منتديات بني بحير بلقرن - أعتذر من الجميع أنا ولد مو بنت ..

منتديات بني بحير بلقرن (http://www.binybohair.com/vb/)

- المواضيع العامة (http://www.binybohair.com/vb/f2/)

- - أعتذر من الجميع أنا ولد مو بنت .. (http://www.binybohair.com/vb/binybohair35370/)

أعتذر من الجميع أنا ولد مو بنت ..

السلام عليكم ورحمة الله وبركاته ..
اقرأو الموضوع إلى النهاية ,,

اقدم اعتـــــــــــذاري الشديد لكل اعضاء منتدى بني بحير

..

أخـــوتي أعتذر منكم جميعا واتمنى أن تقبلو اعتـــذاري..

أنا آسف لأني تواجدت وتواصلت معكم لفتره ليست بالبسيطه بهذا

اللقب وهو لقب .جنوبيه وافتخر

..

بس انا للأســـــــــــف ولد مو بنت..

انا ادري انه صعب عليكم تســـــامحوني لأني خدعتكم جميعا..

وخصوصا البنات تواصـــلت ، وســـولفت ، وضحـــكت

معهن وطبعا هن

بادلني نفس الشي لأنهن على نياتهن يعتقدن اني صادق واني بنت ..

تكفون سامحوني وادعوا لي ان الله يسامحني ويغفر لي ذنبي

وبإذن الله راح يكون هذا آخر تواجد لي بهذا اللقــــــــب ..

بس إن شاء الله بافتح معكم صفحه جديده واتواصل معكم بلقب مـــذكر جديد

لأني احببتكم في الله وتعلقت فيكم هذا طبعا إذا قبلتوني بينكم من جديد..

طلـــــــــــــــب اخير..
إذا ماتقدرون تسامحوني لاتدعون علي لأن اللي فيني مكفيني وزياده

دمتــــــــــــــــم بود..

مساء\صباح الخير على الجميع ..

أخــــــــــــي ......... أخـــــــــتي

كيف بتكون ردت فعـــــلك إذا قريت موضوع مثل كذا ســـواء كان

من بنـــــــــت او ولــــــد..

بتسامحه وتنسى كذبته عليك وتبدا معه صفحه جديده وإلا لا ؟؟؟

وهل راح تكون فيه ثقه بينكم بعد كذا وإلا لا ؟؟؟

طبعا هذه ظاهره انتشرت في كثير من المنتديات وهي ان بعض الأولاد

يسجلون بأسماء بنات ويضحكون على البنات ويستدرجونهم ويمكن توصل مع

بعض البنات انها تثق ثقه عمياء في هذا الشخص لدرجة انها تعطيه رقمها او

ايميلها هذا غير معلوماتها الشخصيه وبعد كذا يقول لها بكل بساطه انا ولد واسف

اني كذبت عليك بس انا حبيتك وتعلقت فيك وغيرها من هالكلام...

وللأســـــــــــف بعض البنات يصدقونهم..

وحتى ماأكون ظالمه

مو بس الشباب هم اللي يسجلون بألقاب بنات

يصير بعد العكــــــس وهو ان البنات يدخلن بألقاب اولاد ..

ولا تقولون لي مستحيل ومافيه والله ثم والله اني اعرف بنات

مسجلات بألقاب اولاد في بعض المنتديات الاسلاميه للأسف..

وعذرها إذا كلمتها انها ماتاخد وتعطي مع الشباب وإذا تكلمت معهم تكلم بأدب

وحدود بس انها دخلت بلقب ذكر لأنها حابه تتواصل مع المنشد الفلاني او المذيع

ومو قادره تتواصل معه بلقب بنت..

لأنه وبكل بساطه وعلى حد قولها انه مايرد عليها وماعطيها وجه

او انه يكون ثقيل و رسمي معها بزياده وهذا اللي ماتبيه لانها حابه تعرف

عنه اشياء كثيره وبكذا تستغفل المنشدين والمذيعين وتسولف معهم وتسألهم

وهم طبعا على نياتهم يتكلمون معها على انها ولد وشفت انا بعيني بعض ردود

احد المنشدين عليها مطيح الميانه بينهم على انها ولد ومن المؤسف جدا ان

هالظاهره انتشرت في منتدياتنا والمشكله انهم ناس واعين وفاهمين

واكيد انهم عارفين ان كل كلمه او حرف يخطه في عالم النت بيقعد شاهد عليه إلى

يوم القيامه وعارفين بعد ان اعذارهم هذي اللي يختلقونها ويبررون بها افعالهم

ماراح تنفعهم في يوم لاينفع فيه لا مال ولا بنون بس للاسف ناس ماعندهم مخافه

من خالقهم الذي يطلع على كل صغيره وكبيره يفعلونها

اعتذر اخوتي إذا اطـــــــــــلت عليكم

بس لاحد يصــــــــــــــدقها انا بنـــــــــــــــــــــــت

ارجووو التفاااعل من الجميع..

دمتــــــــــــــــم بود

أختكم

جنوبيه وافتخر

م/ن