منتديات بني بحير بلقرن - خواطر رومانسيه

على الله يا زمن بشكي جروحي والليالي طوال ....

عسى راعي العنا ينسى عناه وينشرح صدره

على الله يا زمن بشكي همومي والهموم جبال .....

تعدت عاصمه حزني حدود العالم بأسره

خساره يالسنين اللي كتبتي قصه الترحال .....

فرحت امس حزنت اليوم بس الخوف من بكره

لساني كم شكى صمته ولا منه حشا ما قال ....

طغى طبع السكوت بديره المحروم من صغره

سقى الله يوم انا كنت اضحك وبالي مريح البال ...

ضحوك ما عرفت الحزن وش معناه وش قدره

كبرت وكبرت احلامي وصارت قصه الترحال ....

اماني في مهب الريح حلمن ما اكتمل سحره

عزيزه يالعيون اللي حضنتي دمعة الرجال ....

حبستي دمعته بين المحاجر يوم ضاع عمره

عزيزه يالحروف اللي سكتي والكلام ينقال ....

حكيتي ما شكيتي الهم وهم القلب يا كبره

عزيزه ياليدين اللي تعنيتك باصعب الاحول ....

اكفك ساعه الحاجه وامسك ساعه القدره

عزيز النفس لو يخطر على صبر الليالي ينال ....

بصبر والرجل يصبر ومقياس الرجل صبره

انا من منهو حمل همه على راسه تقول عقال ....

مناسيف الزمن دارت عليه ونسف القدره

وانا منهو فقد صوته وغاب الصوت لما زال .....

دعيت الله يفرجها علي باحسن النظره

اشيل الحمل عن غيري وحملي صار ما ينشال ....

كما الشيخ الهزيل اللي مشيبه منقصم ظهره

وعن حر الزمن صارت حروقي للجروح رمال ....

تدرت عن هموم الياس حلمن قد بنى قصره

عساها للمطر روحن بها وادي الضمى ما زال .....

عروق سنينها جفت وراها الزمن غدره

عساها للمطر روحن قضى مرباعها ما طال ....

كساها ثوبها الاصفر بعد ما كانت تلبس الخضره

على الله ينجلي وقتن قضيته همن وغربال ....

يشع النور في قلبن غشى ليل الظلام فجره

على الله والولي الله وبامر الله يزيل الحال ....

ويضحك للزمن قلبن مع همومه قضى عمره
اختكم ((عذاب الخفوق))