منتديات بني بحير بلقرن

الفكر غيمه والورق خدة القاع
بالله يالغيمه على القاع هلي

اي والله اني فيك يالمزن طماع
القاع حارقه العطش والتغلي

اروي ضمى قلبن من الهم ملتاع
طلي على صحرا الورق واستهلي

برق الهوى في غيمة الفكر ﻻماع
عساك ي قحط القوافي مولي

عسى ربيع الشعر بالوسم رجاع
وافرح على وسمه وارحب واهلي

واجعل قصيدي ﻻريش العين مرباع
اصﻻ شمال القلب مرباع خلي

ربع بقلبن لك على الدوم مطواع
يهناك قلبن فالهوا مسفهلي

دق الوتد والطنب ي زين اﻻطباع
شمال قلبي لك ربيعن مسلي

فيه الخزامى والنفل فيه نعناع
في روضة اشواق المحبه تجلي

وارحم خفوق اللي على درب اﻻسناع
ﻻرضاك ياما تل اﻻقدام تلي

ﻻتشرح اﻻوضاع ي كل اﻻوضاع
مدام دلك فالهوا مثل دلي

وﻻ ترى يوم اعتلي روس اﻻرياع
ﻻجل التدواي بالشعر والتسلي

شعر:عبدالله سحيم القرني