منتديات بني بحير بلقرن - [ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

منتديات بني بحير بلقرن (http://www.binybohair.com/vb/)

[ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

إن غبت جبت وعادتي لاغبت ماارجع بالهزيل
ان جبت اجيب اللي محد بالشعر قبلي جابهـا

على سبيل اهل المثل ماني مثل اهـل السبيـل
اللي معاني حضورها تشبـه معانـي غيابهـا

تعشقني الفكره ..بكر..واقهر بها الوزن الثقيل
ا للي بنات افكارهـم مبطـي رميـت حجابهـا

لا المستحيل يردني ولا ابـن عـم المستحيـل
ياماكسرت القاعده واخلفـت وجـه اعرابهـا

مهما بلغ كثر العدد يبقى بنظـر عينـي قليـل
مايغلبـون التغلبـي قـوم عطـت مضرابهـا
ايـه الشجـاعة تغلب الكــثرة وهـاك أكبـر دليل
الذيب يـدرع بــالــــغــــنـم ولا يحسب حسابها

لو كل من اسمه جميل من العرب يطلع جميل
كان أكثر اسماء العرب تحمل صفات اصحابها

ماينعم بظل النخيل اللي تحت جـذع النخيـل
الشمس تصقع هامتـه حتـى يحيـن غيابهـا

ولا طولت عمر أدمي قولة عسى عمرك طويل
طول العمار وقصرهـا رب العبـاد ادرابهـا

رح ردها عني وانـا بأكبـر عواقبهـا كفيـل
ان كانهـا كذبـه فأنـا بيـن العـرب كذابهـا

ايـه الشجـاعة تغلب الكــثرة وهـاك أكبـر دليل
الذيب يـدرع بــالــــغــــنـم ولا يحسب حسابها

سلامتكم جميع
القصيدة منقوله للشاعر خلف المشعان

رد: [ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

هذا القصيد اذا قريته احس به يشفي الغليل
ان اشـهـد ان الذايقة ياصـاحبي ترقى بها

سلمت اخي ضاني الشوق على هذة القصيدة
الرائعة وهذا يدل على سمو ذائقتك الشعرية
صح لسان قايلها وسلمت يد ناقلها
واسمحلي بالمشاركة بهذا البيت.تحياتي

رد: [ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

ابيات مليئة بالحكم بارك الله فيك

رد: [ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

يسلمووووووووا

رد: [ايه الشجاعه تغلب الكثره وانا اعطيك الدليـل **الذيـب يـدرع بالغنـم ولا يحسـب حسابهـا]

ابو الفيصل صح لسانك ماشاء الله عليك
مطر البحيري : الله يسلمك ومشكور ع المرور
ابو زيد :هلابك ومشكور ع المرور