منتديات بني بحير بلقرن - لاتحسبين العرس توفي وكتكات

لا تحسبين العرس توفـي وكتكـات ....
ولا تحسبينـه تويـكـس وإلابونـتـي
ولا تحسبين العرس كيك وطرطـات ....
وصلـة قطعتيهـا ووصـلـة بلعـتـي
ولا تحسبين العرس تصفيق وأصوات ....
و أنتِ علـى صـوت الغطاريـف همتـي
ولا تحسبين العرس كوشـة ولمبـات ....
و أنتِ كمـا الطـاووس فيهـا جلستـي
ولا تحسبين العرس أحلام في الشات ....
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ....
هيـا اقضبـي بيتـك عسـى مانهبلتـي
ليلة سعيدة و أنتِ أحلى الجميـلات ....
تشخـص عيـون النـاس إذا حضرتـي
(واللاينر) حطيـه بــلا زيــادات ....
لا يـخـرب الماكياج إذا دمـعـتـي
(والمسكرة) تحتاج لطـف ومـدارات....
حتـى يـبـان الـزيـن إذا رمشـتـي
(والاسبريه ) رشيه حتى البصيـلات ....
يمسك شعـرك زيـن لـو كـان زدتـي
وترى (المحدد) فن يحتـاج رسمـات ....
يبـان رسمـه زيــن إذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن أنتي
ويبقى شريك العمر راعي الطويلات ....
هـذا هـو العـرس حقيقة عرفـتـي ؟
أول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق بالـذات ....
ادعـــي الـكـريـم إذا سـجـدتـي
والتعري لا ترضين عند الكوفيرات ....
ولبسـك يملـى العـيـن إذا لبسـتـي
واللي على زوجك تحرضك مـرات ....
أرجوك شوتيهـا شـوتـة بلنـتـي
والصبر في العشرة حتى على فتات ....
يا ماحـلا فعلـتـك يـومـك صبـرتـي
و إذا حفظت السـر مـع المـدارات ....
زوجـك تـرى فـي عيونـه كبـرتـي
والسوق يعني (( هاه )) وقت الضرورات ....
و إلا تـرى زوجــك يــدور المفـتـي
زيدي الغطاية وكثري في العبايـات ....
والله يـرضـى عـنـك إذا ستـرتـي
أوصيك بالكبسـة وكثـر اليدامـات ....
حتـى لو انـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي ..