه بعد ماتكسرونها وحركي لين تتجانس الشوربه وخليها عشر دقايق وطفي عليها اذا تبينها ثقيله او خفيفه انتي تحكمي فيها بالنسبه لي خليتها شوي ثقيله الذ مع الخبز وبالعافيه اقلااااااع إلى ايراان الاطباق خورشيه الباميا خيارباللبن وكباب ايراني طريقه الخورشيه قلقلي الباميا في الزيت ثم احمسي البصل وحطيه عليه اللحم مع البهارات والملح وصلصه الطماط قبل مايستوي اللحم حطي الباميا وقلبيه شوي وخليه على النار لما يستوي الكباب لحم مفروم متبل بالبصل والثوم والبهارات والملح والكزبره والفلفل وحطي عليه جبن موزريلا شوي واشخليه لين تروح مويت اللحم وخليه في الثلاجه كم ساعه وحطيه في الاسياخ وحمريه في الفرن من فوق انا حطيت صينيه تيفال تقطر عليها |
رد: جولهـ حولـ لعالم اقلاااااااااااع إلى سوريا http://up.3ros.net/get-6-2010-vaz9iby2.jpg الاطباق محشي كوسه ورق عنب تبوله تسبيكه المحشي بصل محموس وطماط وصلصة طماط ثم حطي عودين شبث وكزبره للنكهه ورق العنب 2 ونص كاس رز مصري بقدونس نص صره _ كزبره اقل من البقدونس بشوي _ بصله وحده كبيره _ 2 طماط _ شوي نعناع نص كاس زيت زيتون _ نص كاس عصير ليمون ملح _ بهارات وهو سر من اسرار ورق عنبي (( مهران مشكل )) نقطع المقادير ونخلطها ونخليها ساعه تنقع مع بعض ورق عنب العلالي الفاخر ازين شي قبل لا تلفين ورق العنب اشخليه وخلي مرقته على جنب واذا خلصتي لافته صبي المرق عليه وزودي مرق الماجي كل مانقص واضغطي عليه شي ثقيل علشان يستوي اسرع واذا استوى بعد ساعه ونص حطي نص كاس زيت زيتون ونص عصير ليمون وملعقتين كبيره دبس رمان ولا تفتحينه لين يبرد http://up.3ros.net/get-6-2010-x583gk4c.gif http://up.3ros.net/get-6-2010-pzvid8bq.gif http://up.3ros.net/get-6-2010-jhsf77nz.gif اقلااااااع إلى http://up.3ros.net/get-6-2010-trh1y6z5.jpg ارض الوطن والحب السعوديه ديارنجد الاطباق رز جريش احمسي البصل ثم حطي عليه اللحم ثم بعد شوي حطي عليه المويه وتحمسين في قدر ثاني الطماط وتحطين ورق غار دارسين لومي وصلصه طماط وفلفل اسود عدل ثم حطيها على اللحم وحطي الحباحر اذا استوى اللحم نطلعه ونشخل المرق ونكب الرز ملاحظه ( اذا شخلتي الرز اغسليه مره ثانيه بمويه علشان تروح نكهه الرز الشينه ) ثم اذا تشارب الرزحطي عليه الكشنه وعليكم بألف عااافيه وأتمنى أن تكون رحلتنا نالت على اعجابكم لاهنتم تقيم |
| الساعة الآن 08:45 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن