هذه وصاتي لك يابوك لاهنت بسم الله الرحمن الرحيم السلام عليكم ورحمة الله وبركاته هذه عدة ابيات يقرأها الجميع ولكنها لشخص واحد منهم عندما وجه لي عبارات النقد والتهم الجارحه عالخاص،،،، فاتمنى من الله ان يميتني وانا لم اعرف من يتستر خلف ذلك الاسم اليكم ابياتي ياللي تلوم الناس وش انت قدمت .....................للمنتدى يامدعي بالشطاره ماغير قال فلان وفلان وش قلت ................وقولك بلا منطق ترالك خساره اقل شي شاركت ولو كان قصرت ...............واعتز في كل اللي كتبته بجداره بمجهود مني ماسرقته ولانلت ..................ولااحد يعلمني فنون المهاره ماني مثل من شافله شي بالنت ..................سوا خبر ومصدقه في قراره اني الوحيد اللي درابه وشاركت .................وفرحان لازادت عليه الزياره مجهود غيرك يالذكي ماتعلمت ...................حتى ولو حرفت فيه العباره بتبقى مثل ماانت لاجيت ولارحت ................ولازاد نقد الرجل زاد احتقاره هذي وصاتي لك يابوك لاهنت ...............وخلك على قدك خلف الستاره وسلامتكم بقلمي مساء الخميس الموافق 1433/4/8هـ فمرحبـــــــــــــــ1000ــــــا بكل من عطر متصفحي بتواجده |
رد: هذه وصاتي لك يابوك لاهنت صح لسانك ياخوي اوراق وانشهد انك قول وفعل وعدااااااااااك العيب |
رد: هذه وصاتي لك يابوك لاهنت ولسانك اخوي الرهيب شاكر لك مرورك |
رد: هذه وصاتي لك يابوك لاهنت خليك اخوي اوراق مثل النخله اللي يرمونها بالحجر وهي ترمي لهم بالتمر وتأكد دائما الناجح محارب وانت ناجح |
رد: هذه وصاتي لك يابوك لاهنت الله الله على هذه الشامخه صح الساانك وبيض الله وجهك وعداك العيب |
رد: هذه وصاتي لك يابوك لاهنت الرهيب عيون الحب الله يسلمكم وبيض الله وجوهكم واشكركم على مروركم وتعليقاتكم |
رد: هذه وصاتي لك يابوك لاهنت خليك كالجبل يا اوراق مبعثرة وطبق المثل ( يا جبل ما يهزك ريح ) ولا تدقق تقبلها بروح رياضية وأعلم أن ما يرمى بالحجر إلا الثمر . مع ملاحظتي أن تاريخ اليوم والشهروالسنة الميلادية اعلاه لا تتوفق مع اليوم ولتاريخ الصحيح للمشاركة أتمنى أن تكون وضحة الرؤية . تقبل تحياتي. |
رد: هذه وصاتي لك يابوك لاهنت ابو احمد حياك اخوي واشكر مرورك وبالنسبه التاريخ مايهم القصيده كتبت بالتاريخ المحدد بالمشاركه ونزلت هنا بالمنتدى في يوم الثلاثاء الموافق 1433/4/13هـ طابقها مع التقويم الميلادي وشوف اتمنى تكون وضحت لك الصورة اكثر يااخ ابو احمد |
الساعة الآن 07:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن