ياكاسة الشاي

اعزف حروفي مثل ماتعزف الناي
طارف شجوني مسمعه يعشق الواو

اسهرني الوجدان ياكاسة الشاي
ياكاسة الشاهي على ايش الغضي ناو

استنشق انفاس الشعر هاي ياهاي
رشة عطر ودخون عوده مع الجاو

ان كان قصده يكسر اقدام مسعاي
ترا الامل معكاز للوصل متقاو

تكفي جروحي من سكاكين دنياي
والقلب له ميسم من الغربله كاو

ان كان غنى طاير الورق مغناي
عانوا خفوقه منصدع هم متﻻو

واليا درا قيس الملوح بمغزاي
ماكان سموه العرب طايشن غاو

ﻻيامرؤ القيس الدخول احد معناي
رماه باطﻻلك على كندة الفاو

الفاو كانت روضة" كنزها الماي
واليوم ماتت ماروى مجدها الراو

والليل طرف والحزن رايح" جاي
حتى الجذل من جمرة اشواقنا ذاو

من قبل ما تدري عن اسباب بلواي
الهم ذيب" في رجم خافقي عاو

يالليل وهمومك تجيني من اقصاي
ليت الرجا في طيحته طاح متساو

اعزف قوافي الشعر ماتعزف الناي
يا محترف عزف الشعر علم الهاو

شعر / عبدالله سحيم القرني

---

dh;hsm hgahd

"الطارقي"
صح لسانك ..
ابداع من الكلمات رسمته هنا ..
وتألق توهج بعذب الكلام ..
أسرتـــنا بـعزفك الـساحر ..
مقطوعة متوهجة أبدعت في نسجها ..
اتمنى لك مزيداً من الإبداع والتألق
لك خالص تقديري واحترامي

فنجال قهوه وارتكي فوق مركاي
في وسط قفر دايم من السكن خاو
اراجع همومي مع كاسة الشاي
وابعد عن الزحمة وعن ميسم الكاو