منتديات بني بحير بلقرن - ||كثير من الوجع أبيض.

[ صمت ] ::

|| .. الليل صمت وخاطر البوح مرتاب
............. كنّ الكـلام يخاف يلمس جروحي
.
من كثر مـا غنيت لليـل غيّاب
............. احتجت ألاقي في المواويل روحي

سما .. خوف الكلام اللي جرح هذا الحديث أنفـاس
.................... ..... بقايا الصوت من ضيقة عتـاب و غيبة أحبابي
.
سؤالٍ كـل مـا يطري يطير من الجفون نـعـاس
.................... ..... من اللي قبل ما يرحل ترك فقده على بـابي ؟!
.
متى صار التعب صوتي ؟! و هي هذي وجيه الناس
.................... ..... حضرت من التعب فيها و أنا الحاضر من غيابي
.
يا كـل الفقد من بدري غـصـون المغفرة يبّـاس
.................... ...... هنا الأصفر خذا شكل المـلام و جفف عتـابي
.
أحس إني وحيـد أكثر من أية وحـدة و إحسـاس
.................... .... أخاف اضيع في الوحدة من الوحدة على مـا بي
.
يا آخر صمـت في صدري كأن الحـزن له حرّاس
.................... ...... و كنّـي لا تنهـدتك يردونـك و أنـا مـابي
.
كذا صار الوطن غربـة من الغربـة و لا ينـدّاس
.................... ...... أحـد ماله أحـد حتى ثيـابي مـاهي ثيـابي
.
نحلت و ما رحـل ليلٍ مـلا هذا السهر وسـواس
.................... ...... و لا ردوا مواويلي وهي توصـل لـ غيّـابي
.
كثير من الوجع أبيض .. كثير من الخضار إفلاس
.................... ...... كثير اللي بعد غابـوا خطـاويهم على تـرابي
.
أنـا لي حزن ما يفنى ورا هـذا السؤال أنفـاس
.................... ... من اللي قبل ما يرحل ترك فقده على بـابي ؟!
.................... ... من اللي قبل ما يرحل ترك فقده على بـابي ؟!
.................... ... من اللي قبل ما يرحل ترك فقده على بـابي ؟!

[ براءه ] ::

وجه الكلام أكثر براءة من الصمت ............
و فـ صمتي أكثر من كلام البراءة
.
أقول أنا مهموم ؟! نعسان ؟! مانمت ؟! .......
أقول أخيط من التوجس إضاءة ؟!
.
على شفاه الفكرة المتعبة صِمـتْ ...........
وكان النهار أقصر و كنت ارتماءه

كل ماكان هنا للأنيق : هاني الفرحان