منتديات بني بحير بلقرن

منتديات بني بحير بلقرن (http://www.binybohair.com/vb/)
-   المواضيع العامة (http://www.binybohair.com/vb/f2/)
-   -   (إذا يعني تضايقنا..!) (http://www.binybohair.com/vb/binybohair31999/)

ج ــود 07-08-2012 01:09 AM

(إذا يعني تضايقنا..!)
 
مدخل .. ~



(.. واذا يعني تضايقنا..!)




واذا يعني تضايقنا..؟
هي الضيقة بتكون الحل..!
اذا كانت شموس الوقت تحرقنا
هي الضيقة بتكون الظل..!!
إذا غابو جميع الناس وتفارقنا
هي الضيقة بتكون الحل.!!









(وإذا يعني تضايقنا..!؟)
مشاكل كثيره تواجهنا تضايقنا تبكينا ...
احياناً تزلزل حياتنا ..
احنا البشر نروح نقوم بالواجب ونزيد الطين بله ..
نخلي من الحبه قبه
حتى احياناً من كثر ما احنا نحب الهم
نروح للهم برجولنا ..
دايم نعطي الاه اكبر من حجمها
دايم نخلي وقت الفرح قصير









(وإذا يعني تضايقنا..!)
من اللاشي
إلى اللاشي
على اللاشي
تخانقنا
وندخل في نوايا الناس
أظن فلان يقصدني..!
أظن السيدة فلانة تسب الآنسة فلانة
عشان العانسة فلانة
(أظن ألناس هني بالحيل تكرهني..!)
ترانا ناس فينا كذب
وغبي منهو يصدقنا






( وإذا يعني تضايقنا..!)



ماعندنا اي ثقه دايم نحس انو احنا المقصودين ..
نحس ان احنا سبب بهذا الشي واحنا واحنا واحنا
نحس ان الكون كله شرير ويخطط علينا
عشان يزيدنا هم ..
نحس ان العالم كلها ماتحبنا
نروح عشان احنا ناس تهمنا الكرامه
وننسحب ونهدم اشياء كانت راح تبقى لنا طول العمر ..
لاننا اغبياء ندخل اشياء باشياء ..
ماعندنا اي تفاؤل ولا عندنا اي عقل ولا طول نظر
نقوم نخلي الدنيا كلها هم بهم ..
حتى المشكله اذا جينا بنحلها
نقوم ننكسها .. فعلاً شي غريب .. نناظر من جهه وحده ومانفكر
لأنا نبي الهم نخرب كل شي ونطرد اي حلوول
تجي براسنا ..
لاننا ناس تحب الهم ..







(واذا يعني تضايقنا..!)
وكثير من التعب ذقنا
وسهرنا الليل
بيجي صبح ويفرقنا
ونبكي سيل
لين الدمع يغرقنا
ولابه شخص في الدنيا بليا هـم
العمر راح نعيشه مره وحده بس !
فليش احنا نشيل هم فوق هم فوق هم
ليه من ابسط مشكله تواجهنا نروح نخلي
الدنيا سسسوداااء
وكأن خلاص بتموت
حتى لو وقفت بساحه القصآص ..
ليه تبكي ليه تندم
ابتسم اضحك انسى همك او ليه تشيل هم
اصلن لان هذي اخر دقايق راح تعيش فيها بالهدنيا ..
ليه نتضايق على الي يسوى والي مايسوى
ليه وليه وليه .. ولا فيه اي جوآب ..
لاننا ناس تحب الهم تحب تكون متكدره
نحب نشتاق للفرحه
صح مانحس بطعم الفرحه الا بعد مانفقدها ..
بس مو معناتها هالمعنى !
توفى شخص .. بكيناه بثلاث ايام
تذكرناه زمن واعوام .. .. طبيعي شخصنا غااالي
بس ماتوقف الدنيا لحد






