منتديات بني بحير بلقرن - للــي ضايــق صدره وزعلااااااان

هناك سلوكيات خاطئة كثيرة في مجتمعنا فحبيت أن أوضح لكم الخطأ
... وأحاول أن أصلحه لكم بسلوك تربوي حضاري ...

يالله بسم الله نبدأ ..

خطأ : عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح : تمسكه مع ثيابه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..

خطأ : تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح : تنزل له بمفتاح العجل .. أو عجراء ... وتطق الدريشة عليه ... وأول مايفتحها ... جرّه مع شعره ... واجلده لمين يقول العيد بكره ...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..

خطأ : تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شوي وبعدين تلفه وتلفه وتلفه وتضربه بالصبوره وبعدين تقومه وتمسكه من الجاكيت وتمسح فيه السبوره وتطلع ..

ثم ..

قبل لاتطلع تقوله لاصارت جامعة ابوك اطرد الطلبه ..

الخطأ : كنتوا طالعين لبيت أحد الربع للعشا ولما حاط العشا لكم واحد من الربع لف العشا كله تقول له : صحتين وعافية

الصحيح : ما خليت لنا شي كل الصحون بعد ..

الخطأ : قاعد في الصف لحالك في البريك يجي أحد ويرمي عليك القلم تبتسم في وجهه وتخليه لحاله..

الصحيح : تاخذ القلم والطاوله واكرسي وتكسرهم على راسه ..

ثم..

آسف ما كان قصدي..

الخطأ : إن أحد ما خذك معاه لمحل لبيع العطورات وقام اخذ له عطر ريحته تلوع الجبد وطلب رايك فيه قلت له:
الله ريحته تجنن صدق عندك ذوووووق..

الصحيح : تقل له : اش هالذوق أول مرة تشتري لك عطر؟؟

خطأ : جالسين أنت ومجموعة من الشباب ... وعندكم علب بيبسي ... وطلعت تبي تغسل ... فيقوم صديقك ويرج العلبه ... ثم تجي تبي تفتحها .. ثم تطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح ]: تمسكه ... مع رجليه ... وتصبخه بالارض صبخ ... وتجيب قوطي ببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. امزح معي هالمزح ... وهالمرة بسمح لك عشان خاطر الموجودين .. والا تدري !! ...
ثم عفط العلبه... وحطّها بمخباته ... وقله لاتطلعها من مخباتك الا اذا رحنا ...

خطأ : لما تكون قاعد في الغرفة تذاكر ويجي احد ويشغل التلفزيون في غرفتك ورافع صوت التلفزيون عالآخر..
تقله قوم يا أخي أبي أراجع..

الصحيح : تقوم تطفي التلفزيون وتسحبه من قميصه وترميه بره الغرفة وترمي عليه الكرسي وتقل له:
(( لين صارت الغرفة غرفتك خذ راحتك )) أو (( قم ادلف لا بارك الله فيك ولا في الساعة اللي شغلت فيها التلفزيون وانا أذاكر ))

خطأ : تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح : تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... ماعمري أحلّق عنده ...

خطأ : تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح : تاخذ لك بلكّه ... وترميها عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وخلص مشواريك... وهم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بصيح ...

خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح : حتى لو انت مو مستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

خطأ: ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح : اول شي تروح تدور دريل بالبيت وبعدين تروح وتصعدله ولا تدق الباب ولا الجرس اضرب الباب بدريل لين يفتح لفتح تفرط علي كبد ابوه الكبد وتحط الدريل براسه وتخ******** براسه لحد تصيرالفتحات بجنب بعض ...

خطأ :متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح : صكه بالصينية ... ولحقه ببياله والا طفاية الدخان ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

الخطأ : إذا انت سهران طول الليل والفجر صليت ونمت يجي احد يصحيك تقول له ان شاء الله قايم

الصحيح : تاخذه وتضربه ضرب وتقول له المرة الجاية استأذن قبل ما تصحين <<< وين صارت بعد هذي ؟؟؟

خطأ:تكتب بعد نهاية اي موضوع تكتبه في االمنتدى ان شاء الله ما طولت عليكم وتجلس اتأسف وكأنك مسوي جريمه

الصحيح :المفروض تكتب اقرواء وانتم ساكتين واذا طولت موضوعي وكيفي والي مو عاجبه لا يقراء

خطأ : إذا قرأت موضوع وما عجبك تروح ترد وتكتب كلام حلو للي كاتب الموضوع في نفسك تقول
(( عن خاطره مسكين لا يتفشل..))

الصحيح : تكتب له اش هالذوق في اختيار المواضيع المرة الجاية نزل مواضيع زي الناس عشان ما أجي أهينك لوجه الله بدون ولا ريال

:36_1_19::36_1_20::36_1_21::36_1_20::36_1_19: :36_1_21: