منتديات بني بحير بلقرن - عفوا – يا الغالية سامحيني

مدري ..
هي هواجس .. والّا خواطر .. والّا حقيقة ..
والّا قاعد اسبح في الخيال
مدري ..
انا جالس .. والّا واقف .. والّا نايم ..
والّا خاواني الهبال
مدري ..
هو ذا مكان ..
مدري ..
وقف هـ الزمان
مدري ..
هذي هي حياة ..
والّا هذي ساعة زوال
مدري انا في ذا المكان ..
او هناك
مدري انا في أي مجال
مدري ..
انا في هــ ، الوجود ..
مدري انا في العدم .. والا بفضاء ..
والّا في لحظة سؤال
ما عاد اميّز ....
مدري ذا بياض ..
او سواد ..
يمكن من انواع الرماد ..
والّا هذا شيء محال
مدري ..
انا داخلي .. والا نفسي داخلك ..
والّا صرنا في لحظة ذبول
مدري ..
هذا شجر ..
وهذي مويه في نهر ..
و هذا حجر ..
والّا هي لحظات الذهول
مدري ..
انت بشر ..
او من قوم جان ..
او يمكن .. ملاك ..
والّا انت ورده مزروعه في ذيك السهول
مدري ..
انت مغمضة .. او نايمه ..
والّا انت في طبعك خجول
مدري ..
انت واقفة .. او ماشية ..
والّا انت طالعه ..
او في لحظة نزول
مدري ..
انا صرت في امري كذا ..
والّا في امري كذاك ..
او صرت كلي في زمنك ..
والّا في وقت مهول
مدري ..
هي انت كذا ..
والّا بجمالك تستهبلين ..
مدري ..
انا فكري كذا..
والّا في امري جهول
مدري..
انت سحرتي ناظري ..
مدري ..
انت عندك تمتمه ..
والّا تعرفين علم الحواة وفن الشمول
مدري ..
مبسمك مخلوق كذا ..
او في داخله لمسة سحر ..
ومدري ..
انفاسك كذا ..
والّا مخلوطة بشوية عطر ..
مدري انت كذا ..
والا صايبنى خفه وذهول
مدري ..
ليش قلبي يرقع رقع
مدري ..
هو طبيعي والّا شيء يمكن يقع
مدري ..
ليش انفاسي مسرعة ..
والّا صدري ما فيه سعة ..
مدري ..
فمي انا مسكرة ..
والا فاهي ومشرعة ..
مدري ..
عيوني مبققه ..
والّا صارت متقوقعه ..
شكلي خاواني الهبال ..
وصاير اشوف انواع الخيال
بس مدري ..
ودي المسك ..
ثم احضنك
واتأكد انك حقيقة منت خيال
ومدري ..
انت بتسمحين ..
والا تتركيني في الهبال
وان ما سمحتي المسك .. احضنك
راح اعذرك ..
والعذر عندي .. اخلي لك مجال
انك تلمسيني .. وتحضنيني .. وتفحصين كل المكان
وتتأكدي اني ماني خيال
عفوا – يا الغالية سامحيني http://forum.te3p.com/images/smilies/2009/t024.gif –
ترى هذي ساعة هبال ،،،،