(وإذا يعني تضايقنا..!)
إذا راحوا وخلونا
نسوا كل الكلام العذب
بكونا
وعرفنا بـيوم بأن كل الحكايه كذب
ملونه ملونه ملونه
وإذا خيم علينا الليل ما أشرقنا
وإذا ضقنا
وصار الحرف حبال في مشانقنا
بعد هذا






(وإذا يعني تضايقنا..!)
راح نقابل بالدنيا كثير ناس " جحاده "
ولأنا نحب الهم نقوم ونعطيهم اكثر
من مستواهم ونشيل هم ونبكي كثير
مع انها ناس ما تستاهل
بس احنا نحب الهم مانفكر






(إذا يعني تضايقنا..!)
وطفينا دروب النوروعتمنا
المدن والدور
ويتمنا شجر وزهور
وكتمنا رقيق شعور
وشتمنا علو السور
عشان اشياء في الأتفه
من الأتفه من الأشياء..!
رجل خاين
"ماهي دوم الرجال تخون..!"
خيانة بنت
"ماهي كل البنات تخون..!"
سبب مؤلم .. وجراح و ااه وبكي لسنين
ونلبس على عيوننا
وعلى عقلنا وعلى دنيانا نضاره سوداء ..
عشان لو لا سمح الله وقابلنا الفرح مانشوفه ..
طبيعي لاننا نحب الهم ..
ونبكي ليه همومي كثااار ليه انا من
بين الناس .. بكيت بعيد ..
ليه انا من بين الناس توفى ابوي ..
غاب حبيب .. وليه وليه وليه ..
ولا نلقى لنا جواب
ولكن جوابنا يبقى
لانا ناس تحب الهم !






(وإذا يعني تضايقنا..!؟)
ومشوا عنا كثير اصحاب وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنا الشيح
بعض فرقا
كثير أكرم من التجريح
بعض فرقا
تجي جية دعا تسبيح
وكثير أصحاب فارقنا ونسيناهم
كأن كانت علاقتنا علاقة وقت!
مصالح وأنتهت ..
نفكر دايم بالساااالب ..
نتفارق ونبكي ويمكن تحصل وننهاااااار ..
عشان فراق .. نتعب ونبقى
بالسراير ولا نحكي ولانبغى نشوف الناس ..
لانا احنا تفرقنا ..
مانفكر بأنا زين تفرقنا ..
ولا جرحنا بعض ..
على الاقل راح تبقى بيننا ذكرى حلوه
كل ما نتذكرها راح نبتسم ونذكر بعض بالخير






(وإذا يعني تضايقنا..!)
وطيرنا فراش النوم
ومسحنا كل الوانه
وإذا سيطر على جوك حزن و وجوم
وبديت تفسر الأشياء على كيفك
كثير اشياء غلط حولك
وجوع الناس
تعبانه
قلق مدري طفش مدري تعب مدري قرف
مدري ترف
مدري من الناس زهقانه
كثير أشياء
تزهقنا






