منتديات بني بحير بلقرن - موجهة ﻻحد الشعراء

ماني على الزﻻت ياخوك محدود
دور لغيري واتبعه في طريقه

احشم لساني عن خطيه ومنقود
كل" يشجع يازميلي فريقه

يا أبى عليه الله ومثلي على الكود
صبار مايخشى الدروب العويقه

اما مسير الساق للعز والفود
وﻻ كسرته يالوجيه الطليقه

البخت ماياجي من الناس مقرود
لو كان في بابه وعينه تويقه

اللي يرافقنا على العز والجود
نوقف معه وقف الرجال العريقه

واللي يحاربنا له القبر ملحود
ارميه واشعل في عظامه حريقه

الله جعل في خلقه اسياد وجنود
والله فرق بين الشقيق وشقيقه

ترا الدها ورث الولد منهج العود
هذا قصيدي والمعاني عميقه

للمجد قلعه دونها الباب مردود
يابعدها بعد اليمن عن غميقه

عن شاربك والحق تاقف له بدود
ماهي تدرقه الجبال الدريقه

ماني وانا ابن سحيم غصن" مع النود
ميل معه بالثانيه والدقيقه

على السليقه ﻻتراقص مع الزود
خلك عليها ﻻتصد السليقه

الله يرحم شخص ماعنه منشود
يدري بقدره مايخالف طريقه

ياغيمة اشعاري وفي عرضها رعود
برقك على الغاوي ﻻيضعف بريقه

شعر / عبدالله سحيم القرني