منتديات بني بحير بلقرن - ||ليتك على قدالجفا تقدرتحب ..

منتديات بني بحير بلقرن (http://www.binybohair.com/vb/)

- - ||ليتك على قدالجفا تقدرتحب .. (http://www.binybohair.com/vb/binybohair29067/)

||ليتك على قدالجفا تقدرتحب ..

عزفت الناي ..!
على أبواب المدينة / وفـ شوارعها ..
رغم برد الشتاء - ودمعي - وصوت الريح !
حلمت إن الأماني لك أرددها .. وتسمعها !
وأتمتم لـ السما .. والغيم والأنوار ..
ولـ اللي م أنطفى من هـ الحطب والنار !
أبي لي وقت .

حزين - ولي بقايا عالقة بـ روحي ..
صور - وأحلام - وأشيا تشعل جروحي !
ورسايل - كلها أشعاره - مع أشعاري
تنّثر مابقى من صمتي لـ بوحي ..

وهنا دور المسا / طعني ..
أبي وعدك - بـ تسمعني !
وأنا راضي .. بحكمك لو ..
تقول إنه ( حكي فاضي ) !
وفداك أوجع - ياموجعني !

تعال - ألبسني هدومك !
أو أربطني على عنقك - بقايا شال !
تعال إتعطر أنفاسي !
وأنا بأتعطرك أمال ..
أنا موجوع - فـ غيابك / دخيلك حس ..
أبي تصرخ على ظروفك .. ( كفاية / بس )!
وتعلن رحلتك لـ رجوع !
وعطني وقت !
بأكمل باقي أحلامي - فـ هذا البعد !
حكي واجد وتاعبني ..!
بعد أذنك ..
- أبي تسمعني بـ قلبك / ومن قلبك تجاوبني !

وين مبعد - يا مماري بـ البعد ..
قلت أبيك من السنين - وقلت أبشر ..
قلت أحبك .. قلت مو كثري - أنا أكثر !
قلت تبقى - قلت كل العمر ( وعد ) !

اصص يانبضي بـ أكمّل !
طالبك بـ الله تحمّل / مابقى إلا قليل ..
شد حيلك / ( لو بقى بك حيل ) !

بـ أستغل الوقت وأحكي له حنيني ..
وعن حكاوي قلتها بينك وبيني ..
وأوعدك - ( تبقى عليل )!

وتلبّس الحزن ( الفجر ) !
وأستوطنتني ..
( كلمه ) / لـ وعدك - لـ الوفا ..
( أرجوك خذني ) !
.
أحتاج لك !
ما أبي كثير / لـ الله عطني !
كل أحتياجاتي حضن !
ما أبي وطن - ولابي حنين ..
ولا بي أكون إلا معك / أنا أسألك ..
ذل السؤال - أهون كثير من الفراق
لا صار بين العاشقين ..

كل الوجيه من التعب تعكس ملامح ..
وكل مايمر كائن حزين !
أسمع كلام الناس هذا ..
( )!
وأقول عادي ياتعب ..
بكرة يجي ..
وبأحكي له وأحكي له عتب ..
وبقول له ..
وأقول له ..
وأقول له ..
.
.
ليتك على قد الجفا ..
( تقدر تحب )!