(وإذا يعني تضايقنا..!)
احنا ناس تحب الهم
نحب الكدر نحب الدموع
من الحبه نسوي كوره ارضيه مو قبه وبس
نبكي بلا سبب وبسبب تافه
طيب لو اننا اذكى اشوي
ولو طفشنا وحسينا اننا راح تضيق صدورنا ..
نبتسم لمده خمس دقايق
حتى لو كان مافيه سبب ..
بس الابتسامه تأثر كثير على نفسيتك ..
ولو مر احد من عندك تصير اخذت اجر ..
مو معناته نمنع اي فرحه تجينا ..
بالعكس مفروض احنا ندور الفرح بهذا الوقت .
. ونتصنعه ليين ماتروح ضيقتنا
خلاص جا الوقت الي نصحى فيه
من الكابوس الي مدخلين انفسنا فيه بالغصب !
خلاص العمر مره لازم نعيشه بالطول والعرض
لازم نخلي كل لحظه تمر
وكل دقيقه فيها ابتسامه وضحكه
لازم نعرف شي اسمه تطنيش ..
ونعطي كل شخص على قدره
ما نعطي احد اكثر من مايستاهل ..
لازم نعرف ان
( حتى لو تضايقنا وتكدرنا ومتنا من الضيقه ..
ماراح تفيدنا ابد ابد الا ذا كانت الفايده بالسالب )
لا تقول ابي غصب احزن غصب ..
انت الي تقرر بنفسك اذا هالشي يضايقك او لا
لازم نتجاهل شوي احزاننا لان مافيه اي شي يسوى ..
لو نفكر قبل كل خطوه ..
لو اننا قمنا بعد ماطحنا بدال مانقعد نبكي
كان احنا بخير
" ان سقطت لاتحزن..
مادمت تحاول الوقف على قدميك مره اخرى "
لازم يكون عندنا امل .. تفاؤل ..
ولازم نعرف كيف نبتسم
عشان تبتسم لنا الحياه =)
ضيقتنا ماراح تقدم ولا تأخر اي شي ..
كل شي مكتوب .. والمفروض
نرضى وتقبلها بكل ابتسامه
ترا مافيه احد تهمه ضحكتك غيرك
لذا اضحك
ولا ترمي بذور الشر في خيرك ..
لذا اضحك !
ابتسموا .. ترا العمر مره ~



واذا يعني تضايقنا



واذا يعني تضايقنا


واذا يعني تضايقنا








مخرج ~
إذا هذا الزمن لبسك ثياب في يوم مو قدك
بتحط أيدك على خدك
وتبكي حيل
اذا هذا البحر ضيق ولا يقدر يمدك
بتحط إيدك على خدك
وتبكي حيل
إذا خدك طبع حزنه على يدك
وعرفنا كل شي
واذايعني تضايقنا




المستحيلـ 07-08-2012 01:22 AM

رد: (إذا يعني تضايقنا..!)
 
طرح في قمه الروعه شكرا لك

الفجر البعيـد 07-08-2012 01:54 AM

رد: (إذا يعني تضايقنا..!)
 


_

طبيعة البشر , تتضآيق من صغآئر الاشيآء , آستحالة احد يكون مُجبر ع الضيقة

موضوعك جميل شدني , تقييم لَ عيونك

عون القصـاص 07-08-2012 02:10 AM

رد: (إذا يعني تضايقنا..!)
 
أحسنتي و أبدعتي

طرح راقي جدآ . ومفيد

يعطيك العافية على هذا المجهود

أستمري

ذكريات 07-08-2012 02:20 AM

رد: (إذا يعني تضايقنا..!)
 
لا يرغب احد في ان يكون متضايقآ

لايرغب احد أن يكون فقيرآ

لايرغب احد في ان يكون مريضآ

ولكنها الدنيا ... طبعت على كدر تصفو احيانآ ولاتخلو

من المنغصات

طرح موفق سلمتي

تــرف 07-08-2012 02:38 AM

رد: (إذا يعني تضايقنا..!)
 
طرح جميل بجمآل ذآئقتك
سلمتي حبيبتي
تستآهلي تقييم
*

ج ــود 07-08-2012 02:41 AM

رد: (إذا يعني تضايقنا..!)
 
اقتباس:

المشاركة الأصلية كتبت بواسطة المستحيل (المشاركة 232248)
طرح في قمه الروعه شكرا لك

اسعدني مروركك في صفحتي
؛

ج ــود 07-08-2012 02:43 AM

رد: (إذا يعني تضايقنا..!)
 
اقتباس:

المشاركة الأصلية كتبت بواسطة الفجر البعيـد (المشاركة 232253)

_

طبيعة البشر , تتضآيق من صغآئر الاشيآء , آستحالة احد يكون مُجبر ع الضيقة

موضوعك جميل شدني , تقييم لَ عيونك

يسلموو
اسعدني مروركك في صفحتي
؛
دمتي


الساعة الآن 11:45 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن


1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75