منتديات بني بحير بلقرن - ح ـآإولت أكـتم عبرتـي يوم ... فرقآإآهـ .. !!

منتديات بني بحير بلقرن (http://www.binybohair.com/vb/)

ح ـآإولت أكـتم عبرتـي يوم ... فرقآإآهـ .. !!

ياويل قلـٍـٍـٍـبي كل مااشتقت لقياه
وشلون ماتشتاق عيني لعينه ... !!

أنا أدري إني حيل أحـ/ــبه وأهواه
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عـ/ـبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه
وأنسى معه ذكرى السنين وحنينه

لقيت نفسي كل ما حل طرياه
عـٍـٍـروق قلبي كلها تقول ويـ؟ـنه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
وحدن مع الضحكه تحس بونينه

ياآإآشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حبيبي ماتغيّر بزينه ..

ماجيت أسولف عن حلاه ومزاياه
يكفي أحاسيسي وقلبي عارفينه

كن الفضا في غيبته ضاآآإآإآق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظٍـٍـٍـٍـلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحنينه

بوسط الحـٍـٍـٍـٍـشا في داخل الصدر مثواه
إما يسار القلب وإلا يمينه