منتديات بني بحير بلقرن

يالهاشلي وينك من العام غايب
وش آخر اﻻخبار ياطيب الذات

السدو وينه عن ظهور النجايب
ياهجن هل حايل ياهجن الشرارت

الورع في هذا الزمن صار شايب
الله على دنيا كثيرة متاهات

الهجر قبر" والتجاهل نصايب
يكم دفن فيه من اﻻحبه وفيات

ياما دفعنا من وراهم ضرايب
ياما قطعنا من وراهم عﻻقات

هذاك يشتمنا بﻻيا سبايب
عقرب غدر بلواه فوق البﻻيات

وفﻻن يطلبنا عسير الطﻻيب
تنهار من ثقله جبال السراوت

ﻻبد للصافي عليه الشوايب
والعاقبه للمؤمن من البريات

ياحامد الشكوى لمنشي السحايب
واللي بجده مايحب القريات

اوجه ابياتي وفيها غرايب
ياحامد المعنى بعيد المرامات

شعر/عبدالله سحيم القرني
___________________________

يامرحبا بك وانت سيد الحبايب
اللي بهم فعلا تتم الصداقات

ياصاحبي دامك من الحب تايب
بعض المواقف ماعليها حسافات

دامك هنا موجود سامع وجايب
سجل على اصحاب اللقافه غرامات

تبقى جروح اهل المحبه عطايب
اما البقية ماعليها خلافات

ياصاحبي هالوقت كله عجايب
احذر وحاذر من بعاض النقاشات

في جعبته تلقى كثير الغرايب
من جورها يمكن يجي لك ملامات

معذور لو سليت سيف وحرايب
واصبحت صاحب حرب تحت السماوات

لا عند عبدالله تهب الهبايب
ب ابيات زينه ماهي مجرد ابيات

لاصرت خايف من وقوع* المصايب
اصبر ترى كل المشاكل سهالات

الشاعر/حامد الهاشلي

.