عاصفة الحزم

حنا على الهقوات ياسيد العُرْب
حنا عمى العادي وحنا كعامه

الشعب ياسلمان ياسيد الشعب
بأمرك وتحت امرك ولامرك قيامه

الصف متوحد من الشرق للغرب
من نجد مهد المجد حتى تهامه

وأهل الشمال الدرع وسيوفنا الحدب
سلمان صقارٍ وشعبه قطامه

هده مهد العز واجرح به الخرب
الصقر ماخذ منك عزم وصرامه

الجيش متدرب على السهل والصعب
جيش النصر جيشٍ يسرك نظامه

اضربنا نحر العدو وأنجز الضرب
حنا شظايا الموت واحنا سهامه

اي والله انا النار في حومة الحرب
للنار ماتصمد عروق الثمامه

احنا الفرج في ساعة الضيق والكرب
واحنا مقاديم السعد والفخامه

في عاصفة حزمٍ ظهر جيشنا العضب
والعاصفه تحمل مناخ السلامه

ترسي قواعد امنٍ أرسى من الألب
فالمنطقة بأمر الولي واحتكامه

وتقلع خيام الشر طنبٍ ورا طنب
مسلسل التخريب ننهي درامه

حنا مجرة مجد في بطنها الشهب
حايم فلكها للوغى واحتدامه

مجرةٍ هيكل فلكها على الخطب
في كف سلمان العروبه مقامه

يرسل شهبها للغوي والشهب رعب
يحرق ثيابه قبل يحرق عظامه

يالحوثي الملعون يانجس من الكلب
بكره تشوف الغربله والندامه

يالاجرب اللي حك جلده مع الجُرْب
ياللي صلاته ماتوافق صيامه

تبت يدك تبٍ على تب في تب
يالخالي من المرجله والشهامه

ايرانك اللي لبّسك كامل الذنب
والذنب مايغسله وبل الغمامه

ياتفلة الايران في داخل الجب
وش ضرنا من تفلت اهل العمامه

لاياخذك يالحوثي الفخر والعجب
بكره تدس الراس مثل النعامه

بكره نطى غاربك ياغارب الضب
طويت صحفها ياعميل الغشامه

اقولها وانا المتيم وانا الصب
في موطن الامجاد دار الزعامه

ياسيدي سلمان بأمرٍ من الرب
نطوّع العاصي ونفرك عرامه

اهل الجنوب ذياب حربٍ لها قنب
يوم الوديعة يوم حرب الرغامه

حنا على الهقوات ياسيد العُرْب
حنا عمى العادي وحنا كعامه

شعر:عبدالله سحيم القرني

---

uhwtm hgp.l hg[sl

عاصفة الحزم جائت ولله الحمد في وقت قياسي قبل ان يدق ناقوس الخطر بالدول العالم
وكلنا مع الصقور الأبطال
قلبا وقالبا
عسى الله ينصرهم ويسدد رميهم

بيض الله وجهك اخي عبدالله .. وصح لسانك
والوطن نفداه بالروح والولد

صح لسانك ياخوي الطارقي ..
فاالله ينصرابطال عاصفة الحزم ..
ونحن نفدا وطنا الغالي بكل مااوتينا من قوه ..

صح لسانك

صحت ابدانكم جميعاً وﻻ هنتوا واشكركم جزيل الشكر
على هذا المرور العذب

تحياتي للجميع.