منتديات بني بحير بلقرن

الشعر بحرن والبحر ماله قياس
ناسن يحوفونه وناسن يغوصون

الشعر يبجس فالجزيره تبجاس
بالخص في شبه الجزيره له الصون

اشيوخ نجد محققت كل نوماس
اشعارهم تشدا قصورن لها اركون

البدر والفيصل كما حد اﻻمواس
اشعارهم تشبه بروقن على مزون

شعر السديري واللويحان نبراس
والشيخ بن لعبون واشعار بن عون

والقاضي محمد قصيده على ساس
شعرن على مبنا ومعنا وموزون

وبن سبيل شاعرن له تمراس
فالشعر واشعاره كما الدر مكنون

والشاعر بن عمير زبن الذي جاس
شبه الجزيره والعرب به يشيدون

والشيخ ابن حثلين له عز مجﻻس
فالمجد واشعاره بها الناس يثنون

والناصر احمد منه اﻻشعار مقباس
تضئ درب اللي مع الجزل يمشون

والشاعر بن سرور مابين اﻻقواس
(متنبي عتيبه) ولشعاره فنون

وعد بن هذال للمعرفه راس
شاعر وطن شعره مع المجد مقرون

واشعار بن جدﻻن يجلن اﻻعماس
تسري بها الركبان والعلم مضمون

واليوم ارى الشعار من كل اﻻجناس
ناسن يودونه وناسن يجيبون

الشعر اشوفه يضرب اخماس واسداس
من عقب ماهو عاقلن صار مجنون

يامدعين الشعر والشعر منحاس
عقيمة اﻻفكار والعقم تدرون

عقم الفكر ماله طبابه مع الناس
مافات مات وسيف اﻻنصاف مسنون

اشعار جيلي فالدواوين ﻻباس
انا اشهد انهم فاللوازم يسدون

الكفو منهم كنه الطير قرناس
اليا حضر في منبر الشعر دندون

تستنجد تهامه وانا الترس والطاس
وانا لها الفزعه وانا السيف والعون

عنيت ياتهامه على قب اﻻفراس
جيتك بطل مارضى لك الذل والهون

الشعر فتهامه كسيناه بلباس
من عقب ماهو عاري البطن ومتون

ون عمست اﻻريا واﻻرياق يباس
انا لها فتهامه ان كان توحون

واختامها كلمه تدون بقرطاس
اقصدبها اللي فالمواقف يسمون

للكيف شرابه وللبن محماس
هذا الصحيح وقولوا اللي تقولون

شعر : عبدالله سحيم القرني