منتديات بني بحير بلقرن

برق اﻷمل في غيمة الياس رفا
عساه يبطي في ربيعه وصيفه

كم ودي اشبع ناظري.. .واتشفا
في لمعة البراق ساعة رفيفه

ان جاك براق الاماني .. وقفى
شافت عيونك في محياه شيفه

سهران برق السعد ماغض طرفا
والرعد يرزم والسحايب كثيفه

وراجع الذكرى مع طاري الفى
لفاني الطاري مع البرق كيفه

تكفى وجاني ياسنا البرق تكفى
طاري من الماضي وذكرى لطيفه

إرسل مع المزنه من الشوق ظرفا
إرحم وليف(ن).. خافقه مع . .وليفه

ظرف(ن) به ارساله ياشوقي تزفا
من خافقي رغم الظروف المخيفه

تثقل بي اشواقي ومره تخفا
اثر المحبه ..ياسحابه... كليفه

هرج العواذل طعن سيفن وشلفا
والصد درعي عن رماحه وسيفه

عساك يانهر العواذل تجفا
ماجف وادي نجد وادي حنيفه

واكتب حنين الشوق شعرن مقفا
يقراه محبوبي ليا مر طيفه

عسفت مهر الشعر لرضاه عسفا
واضحت بميدان القوافي عسيفه

شعر:عبدالله سحيم القرني