نزار قباني في الشعر النبطي
 

من عرفتك كل شي(ن) في حياتي له طعم
من عرفتك ذيب حزني ماخبرته قد عوى

يااحلى ماشافت عيوني ف العرب قبل العجم
لوشربتك كاس عشق وشوق قلبي ماروى

انتي حلم(ن)في حقيقه ياحقيقه في حلم
شاعرك يابنت ماقد سار في درب الهوى

لين شفتك يالظبي في نص لفته مبتسم
يارسالة عشق وامداني قريت المحتوى

طحت في بحر الهوى...من طاح قالو ماسلم
واشتعل صدري كما التنور من نار الجوى

انتي اعذب من قصيدة عشق واحلى من النغم
والله انك جرح قلبي ياحبيبي والدوى

ليت( يالقباني)من شعرك لنا حظ وقسم
كان ابوصف حسن من قلبي ف حبه انكوى

خاف ربك ياغناتي قلبي ماهو من صنم
ماقوى( قيس الملوح)حب( ليلى) ماقوى

فيه شي..من السعاده..فيه شي من الالم
فيه شي.. من اجتماع..وفيه شي من النوى

هذا حال الحب ياللي خابرينه من قدم
ماتغير ف الزمن هذا وفي وقت انطوى

من عرفتك كل جرح(ن)في خفوقي ملتئم
من عرفتك وانتي شوقي واشتياقي والهوى

شعر: عبدالله سحيم القرني

رد: نزار قباني في الشعر النبطي
 

رد: نزار قباني في الشعر النبطي
 

صح الله السانك.. عسى مابه اخﻻف
جتني تخط الرمل جدا خجوله

نهر الثنا والشكر من راس مشراف
متدفق(ن) والخبت يحيي محوله

اشوف من هبلي من النهر مغراف
ماهي بهي ياهل الشرف والرجوله

بوزيد ياراعي العداله واﻹنصاف
ورد الشيم مابغاه يعلن ذبوله

ﻻهنت يابوزيد يانسل اﻷشراف
ياللي لكم في المجد صوله وجوله

وحياة من نزل تبارك واﻷعراف
امزح معك والعرف عندي اصوله

والقاف مايصعب على باني القاف
والشعر اجيده من سنين الطفوله

شعر:عبدالله سحيم القرني


هذي مداعبه بسيطه لخوي الشاعر ابوزيد
ويشهدالله سبحانه وتعالى انه مافي الخاطر شي يعني ﻻحد يفهمها غلط.
واشكره جزيل الشكر على مروره العطر