منتديات بني بحير بلقرن - الفكر حومة وغى

الفكر حومة وغى فيها جلاد
والخيل شعري ليا حمي الوطيس

الله واكبر ليا نادا المناد
وانا لها يوم هاب الطرطميس

يوم المنابر كما صهوة جياد
ماهيب للأمعه ولى الطفيس

لكنها للعنيد ابو العناد
من طيب راسه ماجابه دنفريس

القافيه مانعرضها المزاد
يامدور الفلس في جيب الفليس

نستاقها طلق ولى في قياد
تصارف انيابها ولها ضريس

خل الهرافي لاهل صحرا الوداد
واحنا لنا العيس واغلا المال عيس

نحتاشها للحيا لارض الحماد
وندوج بارضٍ مايلحقها العسيس

طرق الهجيني مجرعني السهاد
لو ان بحر الهلالي لي ونيس

هيهات هيهات يابانت سعاد
هيهات يالبحتري يا اشعار قيس

هيهات والقرب يعقبه البعاد
هيهات وين الجليس من الجليس

يالهاجس اللي كما صقر الهداد
في كل هده يبي صيد وفريس

الفكر يقدح كما قدح الزناد
والشعر كالبحر يالدر النفيس

يالشاوي اللي على اطراف البلاد
رئيس لو مالكم مكتب رئيس

شعر:عبدالله سحيم القرني