|
لك رب ما يخذْلـك .. لـو يخذلونـك ! ... ما راح من عمر التعـب مـا يكفّيـك ؟ ما هزتك طيحـة هقاويـك .. دونـك ؟ يا " باعث " قبـور الحـزن فـي محانيـك لو مـا رجعـت لْدفنهـا .. يدفنونـك هذا الحزن لـو مانتهـى بـك بينهيـك خاوى تفاصيلك .. وعـوّد بدونـك ! شف شيبك اللي من همومك عثى فيـك و كيف التجاعيد عْبثت فـي جفونـك ! جسمك تهـاوى مـن عنـاك و تعنّيـك و نبـرات صوتـك غالبتهـا شجونـك لأْنك تنفسـت الشقـا فـي مساريـك شف كيف صدرك مختنق من طعونـك ! بعت المنـام لعيـن مـن نـام ناسيـك حتى غـدى ليـل السهـارى زبونـك لا تنتظـر مـن خانـك إنـه يواسيـك لـو هـو يحبـك مـا تجـرأ يخونـك ! قلبـك تعلّـق فـي مخاليـق تشقـيـك ونسيت حب الخالق اللـي يصونـك ! الناس في عونـك ، إذا الحـظ يعطيـك وان شح حظـك ؟ قالـوا: الله بعونـك ! ارقى عـن أسبـاب الزعـل لا تخليـك عبد لهمومـك كـل مـا يزعلونـك ! دنياك حلوه . . لـو تلفّـت حواليـك ؟ تلقـى مـن بعـاد البشـر ينصفونـك لو شفتها بعين الرضـا هـي تراضيـك و لو بَ الكدر ؟ مـا خالفتـك بظنونـك ! افرد جناحيـن الفـرح فـوق ماضيـك حلّق عن الذكـرى ومـن يجرحونـك غيّر مـن الواقـع إذا كـان عاصيـك جدد من الأحلام .. مـارس جنونـك ! ازرع فيافي الصـدر بَ أخضـر طواريـك الكون كله ساعـة رضـاك .. كونـك الليل تسهـر مـع نجومـه .. تناجيـك و تبـادر طيـور الصبـاح بلحـونـك بـث الجمـال بكـل رسـم لمعانيـك خلّ الطبيعـه تاخـذ احسـاس لونـك ! خذ من خطاك اللي يصحـح خطاويـك لا تشيـل مـا لا تستطيعـه متـونـك وان ضقت .. أو ضاق الزمن ؟ ارفع ايديك لك رب ما يخذْلـك .. لـو يخذلونـك ! |
رد: لك رب ما يخذْلـك .. لـو يخذلونـك ! ... وان ضقت .. أو ضاق الزمن ؟ ارفع ايديك لك رب ما يخذْلـك .. لـو يخذلونـك ! بصراحه ابيات في قمه الروعه سلمت يمناك وتستاهلين التقيييم:):):):):) |
رد: لك رب ما يخذْلـك .. لـو يخذلونـك ! ... وان ضقت .. أو ضاق الزمن ؟ ارفع ايديك لك رب ما يخذْلـك .. لـو يخذلونـك ! ونعم بالله كل الشكر لبريق ذائقتك.. |
رد: لك رب ما يخذْلـك .. لـو يخذلونـك ! ... بارك الله فيك على هذه الذائقة دمت في حفظ الرحمن |
رد: لك رب ما يخذْلـك .. لـو يخذلونـك ! ... اطلالتكم اضفت على متصفحي آشراقة لآمعة شاكرهـ لكم حضوركم الكريم دمتم بخيررر |
| الساعة الآن 08:57 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن