التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا | تهنئة تخرج " إياد مبارك احمد جمعان " من جامعة الإمام عبدالرحمن بن فيصل تخصص ( طب طوارئ) بقلم : علي بن قحمان القرني | الرهيب |
« آخـــر الـــمـــشـــاركــــات » |
ملتقى بنى بحير بلقرن للشعر الشعبي قصائد الشعر الشعبي ( العامي) بجميع لهجات البلدان العربية .والمحاورات الشعرية الشعبية. |
الإهداءات |
| LinkBack | أدوات الموضوع |
10-15-2012, 01:32 AM | #1 |
| يا ذا الجلال يا ذا الجلال اللي عروشك فوق وأملاكك حدر = ومهما تسامت به عروشه مستحيل يطولها يا حي يا قيوم يا ذا الأنافة والكبر = ما نافسك في عظمتك مكر العباد وهولها وما نافسك من عمر بيوته على سطح القمر = واللي ترسي فوق أقاليم المياه اسطولها ما أنت بحاجة من عبد ولا بحاجة من كفر = ولا بحاجة ثابت الدنيا ولا منقولها أنت السميع لمن حمد وأنت المزيد لمن شكر = واللي ما يشكر نعمة المنعم عليه تزولها يا ذا الجبروت العظيم ويا القدير المقتدر = تفزع لنا في معضلات (ن) ما نريس حلولها تلعب بنا خلان فرقتنا كما لعب الكور = إن أقبلت صاحوا لها وإن دبرت صاحوا لها لا هبنا الطايف بعض الأحيان في فية عصر = شهب الليالي من ورانا يسحبن ذيولها أنت السلام اللي لك الإسلام وأنت المشمخر = اللي عجايب قدرتك في المعجبين ذهولها سلام يا محمد رسول الله راعي الوجه الأغر = وسلام يا روح (ن) ملائكة السماء صلوا لها سلام يا أبو بكر يا عثمان يا علي وعمر = وسلام يا سبع الآفاق أطلالها وسفولها سلام يا صدق النوى سلام يا وسع الصدر = سلام يا مفتاح بيبان الفرج وقفولها وسلام يا شمس الضحى تشرق على بر وبحر = وتشرق على كل الديار جبالها وسهولها وسلام يا غر السحاب اللي تبجح بالمطر = وشم الجبال اللي تبجح بالسحاب قذولها وسلام يا هوج الرياح اللي عطاها مستمر = مهما خذوا منها من الحسنات ما ردوا لها ليت الرحاب اللي لنا بوجيهها حق وقدر = ما تضمحل من الزمان ولا نشوف سمولها وياليتنا لا ما سرحنا اليوم الأبيض من فجر = تبطي عبات الليل ما تضفي عليه سدولها وإلا ليا منها ضفن سدولها يطلع بدر = ياصل ضياه اللي على الكوره تطق طبولها المعتبر ياخذ على الدنيا دروس من العبر = والناس يكسبها معاملها بقد عقولها أحيان تصدف لعبة الشاطر مع غلطة عمر = مره لكن لا عدت الغلطه ما عاد ينولها حنا عرفنا كلنا ما طال من شيئ (ن) قصر = والأحلام ماتوا قبلنا شرهين ما وصلوا لها حتى الجمال اللي تحملها الهقاوي بالصبر = يالله بحملتها تقوم وتدرج بحمولها والحب سيسان العباده والعباده بالجهر = إن ما قدرت تقولها وجه الصحيح يقولها يسرون عميان المحبه تيه في غدرا الغدر = للي تحد سيوفها واللي تعن خيولها ولا تفكر في غناة ولا تفكر في فقر = وتشفع لبيضان الصدور حظوظها وفعولها وأهل التكلف بالمعرفه والتصنع بالبشر = والله ما هي حول الصحيح ولا الصحيح بحولها اللي يفضل ما يقيم بو مية من بو عشر = حتى الفضوليه عن الفاضل بطل مفعولها اللي تخبره لحيته ذا طولها يصبح بزر = واللي تخبره بزر يصبح لحيته ذا طولها منقول وأنتم سالمون وغانمون والسلام . لــ سعد بن جدلان المصدر: منتديات بني بحير بلقرن dh `h hg[ghg hgplhl |
10-15-2012, 08:21 AM | #2 |
مراقب | رد: يا ذا الجلال سلام يا محمد رسول الله راعي الوجه الأغر = وسلام يا روح (ن) ملائكة السماء صلوا لها سلام يا أبو بكر يا عثمان يا علي وعمر = وسلام يا سبع الآفاق أطلالها وسفولها صح لسان شاعرها و لا هان منطوقه احسنت و ابدعت ياذكريات يعطيك العافية .... استمر |
الذين يشاهدون محتوى الموضوع الآن : 1 ( الأعضاء 0 والزوار 1) | |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
:: إجلال ذي الجلال .... | ابومرام | المواضيع الاسلامية | 2 | 10-30-2010 07:48 PM |
البحث عن الجمال | سواليف عطر | مملكة حواء | 1 | 02-09-2010 02:46 AM |
مصاص الدماء | الزعيم الملكي | منتدى بني بحير بلقرن للقصص والروايات | 3 | 01-13-2010 12:23 AM |
إيه ياسرب الحمام | بنت الجنوب | الصوتيات الاسلامية | 5 | 10-02-2009 04:08 AM |
ملف في غاية الجمال | الهيف | المواضيع الاسلامية | 9 | 05-17-2009 01:11 AM |
Rss Rss 2.0 Html Xml Sitemap دليل المنتديات