أرض الحرمين
 

أبدا القصيده وقلبي ماشكى الحيره
قصيدتي قافيتها تنتهي بشها

اجسر على موقفي والقلب تجسيره
من قبل عشرين عمري يوم طاعشها

انا الذي ﻻفخر بالشعر تعبيره
يروق للانس حتى الجن يدهشها

الشعر اﻻسطبل واعسف مهر ومهيره
سرجت اصايله يامسرج كدايشها

واليوم ﻻجل الوطن عينت تضميره
في مهر شعرن وسرجي من عكارشها

المملكه دارنا اللي مالنا غيره
اﻻمن وايمانها نعمه نعايشها

بو متعب القايد اللي مرهين خيره
يشهد مقيم السعوديه وطارشها

ندعي ﻻبو متعب اللي طيب السيره
جوف الليالي وندعي في مغابشها

في طولة العمر واحفظ ربي الديره
ديرة هل العز غيم السعد راششها

سلمان يالسيف اﻻجرب وقت تشهيره
ياساطي الحد والعدوان يبطشها

ضرغام قايد ليا حرك طوابيره
تزلزل احبال في حزة مداقشها

الشعب شعب الوﻻ والدار تقديره
يجري بمجرى الدما والروح ينعشها

ﻻن الوطن في سويدا القلب توقيره
ماهو مجرد دراديشن ندردشها

يامسمع الكون ياصافي نواظيره
امجادنا فوق هام الجدي مفرشها

يالحوثي اﻻمعه يابايع الجيره
يابايع الدين في دنيا تناوشها

يالرافضي يانجس فكره وتفكيره
نبطل حججكم ليا جينا نناقشها

ايرانك الحيه الرقطى لها الميره
ناطى على راسها نحرق عرايشها

واحنا هل المجد والتوحيد والغيره
وقفاتنا للشرف محدن يهمشها

احنا ليوث الوغى يوم انت خنزيره
تسقيك المنيه لو تهاوشها

أوكار اﻻوباش فيها نشعل النيره
فالفرس في رومها فنذال احابشها

بأرض الحرمين حنا ذخر وذخيره
ماخوفتنا النصيريه وداعشها

شعر/عبدالله سحيم القرني

رد: أرض الحرمين
 

رد: أرض الحرمين
 

سلمت يمناك وصح لسانك
ابدعت وكلماتك فاقت الابداع
ووطنا وابومتعب يستاهلون

رد: أرض الحرمين
 

كلمات تشهد ع محٌب ل هذا الوطن حكومة وشعبا
صح منطوقك ولاهنت
تحيتي

رد: أرض الحرمين
 

رد: أرض الحرمين
 

"الطارقي"
لله درك ..
أبدعت وتألقت ..
سلمت لنا يمناك على كل حرف خطته هنا ..
وعلى كل كلمة رسمتها ..
عذرا,, لتقبل عباراتي المتواضعة ..
فلم اجد الحروف التي تليق بسمو قلمك المبدع ..
التي قد تلملم ردا يناسب روعة ما قدمته لنا شعر ا في ارض الحرمين ..
لك ودي وجل تقديري ..

رد: أرض الحرمين
 

صحت ابداااانكم جميعاً وصحت قلوبكم

لو كتبت الشعر من ماء العيون
مانوفي حقكم يابني بحير

المرور اعذب من ارذاذ المزون
البحيري فالوفا ماله خشير