|
تكفون يا أهل الرأي من فيكم أنخاه .. من فيكم إلي وإن شكيت إشتكي له .. طالت دروبي والزمن طال مسراه ............................. والوقت موحش والمسافه طويله أشكي وقلبي يشتكي حر ما جاه ............................ ولاني على شوق الولايف وسيله هكذا بدأ الشاعر خالد البذال قصيدتة التي سمعتها اليوم مغنّاه فأثرت فيني تأثير كبير .. حتى وصل الشاعر إلى هذا البيت .. تكفون يا أهل الرأي من فيكم أنخاه ...............................من فيكم إلي وإن شكيت أشتكي له روحي طواها الياس والبعد ماقواه .................................. والحال من فرقى حبايب نحيلة فأبت القريحة لدّي إلا أن أرد على الشاعر خالد البذال برد متواضع أتمنى أن يرتقي للقصيده الأساسية وأن أستطيع ولو بالقليل مجاراتها .. وبدل ما أشور على خالد لقيت نفسي أشتكي له . وأنا أوجه نفس البيت للي يبغى يرد لأني بالفعل نخاني الشاعر وما قدرت للأسف .. الرد .. حي الله الي بالنبا جاه ما جاه .........................من حر قلبه يشتكي لي خليله والله ما في هالخلايق محيّاه ........................... يبطون يا خالد ندور بديله الضيم ضيم القلب والشوق حياه ..................... وأحترت أداوي علتك في وسيله الشور يا خالد تصّبر بذكراه .................... وأنزف على الذكرى دموع بشيله وإصبر بصبري كلما هام مسراه ................... وإحبس وريد في المحبه يجي له ذكّرت قلبي بالهوى يوم فرقاه ................ .. وأحترت أسامر دمعتي في مخيله وذكرتني صوته ورسمت ثناياه ................... ومكياجه الوردي ومشط الجديلة وشلون بأنسى عشرته كيف بأزراه ..................... والدم يجري بإسمه إلي يشيله وشلون بأقسى في محبته وأنساه ...................... والقلب هايم يحتري هم ويله ودي أعيشه وأندفن في حشاياه ....................... ودي أضمه وأهتينها حليله ودي أشوفه قبل موتي وألقاه ..................... وأرد قلبه بعد ما أخلا سبيله ودي وودي لكن الود أواه .................... ودي وودي لكن الشوق غيله والوقت خاين والزمن يحتمي الآه .................... والشوق رمّد في حشايه بكيله والشور يتّم في الحنايا وما قواه ................ .. والحيل خيّب قومتي يوم أحيله روحت لك قافي على جمر طرياه .............. .. وأصبحت أنا الشاكي وخالد دليله أتمنى تنال اعجابكم |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. صح لسانك ياخوي فهد ويعطيك الف الف عافيه موضوع رااائع وجهود أروع ننتظر مزيدكم بشوووق |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. اسعدني مرورك |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. فهد الغامدي .... المصاحب الاول لفئة التميز والابداع .... " أن معجب جدآ بثقافتك الادبية " .... ماشاء الله تبارك الله صح لسانك ..." يا صديقي " ..... فأنت بالفعل مكسب لمنتديات بني بحير راق لي ما شاهدته في هذا المتصفح ... " الانيق " يعطيك العافية ....... استمر تستحق التقييم |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. اقتباس:
اللع يعطيك العافية لك ودي وشكري وتقديري اسعدني مرورك |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. وانا مني هذه المشاركة: يا فهد خالد يشتكي حر بلواه لكن ردك زاد طينه بليله والله ما ادري كيف ينحل ما جاه مصابه اقوى من سيوف صقيله لكن وين الصبر لا حل طرياه لازم تصبر لان في الصبر حيله يا صاحبي لا تنشغل بالمناجاه وتبقى طوال الدهر معدوم حيله غير حياتك وابتد بشي ترضاه وخله لشغل الوقت عندك وسيله انا ادري انه لا طرى يوم ذكراه يهيض جروح قديمه دميله لكن كلامي واضح في مبداه خلك صبور بحب ضافي الجديل وسلامتكم |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. اقتباس:
يسلمو اسعدني مرورك |
رد: تكفون يا أهل الرأي من فيكم أنخاه .. من فيكم إلي وإن شكيت إشتكي له .. ليس هناك اي دقة يا صاحبي لكن هذه ضرورة شعرية ومعناها انك بردك زدت الطين بله كما يقولون هو يشتكي مما فيه وانت اشتكيت ايضا من نفس الداء فزودت جروح الرجل وكل يعاني مما تعانيان منه واعتذر اذا كنت فهمت من ردي غير المقصود منه فنحن اولاً وأخيرا نعبر وليس بيني وبينك سابق معرفة او ثأر او مطالب والحمد لله فلماذا تكون دقة محترمة ارجو ان اكون قد وفقت في ايضاح ذلك واذا لم يطيب لك ردي فاعتذر مرة اخرى وعلى القوة |
| الساعة الآن 07:47 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 PL2
ارشفة ودعم SALEM ALSHMRANI
F.T.G.Y 3.0 BY: D-sAb.NeT © 2011
جميع الحقوق محفوظة لمنتديات بني بحير بلقرن