منتديات بني بحير بلقرن - م‘ـن ع‘ـز نوم‘ـي صح‘ـيت وشفـ‘ـت في...

من عز نومي صحيت وشفت في عيني
دمع تهادى على جفنـــــي وانا غافـــي
سترت دمعي بكمي قبل يغريني
واخذت هذا الجســـد من باقي لحافـــي
وسريت تايه ورا خطوات رجليني
لا الوجه وجهي ولا الاوصاف اوصافي
امشي واقول لطريقي لاتوديني
لعيــون ناس تبي تدري عن الخافــــي
ماودي الناس تدري وش يبكيني
كرامت النفس شي(ن)بالحشا باقي
امشي واحس الخناجر في شراييني
والبرد يمشـــي وراي وينهش اطرافــي
الين ماوحيت لي صوت يناديني
صوت اعرفه مثل ماجهل وش خلافــي
قمت اتلفت وانـادي لاتخلينــي
ماغير هالصــــوت هذا صوته الدافـــي
ولمحت زوله من اقصى الدرب لافيني
مادري وش اقـول لكن حـــي هاللافــي
تعال شف غيبتك كيف اثرت فيني
تعال شفنــي وانااغرق عقب مجدافـــي
تعال واقطف بصوتك زهرة سنيني
كل المواعيـــد عقبــك شمسها طافـــي
تعال وشفيك خايف انت ناسيني
قطعت صوتــي عليــك وطال ميقافـــي
حتى بديت اشعر إن الحب معميني
وإن أنت حلــم عثى فيني وانا غافــي
بصدق الحلم واحذر لاتصحيني
في خاطـري كلمتيـــن ان قلتها كافـــي
امانة الله عليك إن غبت عن عيني
لايكـــون قلبك مثل قــلب الزمن جافـي
مع كل دمعه تذكر رعشة يديني
ومع كل ضحكــــه تذكر قلبـي الوافـــي

...............
فهد المساعد