تجارب الحياه مدرسه
 

المرجله (عد) ياراوي وضاميها
ورد على جمته واصحك تغثربها

ورد حبالك بيامنها وشاميها
اﻷرض ربي مذلل لك مناكبها

الناس بفعالها ماهي بساميها
لو طالت ابشوتها وﻻ شواربها

ادري بسمحيها واعرف مظاميها
وايامنا مدرسه كبرى تجاربها

احذر صديق (ن) يكحلها ويعيمها
واحذر طريق (ن) تراقص لك عقاربها

بعض العرب رفقته ماني بكاميها
كذا من الله ولو عليت مناصبها

ماهي بتنفعك ياحضرت (محاميها)
خل (الدعاوي) تعنس في مكاتبها

وبعض العرب رفقته تزهر نواميها
تجارة (ن) ماتشوف إﻻ مكاسبها

رفقته مثل الحرار اللي تحاميها
عن صلف اﻷيام والدنيا مراقبها

نوادر(ن) تصدم الصيده وتدميها
جاك العشى جاك من حامي مخالبها

والناس بفعالها ماهي بساميها
لو طالت ابشوتها وﻻ شواربها

شعر: عبدالله سحيم القرني

رد: تجارب الحياه مدرسه