|
قاهرتهـم هالعبايـه مايبـون السـتـر دوم. قاهرتهـم هالعبايـه مايبـون السـتـر دوم. http://www.pskat.com/vb/images/smilies/111.gif العبايه عولموهـا وانفثـو فيهـا السمـوم من ملاهي الرقص جابوا فكر تخصير العبـاة ظيقوا صدر العباة ووسعـوا طـرف الكمـوم ونزلوها لين وصلـت آخـر أكتـاف الفتـاة بانت نحور الصبايا وانكشف شكـل الهـدوم والغبيـة تحسبنهـا زايـده زيـن وحــلاة والبراقع دلعوهـا ليـن عـام الخـد عـوم لازم القرضه توسع والكحـل يلقـى الحيـاة طوروا شكل النقاب وصارت الدعـوه علـوم صار شفاف(ن)يوضح خدهـا ويـا الشفـاة وآخر الصرعه لثام(ن)يفتن الرجـل العـزوم والفتن قالـوا ضلالـه للقلـوب المؤمنـات وش علامك.؟ بنت حوى تستبيحيـن السلـوم أو مع خيلك ياشقراء بعضكم جنـس البنـات قاهرتهـم هالعبايـه مايبـون السـتـر دوم جدهـم علمـان يعنـي لاصيـام ولاصـلاة حطوا إن البنت سلعـه وغلفوهـا بالهمـوم وارفعوا شعار(ن) ينادي للحقوق الضايعـات من ظلمها والبدو لاصاحـت الحرمـه تقـوم قايمه تحت المعادي لجـل عيـن الشامخـات من ظلمها يوم قام المعتصم مـن عـز نـوم قال وين الكافـر اللـي يستبيـح المسلمـات ثم ذبح لجل شعرتها من العدو كثـر النجـوم قال هـذا حـق منهـو يستـذل الطاهـرات نكسوا ذاك الشعار ولملمـوا باقـي السهـوم يكسر الخاطر سهمكم لاضرب فـي مدرعـات بيتكم لاصار مبنـي داخـل البيـت مهـدوم وبيتنا صوم وصلاة وحج وأشهـد والزكـاة إتركيهـم يابنـت وخلـي اللايـم يـلـوم وسعي خصر العبايـه واكرمـي بالمكرمـات وإن رفعتيها لراسك أصبح الـراس محشـوم العبايه فوق راسك حشمـه وطيـب وثبـات وماعليك من اللئيمـه تحـاول تقلـدك يـوم لبست البرقع ولكن حـن عـرق الماجـدات بحنكها ألفين دقه مدري ألف مـن الوشـوم أو تراه ألفيـن هكـري يكتبـون الذكريـات ولابغت تكتب قصيده قافها هـو قـاف يـوم (يوم يابا)(يوم بابا)جـاك عـرق الراقصـات جت تقول إني بدويه قلت أنتـي وجـه بـوم إعقبي منتي بدويه أنتي جزء مـن الحصـاة يابنـت لايغـرك بعـض غربـان(ن) تحـوم أنتي فوق الكل أنتـي فـوق روس النايفـات أنتي يوم الحرب دارت والمعارك (قوم)(قـوم) عانقت عزوات أخوك صوت ضرب المرهفات إن حدوا من بيننـا أو طولـوا حـد العقـوم يابنـت طبعي أرقـى فـوق كـل الطايـلات إحذري يابنت منهم طبعهـم نفـث السمـوم عولمتهم لو أعرفهـا طلـع معنـى الشتـات ظيقوا صدر العباة ووسعـوا طـرف الكمـوم وبيجي يوم نشوف فيه شقوق في وسط العباة آعجبتنيhttp://www.pskat.com/vb/images/smilies/256.gif |
رد: قاهرتهـم هالعبايـه مايبـون السـتـر دوم. ,’ اللهَ المستعآن ذآئقهَ رآئعهَ عوآفي ,’ |
رد: قاهرتهـم هالعبايـه مايبـون السـتـر دوم. اللهم استرعلى جميع نساء المؤمنين |
رد: قاهرتهـم هالعبايـه مايبـون السـتـر دوم. الله المستعان ذائقه فذا.. |
رد: قاهرتهـم هالعبايـه مايبـون السـتـر دوم. شاركره لكم مروركم الكريم دمتم بحفظ الرحمن |
رد: قاهرتهـم هالعبايـه مايبـون السـتـر دوم. بارك الله فيك وزادك علماً |
رد: قاهرتهـم هالعبايـه مايبـون السـتـر دوم. الله يعطيك العافية |
رد: قاهرتهـم هالعبايـه مايبـون السـتـر دوم. راق لي ماراق لكِ ذائقة مميزة |
| الساعة الآن 10:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن