هذا الكشته الي ترفع الرااس ..! هذا الكشته الي ترفع الرااس ..! منقول والله يجزاهم عنا وعن كل مسلم خير ويوفق نيتهم وعملهم الطيب;; بسم الله الرحمن الرحيم والصلاة والسلام على اشرف خلقه سيدنا وحبيبنا محمد اما بعد ولله الحمد لي عاده شبه سنوية اثناء الكشتات يكون فيه توزيع كسوة ومؤنة للرعاة اثناء التجوال لعلها تكون سبب في مغفرة الله جل في علاه .. وكانت الوالده (ام يوسف )رحمها الله اكثر من اعانني في الاستمرار على هذا العمل وتطويره ولله الحمد..و كان لها اثر في التوزيع الاخير قبل وفاتها بشهر من بذل بالمال والجهد وابشركم انتقلت لرحمة ربي جل في علاه وهي صائمة كعادتها في الاثنين والخميس وايام البيض وتعتبر السنة هذي من اقوى الاعمال ولله الحمد والمنه بفضل مساعدة الوالده رحمها الله والاخوة والاقارب والاصدقاء فلهم الدعاء والشكر ندخل بالموضوع طبعاً الفئه المستهدفه في هذا المشروع هم الرعاة هي رحلتين يفصل بينهم عشرة ايام فقط وكانت الرحله الاولى في نهاية شهر ذي الحجة1431هـ والثانية في بداية محرم 1432هـ وكان العدد في مجموع الكسوة والمؤنة تقريباً 125كسوة فالشكر موصول لكل من ساهم . طبعاً لكل راعي شنطة وفراش والشنطة نبي نوريكم وش فيها من مكونات نبدأ بالصور فازلين / فقس / صابون / فرشة ومعجون / ولاعة / مقص اظافر / امواس حلاقة .http://up.albrari.com/uploads/12940071657.jpg طبعاً هذي الكركبة في بيت الوالده رحمها الله هذي السيارة مزودة بتانكي ماء سعة 550 لتر ومليانه تحليه عشان يكون سقية برضه نعبي لرعاة . الانطلاقة من عنيزة الحبيبه وكان خط السير تقريباً عنيزة .. قبه .. البعيثه .. الزبيرة.. سامودة .. لينه .. رفحا .. سكاكا .. الجوف .. حايل ثم العودة . وهذه بعض الصور الي قدرنا نصورها لكم لأن صراحه كان الوضع لايسمح في الغالب .http://up.albrari.com/uploads/12979816807.jpg قصدي ان فيه بعض الاحيان يكون الراعي في وضع مأساوي يستحي ناخذله صورة .http://up.albrari.com/uploads/12940622753.jpg اما اذا كان مبسوط مثل الحبيب يكون الوضع عادي .http://up.albrari.com/uploads/129406227611.jpg مالقينا له الا هذا المكان ركب معنا حتى يدلنا على احد اقاربه راعي بالجوار .http://up.albrari.com/uploads/12983107582.jpg طبعاً ابو عبدالله موشط (مغرز بقوة) الموتر ومسمينه قش المصري لأنه يشابه احبابنا من مصر اثناء السفر هههههههه . بعض الرعاة يحسبنا نبيع فنجلس نفهم .http://up.albrari.com/uploads/129798168113.jpg وفي كل ذات كبد رطبة اجر ولله الحمد كان معنا كتب لغير المسلمين .http://up.albrari.com/uploads/129798168115.jpg .http://up.albrari.com/uploads/12979816808.jpg تعبير مؤثر .http://up.albrari.com/uploads/129798168116.jpg وكتب للمسلمين ايضاً .http://up.albrari.com/uploads/12979823561.jpg بعض مساكن الرعاة . طبعاً بعضهم والله ثم والله في الشمال ولا معه الا بطنية مثل فراش المسكين وعادي يموت من البرد .http://up.albrari.com/uploads/129798235610.jpg يتوسد الحجر الله لا يقسي قلوبنا . انتبهوا للفراش .http://up.albrari.com/uploads/12979816806.jpg حزن .http://up.albrari.com/uploads/129798235612.jpg ثم فرحه .http://up.albrari.com/uploads/129798235613.jpg الهدف من الكشته انت تبي تاصل ناس ..الديرة عنهم بعيده والظروف اجبرتهم فلا تبخل عليهم من ماعندك . . اذكر احد القصص اثناء التوزيع شفت اخ من احد الدول العربية راعي المهم سلمت عليه وسألته عن اوضاعة فلقيت رجليه متجرحة من ظاهر رجله ولبسه رث وعطيته الفراش والشنطة فمشيت من عنده فلمحت الرجال كأنه يبكي فرجعت لمه فسألته وش فيك ماقدر يتكلم فصراحه خميته رحمته فقال ابكي عشان مادري كيف اشكركم قلت ياخي حنا بشر وربي رزقك اشكر الرزاق الي ينعم علينا وله الفضل والمنه صراحه موقف ما انساه .http://up.albrari.com/uploads/12979827011.jpg ومن ضمن المواقف لقيت رعاة اثنين من النيبال واحد مسلم له يمكن شهر والثاني كافر وكان يدور كتاب عشان يدعو زميله للاسلام فكان موقف حلو جداً فتأثر النيبالي المسلم والكافر وكانت دفعه قوية عشان يدعوه . .http://up.albrari.com/uploads/12979827013.jpg لوتعطس يمكن يشمتك عراقي بالعراق من القرب هههههههههه .http://up.albrari.com/uploads/12979827014.jpg جاكم المطر للأمانه منقول .... نستودعكم الله ملاحظة:لقد تم حذف الكثير من الصور بسبب عدم استيعاب صفحة الموضوع لها مما أفقد الموضوع بعض من رونقه فاتمنى لو اكتملت جميع الصور... |
رد: هذا الكشته الي ترفع الرااس ..! |
رد: هذا الكشته الي ترفع الرااس ..! جزاهم الله كل خير والله شيءجميل جداً |
رد: هذا الكشته الي ترفع الرااس ..! اقتباس:
|
رد: هذا الكشته الي ترفع الرااس ..! [/quote] اقتباس:
|
رد: هذا الكشته الي ترفع الرااس ..! شـكــ وبارك الله فيك ـــرا لك ... لك مني أجمل تحية . |
رد: هذا الكشته الي ترفع الرااس ..! اقتباس:
|
رد: هذا الكشته الي ترفع الرااس ..! الله يجزاهم خير |
الساعة الآن 12:52 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن